ជាតិ
សង្គមជាតិ
លោករដ្ឋមន្រ្តី អ៊ិត សំហេង ធ្វើសន្និសីទកាសែតនៅព្រលានយន្តហោះអន្តរជាតិភ្នំពេញ
×![]()
ដោយ: ថ្មីៗ
រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ លោក អ៊ិត សំហេង បានប្រកាសថា រដ្ឋាភិបាលកម្ពុជា នឹងបើកយុទ្ធនាការ ១០០ ថ្ងៃ ដើម្បីធ្វើលិខិតឆ្លងដែនដល់ពលករខ្មែរ ដែលកំពុងធ្វើការនៅប្រទេសថៃ។
ក្រោយចុះពីលើយន្តហោះ បន្ទាប់ពីបញ្ចប់បេសកកម្មនៅប្រទេសថៃ លោក អ៊ិត សំហេង បាននិយាយថា មានកម្មករខ្មែរប្រមាណ ១៦ ម៉ឺននាក់ គ្មានលិខិតឆ្លងដែន ដែលកំពុងធ្វើការនៅប្រទេសថៃ។ លោករដ្ឋមន្រ្តីក្រសួងការងារ បញ្ជាក់ថា ក្នុងចំណោមកម្មករទាំងនោះ មានកម្មករផ្នែកនេសាទប្រមាណ ៤ ម៉ឺននាក់ គ្មានលិខិតឆ្លងដែន ដែលក្រុមការងាររបស់លោក នឹងត្រូវធ្វើលិខិតឆ្លងដែនឲ្យមុនគេក្នុងយុទ្ធនាការ ១០០ ថ្ងៃនេះ។ «យើងគ្រោងថា ធ្វើមួយថ្ងៃយ៉ាងតិចឲ្យបាន ៥០០ លិខិតឆ្លងដែនជូនកម្មករ។ យើងនឹងចុះទៅដល់រោងចក្រតែម្តង»។ នេះជាការបញ្ជាក់របស់លោករដ្ឋមន្រ្តីនៅក្នុងសន្និសីទកាសែតនៅព្រលានយន្តហោះអន្តរជាតិភ្នំពេញ នៅល្ងាចថ្ងៃទី ៦ ខែកក្កដា។
ជាមួយគ្នានេះលោក សំហេង ក៏ផ្ញើសារទៅកម្មករខ្មែរដែលកំពុងធ្វើការដោយគ្មានលិខិតស្នាមត្រឹមត្រូវនៅប្រទេសថៃ ដោយកុំឲ្យបារម្ភថា អាជ្ញាធរថៃនឹងចាប់បញ្ជូនពួកខ្លួនមកកម្ពុជាវិញ ព្រោះលោកបានធ្វើការងារជាមួយភាគីថៃរួចហើយ។ លោក បញ្ជាក់យ៉ាងនេះថា៖« សុំបងប្អូនកុំបារម្ភ។ សុវត្ថិភាពរបស់បងប្អូន គឺធានាដោយរដ្ឋាភិបាលនៃប្រទេសទាំងពីរ»។
សារព័ត៌មានថ្មីៗ នឹងលម្អិតព័ត៌មាននេះបន្ថែមទៀត នៅពេលក្រោយ។
ក្រោយចុះពីលើយន្តហោះ បន្ទាប់ពីបញ្ចប់បេសកកម្មនៅប្រទេសថៃ លោក អ៊ិត សំហេង បាននិយាយថា មានកម្មករខ្មែរប្រមាណ ១៦ ម៉ឺននាក់ គ្មានលិខិតឆ្លងដែន ដែលកំពុងធ្វើការនៅប្រទេសថៃ។ លោករដ្ឋមន្រ្តីក្រសួងការងារ បញ្ជាក់ថា ក្នុងចំណោមកម្មករទាំងនោះ មានកម្មករផ្នែកនេសាទប្រមាណ ៤ ម៉ឺននាក់ គ្មានលិខិតឆ្លងដែន ដែលក្រុមការងាររបស់លោក នឹងត្រូវធ្វើលិខិតឆ្លងដែនឲ្យមុនគេក្នុងយុទ្ធនាការ ១០០ ថ្ងៃនេះ។ «យើងគ្រោងថា ធ្វើមួយថ្ងៃយ៉ាងតិចឲ្យបាន ៥០០ លិខិតឆ្លងដែនជូនកម្មករ។ យើងនឹងចុះទៅដល់រោងចក្រតែម្តង»។ នេះជាការបញ្ជាក់របស់លោករដ្ឋមន្រ្តីនៅក្នុងសន្និសីទកាសែតនៅព្រលានយន្តហោះអន្តរជាតិភ្នំពេញ នៅល្ងាចថ្ងៃទី ៦ ខែកក្កដា។
ជាមួយគ្នានេះលោក សំហេង ក៏ផ្ញើសារទៅកម្មករខ្មែរដែលកំពុងធ្វើការដោយគ្មានលិខិតស្នាមត្រឹមត្រូវនៅប្រទេសថៃ ដោយកុំឲ្យបារម្ភថា អាជ្ញាធរថៃនឹងចាប់បញ្ជូនពួកខ្លួនមកកម្ពុជាវិញ ព្រោះលោកបានធ្វើការងារជាមួយភាគីថៃរួចហើយ។ លោក បញ្ជាក់យ៉ាងនេះថា៖« សុំបងប្អូនកុំបារម្ភ។ សុវត្ថិភាពរបស់បងប្អូន គឺធានាដោយរដ្ឋាភិបាលនៃប្រទេសទាំងពីរ»។
សារព័ត៌មានថ្មីៗ នឹងលម្អិតព័ត៌មាននេះបន្ថែមទៀត នៅពេលក្រោយ។
Tag:
កម្មករ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
