ជាតិ
សេដ្ឋកិច្ច
អាពាហ៍ពិពាហ៍៖ បណ្ណាការលែងជាបញ្ហា, ពិធីខ្លីជាងមុន, អញ្ជើញការតាមហ្វេសប៊ុកបាន, ចំណាយដើម្បីសម្ញែង…
×![]()
ដោយ: ថ្មីៗ
ភ្នំពេញ៖ បើនិយាយពីការរៀបអាពាហ៍ពិពាហ៍ អ្នកខ្លះ គិតថា វាជារឿងលំបាកណាស់ ពីព្រោះ ពួកគេត្រូវរៀបចំពិធី និងអញ្ជើញអ្នកចូលរួម។ តែអ្នកខ្លះទៀតថា ការរៀបចំពិធីការនាពេលបច្ចុប្បន្ននេះ មិនសូវប្រឈមប៉ុន្មានឡើយ ព្រោះ ក្រុមហ៊ុនសេវាកម្មទាក់ទងនឹងការរៀបចំអាពាហ៍ពិពាហ៍មានច្រើនណាស់។ ម្យ៉ាងទៀត ការអញ្ជើញភ្ញៀវឲ្យចូលរួមអាពាហ៍ពិពាហ៍អាចធ្វើឡើងតាមផ្ទាល់មាត់ តាមហ្វេសប៊ុក តាមអ៊ីមែល។ល។ តែរឿងប្រឈមខ្លាំង គឺការធ្វើរោងការបិទផ្លូវអ្នកដំណើរ។
ខាងក្រោមនេះ គឺជាបទសម្ភាសរវាងលោក សេង ពិសិដ្ឋ អគ្គនាយកក្រុមហ៊ុនរៀបចំព្រឹត្តិការណ៍ ANUSSA និងលោក ចំណារ អ្នកសារព័ត៌មានអេឡិចត្រូនិកថ្មីៗ។
សារព័ត៌មានថ្មីៗ៖ ហេតុអ្វីលោកសម្រេចចិត្តបង្កើតពិព័រណ៍អាពាហ៍ពិពាហ៍? អ្វីនៅពីក្រោយគំនិតនេះ?
លោក សេង ពិសិដ្ឋ៖ ជារួម ការបង្កើតកម្មវិធីនេះ គឺដើម្បីផ្តល់ភាពងាយស្រួលដល់អនាគតគូស្វាមី ភរិយាដែលត្រៀមរៀបចំមង្គលការ។ ពួកគេអាចធ្វើការជ្រើសរើសអ្នកផ្គត់ផ្គង់សម្ភារៈ សម្លៀកបំពាក់ សម្អាងការ តុបតែង ថតរូប ពិធីការផ្សេងៗ ដោយកាត់បន្ថយការចំណាយវេលា កាត់បន្ថយភាពស្មុគស្មាញដែលនាំឲ្យឈឺក្បាល។ ម្យ៉ាងទៀត គួស្រករថ្មីនឹងទទួលបានការបញ្ចុះតម្លៃពីក្រុមហ៊ុនពាក់ព័ន្ធនានា។
សារព័ត៌មានថ្មីៗ៖ តើអាពាហ៍ពិពាហ៍បច្ចុប្បន្ន និងអតីតកាលមានលក្ខណៈខុសគ្នាច្រើនឬទេ? បើខុសគ្នា តើខុសចំណុចធំៗណាខ្លះ?
លោក សេង ពិសិដ្ឋ៖ បើតាមគំនិតខ្ញុំ ខ្ញុំសង្កេតឃើញការខុសគ្នាត្រង់និន្នាការនៃការរៀបចំ និង ចំនួនអ្នកចូលរួម។ ក្រុមគ្រួសារកាត់បន្ថយភាពស្មុគស្មាញក្នុងមង្គលការ មានន័យថា កាត់ចោលពិធីមួយចំនួនចោល ដោយរក្សាទុក និងរៀបចំតែពិធីសំខាន់ៗដើម្បីចំណេញពេលវេលា និង បន្ថយការរំខានដល់បងប្អូនញាតិមិត្ត ក៏ដូចជាបន្ថយចំណាយមិនចាំបាច់មួយចំនួន។ ខ្ញុំសង្កេតឃើញថា មានប្រតិកម្មច្រើនពីសាធារណជនពីការអញ្ជើញទៅមង្គលការច្រើនពេក។ ជាក់ស្តែង ឥឡូវនេះ អ្នកចូលរួមមង្គលការ គិតថា ទៅចូលរួមខ្លះ ឬមិនទៅចូលរួមខ្លះ ហើយពួកគេលែងមានសម្ពាធផ្នែកអារម្មណ៍ដូចមុនទៀតហើយ។
សារព័ត៌មានថ្មីៗ៖ តើការរៀបចំអាពាហ៍ពិពាហ៍នាពេលបច្ចុប្បន្នលំបាកខ្លាំងឬទេ?
លោក សេង ពិសិដ្ឋ៖ មិនលំបាកជាងមុនទេ តាមពិត វាងាយស្រួលជាងមុន។ សេវាកម្មថ្មីៗត្រូវបានបង្កើតឡើងដើម្បីសម្រួលដល់ការរៀបចំមង្គលការទាំងមូល ដូចជា ក្រុមហ៊ុនពិធីការ ក្រុមហ៊ុនរៀបចំគម្រោងអាពាហ៍ពិពាហ៍ ក្រុមហ៊ុនរចនាតុបតែង សេវាកម្មវេរលុយចងដៃ សេវាកម្មដឹកជញ្ចូនធៀបការជាដើម។
សារព័ត៌មានថ្មីៗ៖ តើការអញ្ជើញភ្ញៀវគួរធ្វើឡើងតាមរបៀបណា? អញ្ជើញផ្ទាល់មាត់? តាមហ្វេសប៊ុក? តាមអ៊ីម៉ែល?
លោក សេង ពិសិដ្ឋ៖ មែនទែនទៅ ធ្វើឡើងតាមមធ្យោបាយណាក៏បាន វាអាស្រ័យលើភាពជិតស្និទ្ធ។
អញ្ជើញផ្ទាល់មាត់ ឬ តាមហ្វេសប៊ុក សម្រាប់មិត្តភក្តិជិតស្និទ្ធបំផុត។ ទោះជាយ៉ាងណាក៏ដោយ ក៏ការជូនសំបុត្រការដល់កន្លែងធ្វើការ ឬដល់គេហដ្ឋាននៅតែជាការសម្តែងការគោរពដ៏ល្អបំផុតសម្រាប់ប្រពៃណីខ្មែរ។ វាជាលេសមិនសមស្រប ប្រសិនបើគេនិយាយថាសូមការអធ្យាស្រ័យមិនបានជូនធៀបការដោយផ្ទាល់ដៃដោយសារជាប់រវល់នេះ ឬរវល់នោះ។ គូស្រករថ្មីរវល់ តែភ្ញៀវក៏ត្រូវចំណាយពេលវេលារវល់របស់ពួកគេដើម្បីទៅចូលរួមមង្គលការរបស់យើងដែរ។
សារព័ត៌មានថ្មីៗ៖ បច្ចុប្បន្ននេះ តើថ្លៃបណ្ណាការជារឿងប្រឈមសម្រាប់យុវជនមិនទាន់រៀបការឬទេ?
លោក សេង ពិសិដ្ឋ៖ បច្ចុប្បន្ននេះ គេសង្កេតឃើញមានការសម្របសម្រួលគ្នាច្រើន មិនមែនចេះតែទារនោះទេ។ គ្រួសារទាំងសងខាងចាប់ផ្តើមទទួលស្គាល់ពីតួនាទីនៃការចូលរួមក្នុងការកសាងគ្រួសារថ្មី ទាំងពីខាងកូនកំលោះ និង ខាងកូនក្រមុំ ពោលគឺមិនមែនជាបន្ទុកផ្តាច់មុខខាងប្រុសតែម្ខាងនោះទេ។ គ្រួសារទាំងសងខាងផ្តល់នូវធនធានដល់គ្រួសារថ្មីដើម្បីរៀបចំជីវិតអាពាហ៍ពិពាហ៍។ ហើយកូនកំលោះ និង កូនក្រមុំផ្ទាល់ មានលក្ខណៈឯករាជ្យជាងមុន ដោយភាគច្រើន ពួកគេមានប្រភពចំណូលផ្ទាល់ខ្លួន ដូច្នេះ ពួកគេអាចរៀបចំមង្គលការដោយខ្លួនឯងបាន។
សារព័ត៌មានថ្មីៗ៖ តើដៃគូអនាគតគួរចំណាយប្រាក់លើពិធីអាពាហ៍ពិពាហ៍ច្រើនពេកឬទេ? គួរសន្សំលុយទុកទិញគេហដ្ឋាន ឬគួរចំណាយលុយលើពិធីដែលខាតបង់ចោលដើម្បីតែកិត្តិយសមួយភ្លែតប៉ុណ្ណោះ?
លោក សេង ពិសិដ្ឋ៖ កិត្តិយសពិតប្រាកដបានមកពីការធ្វើអ្វីជាប្រយោជន៍ដល់សង្គម មិនមែនបានពីការចាយវាយ សម្ញែងហ៊ឺហារ សម្រាប់តែខ្លួនឯង និងក្រុមគ្រួសារនោះទេ។ បើដូច្នោះ តើត្រូវចំណាយបង្ហិនលុយធ្វើអី្វ? សន្សំលុយទុករៀបចំគ្រួសារ រៀបគម្រោងថវិកាឲ្យបានល្អិតល្អន់ វិនិយោគលើផ្ទះ ដី និង ការបង្កើនចំណូលផ្សេងៗ វាអាចនាំគ្រួសារថ្មីទៅរកសុភមង្គល ជាជាងចំណាយខ្ជះខ្ជាយលើមង្គលការមួយថ្ងៃ។
សារព័ត៌មានថ្មីៗ៖ តើរោងអាពាហ៍ពិពាហ៍គួរធ្វើឡើងដោយបិទផ្លូវសាធារណៈឬទេ?
លោក សេង ពិសិដ្ឋ៖ ខ្ញុំគិតថា បិទចុះបើផ្លូវស្ងាត់មិនសូវមានគេជិះ។ បើផ្លូវស្ទះស្រាប់ទៅហើយ ហើយគេធ្វើរោងការបិទទៀត តើអ្នកធ្វើដំណើរជិះតាមផ្លូវណា? ហើយបើអ្នកធ្វើដំណើរខ្លះមានកិច្ចការអាសន្ន មានជំងឺ ត្រូវប្រញាប់…តើពួកគេធ្វើដូចម្តេច? ការបិទផ្លូវដើម្បីសម្ញែងពីកម្មវិធីខ្លួនឯង វាពិតជាផ្តល់ផលលំបាកច្រើនណាស់ដល់អ្នកធ្វើដំណើរ។ កាលពីពេលមុន បិទផ្លូវមិនសូវអីទេ ព្រោះផ្លូវវាមិនសូវស្ទះ។ តែឥឡូវនេះ ផ្លូវស្ទះសឹងគ្រប់ពេល និង គ្រប់ទីកន្លែង។ ហេតុដូច្នេះ បើជៀសធ្វើរោងការនៅផ្លូវស្ទះបាន សូមពិចារណាចំនុចនេះ ហើយបើមិនអាចជៀសបាន សូមយកចំណែកផ្លូវតូចបំផុត។ ថ្ងៃមង្គលគួរតែជាថ្ងៃសិរីសួស្តី មិនមែនជាថ្ងៃដែលអ្នកធ្វើដំណើរជិះកាត់រោងការ ជេរហុយដីនោះទេ៕
ខាងក្រោមនេះ គឺជាបទសម្ភាសរវាងលោក សេង ពិសិដ្ឋ អគ្គនាយកក្រុមហ៊ុនរៀបចំព្រឹត្តិការណ៍ ANUSSA និងលោក ចំណារ អ្នកសារព័ត៌មានអេឡិចត្រូនិកថ្មីៗ។
សារព័ត៌មានថ្មីៗ៖ ហេតុអ្វីលោកសម្រេចចិត្តបង្កើតពិព័រណ៍អាពាហ៍ពិពាហ៍? អ្វីនៅពីក្រោយគំនិតនេះ?
លោក សេង ពិសិដ្ឋ៖ ជារួម ការបង្កើតកម្មវិធីនេះ គឺដើម្បីផ្តល់ភាពងាយស្រួលដល់អនាគតគូស្វាមី ភរិយាដែលត្រៀមរៀបចំមង្គលការ។ ពួកគេអាចធ្វើការជ្រើសរើសអ្នកផ្គត់ផ្គង់សម្ភារៈ សម្លៀកបំពាក់ សម្អាងការ តុបតែង ថតរូប ពិធីការផ្សេងៗ ដោយកាត់បន្ថយការចំណាយវេលា កាត់បន្ថយភាពស្មុគស្មាញដែលនាំឲ្យឈឺក្បាល។ ម្យ៉ាងទៀត គួស្រករថ្មីនឹងទទួលបានការបញ្ចុះតម្លៃពីក្រុមហ៊ុនពាក់ព័ន្ធនានា។
សារព័ត៌មានថ្មីៗ៖ តើអាពាហ៍ពិពាហ៍បច្ចុប្បន្ន និងអតីតកាលមានលក្ខណៈខុសគ្នាច្រើនឬទេ? បើខុសគ្នា តើខុសចំណុចធំៗណាខ្លះ?
លោក សេង ពិសិដ្ឋ៖ បើតាមគំនិតខ្ញុំ ខ្ញុំសង្កេតឃើញការខុសគ្នាត្រង់និន្នាការនៃការរៀបចំ និង ចំនួនអ្នកចូលរួម។ ក្រុមគ្រួសារកាត់បន្ថយភាពស្មុគស្មាញក្នុងមង្គលការ មានន័យថា កាត់ចោលពិធីមួយចំនួនចោល ដោយរក្សាទុក និងរៀបចំតែពិធីសំខាន់ៗដើម្បីចំណេញពេលវេលា និង បន្ថយការរំខានដល់បងប្អូនញាតិមិត្ត ក៏ដូចជាបន្ថយចំណាយមិនចាំបាច់មួយចំនួន។ ខ្ញុំសង្កេតឃើញថា មានប្រតិកម្មច្រើនពីសាធារណជនពីការអញ្ជើញទៅមង្គលការច្រើនពេក។ ជាក់ស្តែង ឥឡូវនេះ អ្នកចូលរួមមង្គលការ គិតថា ទៅចូលរួមខ្លះ ឬមិនទៅចូលរួមខ្លះ ហើយពួកគេលែងមានសម្ពាធផ្នែកអារម្មណ៍ដូចមុនទៀតហើយ។
សារព័ត៌មានថ្មីៗ៖ តើការរៀបចំអាពាហ៍ពិពាហ៍នាពេលបច្ចុប្បន្នលំបាកខ្លាំងឬទេ?
លោក សេង ពិសិដ្ឋ៖ មិនលំបាកជាងមុនទេ តាមពិត វាងាយស្រួលជាងមុន។ សេវាកម្មថ្មីៗត្រូវបានបង្កើតឡើងដើម្បីសម្រួលដល់ការរៀបចំមង្គលការទាំងមូល ដូចជា ក្រុមហ៊ុនពិធីការ ក្រុមហ៊ុនរៀបចំគម្រោងអាពាហ៍ពិពាហ៍ ក្រុមហ៊ុនរចនាតុបតែង សេវាកម្មវេរលុយចងដៃ សេវាកម្មដឹកជញ្ចូនធៀបការជាដើម។
សារព័ត៌មានថ្មីៗ៖ តើការអញ្ជើញភ្ញៀវគួរធ្វើឡើងតាមរបៀបណា? អញ្ជើញផ្ទាល់មាត់? តាមហ្វេសប៊ុក? តាមអ៊ីម៉ែល?
លោក សេង ពិសិដ្ឋ៖ មែនទែនទៅ ធ្វើឡើងតាមមធ្យោបាយណាក៏បាន វាអាស្រ័យលើភាពជិតស្និទ្ធ។
អញ្ជើញផ្ទាល់មាត់ ឬ តាមហ្វេសប៊ុក សម្រាប់មិត្តភក្តិជិតស្និទ្ធបំផុត។ ទោះជាយ៉ាងណាក៏ដោយ ក៏ការជូនសំបុត្រការដល់កន្លែងធ្វើការ ឬដល់គេហដ្ឋាននៅតែជាការសម្តែងការគោរពដ៏ល្អបំផុតសម្រាប់ប្រពៃណីខ្មែរ។ វាជាលេសមិនសមស្រប ប្រសិនបើគេនិយាយថាសូមការអធ្យាស្រ័យមិនបានជូនធៀបការដោយផ្ទាល់ដៃដោយសារជាប់រវល់នេះ ឬរវល់នោះ។ គូស្រករថ្មីរវល់ តែភ្ញៀវក៏ត្រូវចំណាយពេលវេលារវល់របស់ពួកគេដើម្បីទៅចូលរួមមង្គលការរបស់យើងដែរ។
សារព័ត៌មានថ្មីៗ៖ បច្ចុប្បន្ននេះ តើថ្លៃបណ្ណាការជារឿងប្រឈមសម្រាប់យុវជនមិនទាន់រៀបការឬទេ?
លោក សេង ពិសិដ្ឋ៖ បច្ចុប្បន្ននេះ គេសង្កេតឃើញមានការសម្របសម្រួលគ្នាច្រើន មិនមែនចេះតែទារនោះទេ។ គ្រួសារទាំងសងខាងចាប់ផ្តើមទទួលស្គាល់ពីតួនាទីនៃការចូលរួមក្នុងការកសាងគ្រួសារថ្មី ទាំងពីខាងកូនកំលោះ និង ខាងកូនក្រមុំ ពោលគឺមិនមែនជាបន្ទុកផ្តាច់មុខខាងប្រុសតែម្ខាងនោះទេ។ គ្រួសារទាំងសងខាងផ្តល់នូវធនធានដល់គ្រួសារថ្មីដើម្បីរៀបចំជីវិតអាពាហ៍ពិពាហ៍។ ហើយកូនកំលោះ និង កូនក្រមុំផ្ទាល់ មានលក្ខណៈឯករាជ្យជាងមុន ដោយភាគច្រើន ពួកគេមានប្រភពចំណូលផ្ទាល់ខ្លួន ដូច្នេះ ពួកគេអាចរៀបចំមង្គលការដោយខ្លួនឯងបាន។
សារព័ត៌មានថ្មីៗ៖ តើដៃគូអនាគតគួរចំណាយប្រាក់លើពិធីអាពាហ៍ពិពាហ៍ច្រើនពេកឬទេ? គួរសន្សំលុយទុកទិញគេហដ្ឋាន ឬគួរចំណាយលុយលើពិធីដែលខាតបង់ចោលដើម្បីតែកិត្តិយសមួយភ្លែតប៉ុណ្ណោះ?
លោក សេង ពិសិដ្ឋ៖ កិត្តិយសពិតប្រាកដបានមកពីការធ្វើអ្វីជាប្រយោជន៍ដល់សង្គម មិនមែនបានពីការចាយវាយ សម្ញែងហ៊ឺហារ សម្រាប់តែខ្លួនឯង និងក្រុមគ្រួសារនោះទេ។ បើដូច្នោះ តើត្រូវចំណាយបង្ហិនលុយធ្វើអី្វ? សន្សំលុយទុករៀបចំគ្រួសារ រៀបគម្រោងថវិកាឲ្យបានល្អិតល្អន់ វិនិយោគលើផ្ទះ ដី និង ការបង្កើនចំណូលផ្សេងៗ វាអាចនាំគ្រួសារថ្មីទៅរកសុភមង្គល ជាជាងចំណាយខ្ជះខ្ជាយលើមង្គលការមួយថ្ងៃ។
សារព័ត៌មានថ្មីៗ៖ តើរោងអាពាហ៍ពិពាហ៍គួរធ្វើឡើងដោយបិទផ្លូវសាធារណៈឬទេ?
លោក សេង ពិសិដ្ឋ៖ ខ្ញុំគិតថា បិទចុះបើផ្លូវស្ងាត់មិនសូវមានគេជិះ។ បើផ្លូវស្ទះស្រាប់ទៅហើយ ហើយគេធ្វើរោងការបិទទៀត តើអ្នកធ្វើដំណើរជិះតាមផ្លូវណា? ហើយបើអ្នកធ្វើដំណើរខ្លះមានកិច្ចការអាសន្ន មានជំងឺ ត្រូវប្រញាប់…តើពួកគេធ្វើដូចម្តេច? ការបិទផ្លូវដើម្បីសម្ញែងពីកម្មវិធីខ្លួនឯង វាពិតជាផ្តល់ផលលំបាកច្រើនណាស់ដល់អ្នកធ្វើដំណើរ។ កាលពីពេលមុន បិទផ្លូវមិនសូវអីទេ ព្រោះផ្លូវវាមិនសូវស្ទះ។ តែឥឡូវនេះ ផ្លូវស្ទះសឹងគ្រប់ពេល និង គ្រប់ទីកន្លែង។ ហេតុដូច្នេះ បើជៀសធ្វើរោងការនៅផ្លូវស្ទះបាន សូមពិចារណាចំនុចនេះ ហើយបើមិនអាចជៀសបាន សូមយកចំណែកផ្លូវតូចបំផុត។ ថ្ងៃមង្គលគួរតែជាថ្ងៃសិរីសួស្តី មិនមែនជាថ្ងៃដែលអ្នកធ្វើដំណើរជិះកាត់រោងការ ជេរហុយដីនោះទេ៕
Tag:
អាពាហ៍ពិពាហ៍
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
