ជាតិ
សេដ្ឋកិច្ច
និយ័តករ ស្នើឲ្យក្រុមហ៊ុនទូរសព្ទបំភ្លឺរឿង «ការហៅចូលលេខប្លែកៗពីបរទេស»
× ភ្នំពេញ៖ និយ័តករទូរគមនាគមន៍កម្ពុជា (TRC) បានស្នើឲ្យក្រុមហ៊ុនផ្ដល់សេវាទូរសព្ទទាំងអស់បកស្រាយលើករណីមានការហៅចូល (Miss Call) ពីប្រព័ន្ធទូរសព្ទរបស់បណ្ដាប្រទេសមួយចំនួន មកអ្នកប្រើប្រាស់ទូសព្ទនៅកម្ពុជាយ៉ាងចំឡែក ដែលធ្វើឲ្យអ្នកនៅក្នុងស្រុកខាតបង់ថវិកាក្នុងការហៅចេញទៅវិញ។ នេះបើតាមសេចក្ដីប្រកាសរបស់ TRC នៅថ្ងៃទី៦ខែកក្កដា។
និយ័តករបញ្ជាក់ថា លេខទូរសព្ទស៊ីញ៉ូហៅចូលមកទូរសព្ទដៃក្នុងប្រទេសកម្ពុជា គឺមានលេខទូរសព្ទចល័តអន្តរជាតិរបស់ប្រទេស Vanuatu មានលេខ +៦៧៨ ៥៥៩ ៤៥២៣/ +៦៧៨ ៥៥៩ ៤៥៨៩ និងលេខទូរសព្ទហៅដែលមានលេខកូដប្រទេស ពីប្រទេសអាហ្វហ្គានីស្តង់ (+៣៧៥), ប្រទេសឡាទីវ៉ា (+៣៧១) ប្រទេសស៊ែប៊ី (+៣៨១) ប្រទេស Valparaiso (+៥៦៣) ប្រទេស Vilnius (+៣៧០) ប្រទេសតង់ហ្សានី (+២៥៥) ។ និយ័តករឲ្យដឹងថា ការហៅចូលពីប្រព័ន្ធទាំងនោះ ធ្វើឲ្យអតិថិជនមានចម្ងល់ចង់ហៅឬហៅចេញទៅវិញ ដោយបង់ខាតប្រាក់របស់ខ្លួនឥតប្រយោជន៍។
និយ័តករទូរគមនាគមន៍ បន្ថែមថា ការសន្ទនាតាមទូរសព្ទអន្តរជាតិជាមធ្យម ត្រូវបង់ខាតប្រមាណពី ១៥ដុល្លារ ទៅ ៣០ដុល្លារ សម្រាប់រយៈពេល ៣ វិនាទី។ និយ័តករបញ្ជាក់ថា នេះជាតម្លៃបានពីការិយាល័យប្រឆាំងការជួយដូរមនុស្ស។
និយ័តករស្នើឲ្យក្រុមហ៊ុនផ្តល់សេវាទូរសព្ទទាំងអស់ពិនិត្យ និងបកស្រាយលទ្ធភាពបច្ចេកទេស ព្រមទាំងផ្សព្វផ្សាយសារជាវិធានការបង្ការជូនអតិថិជនរបស់ខ្លួន ដើម្បីចៀសវាងកើតហានិភ័យមកពីករណីខាងលើនេះជាយថាហេតុ៕
© រក្សាសិទ្ធិដោយ thmeythmey.com