ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សេដ្ឋកិច្ច
ចិនផ្ដល់ជំនួយជិត៤លានដុល្លារ ទិញឧបករណ៍ និងសង់មន្ទីរពិសោធន៍វិនិច្ឆ័យជំងឺសត្វ
07, Jul 2017 ,
5:11 pm
រូបភាព
រូបភាពពីហ្វេសប៊ុកក្រសួងកសិកម្ម
×
ដោយ:
កម្ពុជា និងចិន កាលពីថ្ងៃទី៥ ខែកក្កដា បានចុះហត្ថលេខាលើកំណត់ហេតុ ស្តីពីលទ្ធផលនៃការសិក្សា រៀបចំគម្រោងសាងសង់មន្ទីរពិសោធន៍រោគវិនិច្ឆ័យជំងឺសត្វ។ គម្រោងនេះ មានទឹកប្រាក់ប្រមាណ២៥លានRMB ឬជិត៤លានដុល្លារអាមេរិក ក្រោមហិរញ្ញប្បទានឥតសំណងរបស់រដ្ឋាភិបាលចិនសម្រាប់អាស៊ាន។
រដ្ឋាភិបាលចិន បានផ្តល់ជំនួយ ជិត៤លានដុល្លារអាមេរិក ដល់កម្ពុជា សាងសង់មន្ទីរពិសោធន៍រោគវិនិច្ឆ័យជំងឺសត្វ។ គម្រោងនេះ ត្រូវបានចុះហត្ថលេខា នៅថ្ងៃទី៥ ខែកក្កដារ រវាងលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក លី អាន តំណាងឯកអគ្គរដ្ឋទូតចិនប្រចាំនៅកម្ពុជា។ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសរសេរនៅលើហ្វេសប៊ុករបស់លោកថា ទឹកប្រាក់នេះ ត្រូវបែងចែងទៅសង់អគារជាង ២លានដុល្លារ និងឧបករណ៍បំពាក់សម្រាប់មន្ទីរពិសោធន៍នេះ និងមន្ទីរពិសោធន៍ព្រែកលៀបជាង១លានដុល្លារ។
បើតាមក្រសួងកសិកម្ម គម្រោងនេះ នឹងបន្ថែមសមត្ថភាពវិភាគជំងឺសត្វ និងផលិតផលសត្វ ដល់អគ្គនាយកដ្ឋានសុខភាពសត្វ និងផលិតកម្មសត្វ ក៏ដូចជាមន្ទីរពិសោធន៍សាលាជាតិកសិកម្មព្រែកលៀប ដើម្បីផ្តល់សេវាវិភាគអនាម័យ និងភូតគាមអនាម័យ។ មន្ទីរពិសោធន៍នេះ នឹងគាំទ្រដល់ការផ្គត់ផ្គង់ផលិតផលកសិកម្ម ប្រកបដោយសុវត្តិភាពទាំងនៅក្នុងស្រុក និងជំរុញការនាំចេញផលិតផលកសិកម្ម ទៅកាន់ទីផ្សារអន្តរជាតិ នៅពេលខាងមុខ។
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានលើកឡើងពិធីចុះហត្ថលេខានោះថា រដ្ឋាភិបាលចិន បានផ្តល់នូវជំនួយតាមរយៈគម្រោងជាច្រើនដល់ក្រសួងកសិកម្ម រុក្ខាប្រមាញ់ និងនេសាទ ជាពិសេសមានការគាំទ្រខ្ពស់លើវិស័យកសិកម្មនៅកម្ពុជា។ សមិទ្ធិផលជាច្រើននេះ បង្ហាញឱ្យឃើញពីទំនាក់ទំនងយ៉ាងជិតស្និទ្ធ រវាងរដ្ឋាភិបាល និងប្រជាជន នៃប្រទេសទាំង២ ។ នេះជាការបញ្ជាក់របស់លោករដ្ឋមន្ត្រី។
ក្រៅពីនេះ លោក វេង សាខុន បានស្នើទៅភាគីចិនផ្តល់អ្នកបច្ចេកទេសបន្ថែមទៀតដល់កម្ពុជា លើវិស័យកសិកម្ម ផលិតកម្មសត្វ និងវិស័យផ្សេងៗទៀត។ បើតាម លោករដ្ឋមន្ត្រី វិស័យនេះ អាចជួយដល់ការងារកសិកម្ម នៅអគ្គនាយកដ្ឋានកសិកម្ម និងអគ្គនាយកដ្ឋានសុខភាពសត្វ និងផលិតកម្មសត្វ ក្នុងទិសដៅអភិវឌ្ឍន៍វិស័យកសិកម្មកម្ពុជា ឱ្យប្រសើរឡើង បំពេញតម្រូវការទីផ្សារ និងការនាំចេញទៅក្រៅប្រទេស ប្រកបដោយប្រសិទ្ធភាព រក្សាបានសន្តិសុខស្បៀង និងសុវត្ថិភាពស្បៀង។
ឆ្លើយតបនឹងការស្នើនេះ លោក លី អាន តំណាងឯកអគ្គរដ្ឋទូតចិនប្រចាំនៅកម្ពុជា បានអះអាងថា លោក និងរដ្ឋាភិបាលចិន នៅតែបន្តគាំទ្រ និងផ្តល់ជំនួយបន្ថែមទៀត ដល់កម្ពុជា ដើម្បីស្តារ និងអភិវឌ្ឍន៍វិស័យកសិកម្មប្រទេសនេះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កសិកម្ម
មន្ទីរពិសោធន៍
ជំងឺសត្វ
ជំនួយ
កម្ពុជា-ចិន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
អត្ថបទពេញនិយមបន្ថែម