កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Wayne Rooney បានសម្រេចត្រឡប់ទៅទ្រនំចាស់ Everton វិញដោយគ្នានតម្លៃខ្លួន បន្ទាប់ពីចូលរួមជាមួយ Manchester United អស់រយៈពេល ១៣ រដូវកាលមក។
បើតាមការប្រកាសរបស់ក្លិប Everton ខ្សែប្រយុទ្ធអន្តរជាតិអង់គ្លេស វ័យ៣១ឆ្នាំរូបនេះ យល់ព្រមចុះកិច្ចសន្យា ២ឆ្នាំនៅទឹកដី Goodison Park។
Rooney បង្ហាញខ្លួនឲ្យបិសាចក្រហម ៥៥៩ប្រកួត និងស៊ុតបញ្ចូលទីបាន ២៥៣គ្រាប់ ក្រោយចាកចេញពី Everton មកកាន់ទឹកដី Old Trafford កាលពីឆ្នាំ២០០៤ ក្នុងតម្លៃ ២៧លានផោន ប្រហែលជិត៣៥លានដុល្លារ។ រយៈពេល ១៣ឆ្នាំកន្លងមកនេះ រូបគេបានជួយ Man Utd ឈ្នះជើងឯក Premier League ៥សម័យកាល Champions League ១លើក ពានលំដាប់ទី២អឺរ៉ុប Europa League ១លើក រួមទាំងពានជាច្រើនទៀតផងដែរ។
ការវិលត្រឡប់របស់ប្រធានក្រុមជម្រើសជាតិអង់គ្លេសនេះ កើតឡើងខណៈដែល Man Utd កំពុងត្រូវរូវគ្នាជុំវិញការផ្ទេយកខ្សែប្រយុទ្ធ Romelu Lukaku ពី Everton ក្នុងតម្លៃ ៩៦លានដុល្លា។
សូមបញ្ជាក់ថា Rooney បានចាប់ផ្តើមអាជីពជាកីឡាករបាល់ទាត់នៅកីឡដ្ឋាន Goodison Park តាំងពីឆ្នាំ ១៩៩៥ ពោលគឺមានអាយុត្រឹម១០ឆ្នាំប៉ុណ្ណោះ និងបង្ហាញខ្លួនឲ្យឈុតធំ ៧៧លើក និងរកគ្រាប់បាល់បាន ១៧គ្រាប់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
