កីឡាអន្តរជាតិ
អន្តរជាតិ
ស្ថាបនិក Facebook ចាប់អារម្មណ៍ Spurs ប៉ុន្តែក្លិបអះអាងថា គ្មានការពិភាក្សាណាមួយឡើយ
× លោក Mark Zuckerberg ដែលជាស្ថាបនិកបណ្តាញសង្គមដ៏ល្បី Facebook មានគម្រោងចង់ទិញក្លិប Tottenham HotSpur ក្នុងតម្លៃ ១ពាន់លានផោន ប្រមាណ ១.៣ពាន់លានដុល្លារអាមេរិក។ ប៉ុន្តែក្លិបមាន់ខ្នាយមាស បានចេញសេចក្តីថ្លែងការណ៍ថា គ្មានការចរចាណាមួយនោះឡើយ។
បើតាម TheSun មហាសេដ្ឋីជនជាតិអាមេរិកដែលមានទ្រព្យរហូតដល់ជាង ៦៣ពាន់លានដុល្លារ ដោយសារបង្កើតកម្មវិធីទំនាក់ទំនងសង្គមហ្វេសប៊ុកកាលពីឆ្នាំ២០០៤មក បានដាក់សំណើទៅកាន់ម្ចាស់ក្លិប Spur លោក Joe Lewis ក្នុងកញ្ចប់ទឹកប្រាក់ ១.៣ពាន់លានដុល្លារ ដើម្បីបានកាន់កាប់ក្លិបរងជើងឯក Premier League រដូវកាលមុននេះវិញ។
យ៉ាងណាក៏ដោយ លោក Joe Lewis មិនទាន់ទទួលយកចំនួនទឹកប្រាក់ខាងលើនេះនៅឡើយទេ ហើយកាលពីឆ្នាំ២០១៥ ម្ចាស់កីឡដ្ឋាន White Hart Lane នេះក៏ធ្លាប់ច្រាល់ចោលសំណើ ១១៣៨លានដុល្លារ របស់សេដ្ឋី វ័យ៣១ឆ្នាំម្តងមកហើយ ដោយចង់បានតម្លៃរហូតដល់ ២.៦ពាន់លានដុល្លារ។
តាមរយៈសេចក្តីថ្លែងការណ៍មួយកាលពីថ្ងៃទី៩ ខែ ក្លិប Tottenham HotSpurs បានបដិសេធពាក្យចចាមអារាមនានាទាក់ទងនឹងការលក់ដូរ ដើម្បីពង្រីងកីឡដ្ឋានថ្មី។
មាន់ខ្នាយមាស បានអះអាងថា ក្រុមប្រឹក្សាភិបាល មិនមានការពិភាក្សាណាមួយទាក់ទងនឹងការចរចាទិញក្លិបនោះឡើយ៕
Tag:
បាល់ទាត់
Facebook
Mark Zuckerberg
Tottenham HotSpur
© រក្សាសិទ្ធិដោយ thmeythmey.com