កីឡាអន្តរជាតិ
អន្តរជាតិ
Floyd នៅជំពាក់ពន្ធរដ្ឋពីចំណូលដែលរកបានពីការប្រកួតជាមួយ Pacquiao
× កំពូលអ្នកប្រដាល់មិនដែលចាញ់ Floyd Mayweather Jr ត្រូវបានគេរាយការណ៍ថា នៅជំពាក់ពន្ធរដ្ឋ លើប្រាក់ចំណូលរបស់គេកាលពីឆ្នាំ ២០១៥ និងបានដាក់ញត្តិមួយដើម្បីពន្យាការទូទាត់រហូតដល់បញ្ចប់ការប្រកួតជាមួយអ្នកប្រយុទ្ធ Conor McGregor រូចរាល់។
បើតាមការចុះផ្សាយរបស់សារព័ត៌មាន Rappler អ្នកប្រដាល់សញ្ជាតិអាមេរិក អាយុ៤០ឆ្នាំបានសរសេនៅក្នុងញត្តិមួយជាមួយតុលាការពន្ធសហរដ្ឋអាមេរិក ថារូបគេមានសមត្ថភាពបង់ពន្ធ ប៉ុន្តែប្រាក់របស់គាត់ត្រូវបានចងភ្ជាប់ទៅនឹងទ្រព្យសម្បត្តិដែលពិបាកប្តូរទៅជាសាច់ប្រាក់បានស្រួលដើម្បីយកទៅបង់ពន្ធ។
ចំនួនទឹកប្រាក់ដែល Floyd មិនទាន់បានបង់ទៅឲ្យខាងពន្ធដាអាមេរិកកាលពីឆ្នាំ២០១៥ ត្រូវបានគេវាយតម្លៃថាប្រមាណ ២២០ ទៅ ២៣០លានដុល្លារដែលរកបានពីការឡើងវាយជាមួយ Manny Pacquiao ខណៈអ្នកប្រដាល់ហ្វីលីពីនទទួលបាន ១០០លានដុល្លារ។
យ៉ាងណាក៏ដោយស្តេចប្រដាល់ដែលប្រកួត ៤៩ដងឈ្នះទាំង ៤៩ដងនេះ បានស្នើសុំខាងភាគីពន្ធដារដើម្បីទុកពេលឲ្យគេរហូតដល់ការប្រកួតជាមួយអ្នកប្រយុទ្ធ MMA កីឡាករ McGregor បញ្ចប់សិន ទើបចូលខ្លួនទៅទូទាត់បំណុលនេះ។
សូមបញ្ជាក់ថា Floyd Mayweather ត្រូវឡើងវាយជាមួយកំពូលអ្នកវាយក្នុងទ្រុង Conor McGregor ក្នុងប្រភេទទម្ងន់មធ្យម នាថ្ងៃទី២៦ ខែសីហាខាងមុខនេះ នៅទីក្រុង Las Vegas សហរដ្ឋអាមេរិក ដែលរំពឹងថានឹងទទួលបានតម្លៃខ្លួន១០០លានដុល្លារផងដែរ៕
Tag:
ប្រដាល់
Floyd Mayweather
ពន្ធដារ
© រក្សាសិទ្ធិដោយ thmeythmey.com