ជាតិ
សេដ្ឋកិច្ច
ប្រេងឥន្ធនៈ ឡើងថ្លៃបន្តិច ចាប់ពីថ្ងៃទី ១២-២១ ខែកក្កដានេះ
× តម្លៃប្រេងឥន្ធនៈលក់រាយនៅតាមស្ថានីយនានា ក្នុងប្រទេសកម្ពុជា នឹងឡើងថ្លៃបន្តិច ចាប់ពីថ្ងៃទី១២ ដល់ថ្ងៃទី២១ ខែកក្កដានេះ។ នេះតាមសេចក្ដីជូនដំណឹងរបស់ក្រសួងពាណិជ្ជកម្ម ស្ដីពីថ្លៃលក់រាយប្រេងឥន្ធនៈនៅតាមស្ថានីយ នៅថ្ងៃទី ១១ ខែកក្កដា។
តម្លៃប្រេងសាំង ដែលបានកំណត់សម្រាប់ថ្ងៃទី១២ ដល់ថ្ងៃទី២១ កក្កដានេះ នឹងឡើងថ្លៃបន្តិច ដោយប្រេងសាំងស៊ុបពែរថ្លៃ ៣៦៥០ រៀលក្នុង១លីត្រ និងប្រេងសាំងធម្មតាថ្លៃ ៣៥៥០ រៀលក្នុង១លីត្រ។ ដោយឡែកប្រេងម៉ាស៊ូតមានតម្លៃ ៣៣០០ រៀលក្នុង១លីត្រ។ តម្លៃប្រេងសាំងសប្ដាហ៍នេះ មានការឡើងថ្លៃបន្តិច ខណៈដែលសប្ដាហ៍មុន តម្លៃប្រេងសាំងស៊ុបពែរថ្លៃ ៣៥៥០ រៀលក្នុង១លីត្រ ប្រេងសាំងធម្មតាថ្លៃ ៣៥០០ រៀលក្នុង១លីត្រ និងប្រេងម៉ាស៊ូត មានតម្លៃត្រឹមតែ ៣២០០ រៀលប៉ុណ្ណោះ ក្នុង១លីត្រ។
នេះជាតម្លៃប្រេងឥន្ធនៈអតិបរមា ដែលត្រូវបានគិតតាមរូបមន្តប្រកាសអន្តរក្រសួង សម្រាប់ទីផ្សារកម្ពុជា៕
© រក្សាសិទ្ធិដោយ thmeythmey.com