បរាជ័យដ៏ចម្រូងចម្រាស់ទំនងជាមិនអាចឲ្យ Pacquiao ចូលនិវត្តន៍បានទេ

កីឡាអន្តរជាតិ

អន្តរជាតិ

បរាជ័យដ៏ចម្រូងចម្រាស់ទំនងជាមិនអាចឲ្យ Pacquiao ចូលនិវត្តន៍បានទេ

12, Jul 2017 , 9:39 pm

រូបភាព

ដោយ: ទេព ពិទូរ្យ

Manny Pacquiao បាននិយាយថានឹងបន្តអាជីពប្រដាល់របស់គេ ទោះបីចាញ់អ្នកប្រដាល់អូស្ត្រាលី Jeff Horn កាលពីដើមខែនេះក៏ដោយ។ អ្នកប្រដាល់ហ្វីលីពីនរូបនេះ នឹងឡើងសង្វៀនដើម្បី គ្រួសារ អ្នកគាំទ្រ និងប្រទេសរបស់គេ។

Horn បានធ្វើឲ្យមានការភ្ញាក់ផ្អើលដល់ទស្សនិកជននៅជុំវិញពិភពលោក ដោយអាចយកឈ្នះម្ចាស់ខ្សែក្រវាត់៨ស្ថាប័ន ក្នុងលទ្ធផលពិន្ទុឯកច្ឆ័ន ១១៧-១១១ ១១៥-១១៣ និង១១៥-១១៣ នាការប្រកួតដណ្តើមខ្សែក្រវាត់ WBO Welterweight ដែលធ្វើឡើងនៅទីក្រុង Brisbane ប្រទេសអូស្ត្រាលី កាលពីថ្ងៃទី២ ខែកក្កដាកន្លងទៅ។

បន្ទាប់ពីរងបរាជ័យក្រោមកណ្តាប់ដៃអ្នកប្រដាល់មិនដែលចាញ់របស់អូស្ត្រាលី លោក Freddie Roach ដែលជាគ្រូបង្វឹក Pacquiao ជាង១០ឆ្នាំមកហើយ យល់ឃើញថារូបគេដល់ពេលព្យូរស្រោមដៃទុក និងជម្រុញឲ្យចូលនិវត្តន៍ទៀតផង។

តែយ៉ាងណាជុំវិញរឿងរាវចូលនិវត្តន៍នេះត្រូវបានបង្ហាញឲ្យឃើញច្បាស់ហើយ ក្រោយពេលស្តេចប្រដាល់ហ្វីលីពីន វ័យ៣៨ឆ្នាំ បានសរសេរនៅលើបណ្តាញសង្គម Twitter នៅថ្ងៃពុធ ទី១២ ខែកក្កដានេះថា៖«ខ្ញុំស្រលាញ់កីឡានេះ រហូតទាល់តែខ្ញុំអស់ចំណង់ជាមួយវា។ ខ្ញុំនឹងបន្តអាជីពនេះទៀត និងឡើងសង្វៀនប្រកួតដើម្បីព្រះ ក្រុមគ្រួសាររបស់ខ្ញុំ អ្នកគាំទ្រ និងប្រទេសរបស់ខ្ញុំ»។

I love this sport and until the passion is gone, I will continue to fight for God, my family, my fans and my country. pic.twitter.com/mcfegAOSIi — Manny Pacquiao (@mannypacquiao) July 12, 2017