ជាតិ
សេដ្ឋកិច្ច
លោក ម៉ុង ឫទ្ធី បង្កើនការទិញកសិផល២០០តោនក្នុងមួយថ្ងៃ ដើម្បីជួយដោះស្រាយបញ្ហាកសិករ
រូបពីហ្វេសប៊ុកលោកឧកញ៉ា ម៉ុង ឫទ្ធី (ខាងស្ដាំពាក់អាវពណ៌ក្រហម)
×![]()
ភ្នំពេញ៖ ក្រុមហ៊ុន ម៉ុង ឫទ្ធី គ្រុប សម្រេចបង្កើនទិញផលិតផលកសិកម្ម ចំនួន២០០តោនក្នុងមួយថ្ងៃ ដើម្បីជួយដោះស្រាយបញ្ហាប្រជាកសិករ ដែលកំពុងពិបាករកទីផ្សារកសិកម្ម។
លោក ម៉ុង ឫទ្ធី បាននិយាយថា ក្រុមហ៊ុនលោកនឹងបង្កើនទិញកសិផលពីពលរដ្ឋ ចាប់ពី១៦០តោន ទៅ២០០តោនក្នុងមួយថ្ងៃ ដើម្បីដោះស្រាយបញ្ហាពួកគាត់ រហូតដល់តម្លៃទីផ្សារអាចវិលមករកភាពប្រក្រតីវិញ។ ថ្លែងប្រាប់សារព័ត៌មានថ្មីៗ លោក ម៉ុង ឫទ្ធី បានបញ្ជាក់ដូច្នេះថា៖«ពីមុនមកយើងទិញប្រហាក់ប្រហែល១០០តោនក្នុងមួយថ្ងៃទេ ប៉ុន្តែពេលឃើញកសិករជួបការលំបាកអ៊ីចឹង ខ្ញុំក៏ប្រជុំឲ្យថ្នាក់ដឹកនាំរៀបចំជួសជុលរោងចក្រមុន ហើយធ្វើយ៉ាងម៉េចជំរុញការផលិតបន្ថែមម៉ោង និងការផលិតចំណីសត្វបន្ថែមទៀត ដោយសារតម្លៃសត្វជ្រូកឡើងថ្លៃវិញ ដូច្នេះយើងក៏អាចមានលទ្ធភាពជួយបង្កើនការទិញកសិផលពី១៦០តោន ទៅ២០០តោន ក្នុងមួយថ្ងៃ ព្រោះម៉ាស៊ីនរោងចក្រយើងអាចទទួលការផលិតបានប៉ុណ្ណឹង»។
ទាក់ទងនឹងបញ្ហាធ្លាក់តម្លៃកសិកម្មនេះវិញ លោក ម៉ុង ឫទ្ធី បានព្រលយដូច្នេះថា៖«តាមពិតទៅវាមិនមានអ្វីពិបាកដោះស្រាយទេ ។ ប៉ុន្តែមកពីមិនដោះស្រាយទេតាមខ្ញុំមើល ប្រសិនណាជាយើង ខំនាំគ្នាអង្គុយនៅតុដោះស្រាយ ហើយបើមានជំហដោះស្រាយនោះអត់មានអ្វីដែលចាំបាច់ពិបាកប៉ុន្មានទេ។ ប៉ុន្តែនេះគ្រាន់តែជាគំនិតរបស់ខ្ញុំ ។ហើយខ្ញុំអាចជួយទិញកសិផលបានតែប៉ុណ្ណឹងទេ»។
ក្រុមហ៊ុន ម៉ុង ឫទ្ធី គ្រុប សម្រេចបង្កើនការទិញកសិផលពីប្រជាកសិករ ដូចជាពោត ដំឡូងមីជាដើម ដើម្បីយកទៅផ្គត់ផ្គង់រោងចក្រផលិតចំណីសត្វ ដែលមានទីតាំងនៅភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ។
គួរបញ្ជាក់ថា ប្រជាកសិករ បានត្អូញត្អែរពីការធ្លាក់ចុះនៃផលិតផលកសិកម្ម ដែលមិនអាចរកទីផ្សារកសិកម្ម ឲ្យបានសមស្រប ដើម្បីឆ្លើយតបនឹងការចំណាយរបស់ពួកគេ លើការដាំដុះកន្លងមកឡើយ។ តែយ៉ាងណាក្រសួងកសិកម្ម ធ្លាប់បញ្ជាក់ថា ការធ្លាក់ចុះនៃតម្លៃទីផ្សាកសិកម្ម គឺមិនមែនកើតឡើងតែចំពោះកម្ពុជានោះទេ តែបណ្ដាប្រទេសមួយចំនួនក៏ជួបបញ្ហានេះដែរ។ ក្រសួងកសិកម្មអះអាងថា ក្រសួងបានចរចាបើកទីផ្សារមួយចំនួននៅសហរដ្ឋអាមេរិក ជប៉ុន ចិន សហភាពអឺរ៉ុប វៀតណាម និងឥណ្ឌា ជាដើម ។ បន្ថែមពីនេះក្រសួងនឹងរៀបចំជំនួបរវាងអ្នកលក់ និងអ្នកទិញ ដោះស្រាយបញ្ហាផលិតផលខ្មែរនេះ។ នេះបើតាមសេចក្តីជូនដំណឹងរបស់ក្រសួងកសិកម្មកន្លងមក៕
លោក ម៉ុង ឫទ្ធី បាននិយាយថា ក្រុមហ៊ុនលោកនឹងបង្កើនទិញកសិផលពីពលរដ្ឋ ចាប់ពី១៦០តោន ទៅ២០០តោនក្នុងមួយថ្ងៃ ដើម្បីដោះស្រាយបញ្ហាពួកគាត់ រហូតដល់តម្លៃទីផ្សារអាចវិលមករកភាពប្រក្រតីវិញ។ ថ្លែងប្រាប់សារព័ត៌មានថ្មីៗ លោក ម៉ុង ឫទ្ធី បានបញ្ជាក់ដូច្នេះថា៖«ពីមុនមកយើងទិញប្រហាក់ប្រហែល១០០តោនក្នុងមួយថ្ងៃទេ ប៉ុន្តែពេលឃើញកសិករជួបការលំបាកអ៊ីចឹង ខ្ញុំក៏ប្រជុំឲ្យថ្នាក់ដឹកនាំរៀបចំជួសជុលរោងចក្រមុន ហើយធ្វើយ៉ាងម៉េចជំរុញការផលិតបន្ថែមម៉ោង និងការផលិតចំណីសត្វបន្ថែមទៀត ដោយសារតម្លៃសត្វជ្រូកឡើងថ្លៃវិញ ដូច្នេះយើងក៏អាចមានលទ្ធភាពជួយបង្កើនការទិញកសិផលពី១៦០តោន ទៅ២០០តោន ក្នុងមួយថ្ងៃ ព្រោះម៉ាស៊ីនរោងចក្រយើងអាចទទួលការផលិតបានប៉ុណ្ណឹង»។
ទាក់ទងនឹងបញ្ហាធ្លាក់តម្លៃកសិកម្មនេះវិញ លោក ម៉ុង ឫទ្ធី បានព្រលយដូច្នេះថា៖«តាមពិតទៅវាមិនមានអ្វីពិបាកដោះស្រាយទេ ។ ប៉ុន្តែមកពីមិនដោះស្រាយទេតាមខ្ញុំមើល ប្រសិនណាជាយើង ខំនាំគ្នាអង្គុយនៅតុដោះស្រាយ ហើយបើមានជំហដោះស្រាយនោះអត់មានអ្វីដែលចាំបាច់ពិបាកប៉ុន្មានទេ។ ប៉ុន្តែនេះគ្រាន់តែជាគំនិតរបស់ខ្ញុំ ។ហើយខ្ញុំអាចជួយទិញកសិផលបានតែប៉ុណ្ណឹងទេ»។
ក្រុមហ៊ុន ម៉ុង ឫទ្ធី គ្រុប សម្រេចបង្កើនការទិញកសិផលពីប្រជាកសិករ ដូចជាពោត ដំឡូងមីជាដើម ដើម្បីយកទៅផ្គត់ផ្គង់រោងចក្រផលិតចំណីសត្វ ដែលមានទីតាំងនៅភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ។
គួរបញ្ជាក់ថា ប្រជាកសិករ បានត្អូញត្អែរពីការធ្លាក់ចុះនៃផលិតផលកសិកម្ម ដែលមិនអាចរកទីផ្សារកសិកម្ម ឲ្យបានសមស្រប ដើម្បីឆ្លើយតបនឹងការចំណាយរបស់ពួកគេ លើការដាំដុះកន្លងមកឡើយ។ តែយ៉ាងណាក្រសួងកសិកម្ម ធ្លាប់បញ្ជាក់ថា ការធ្លាក់ចុះនៃតម្លៃទីផ្សាកសិកម្ម គឺមិនមែនកើតឡើងតែចំពោះកម្ពុជានោះទេ តែបណ្ដាប្រទេសមួយចំនួនក៏ជួបបញ្ហានេះដែរ។ ក្រសួងកសិកម្មអះអាងថា ក្រសួងបានចរចាបើកទីផ្សារមួយចំនួននៅសហរដ្ឋអាមេរិក ជប៉ុន ចិន សហភាពអឺរ៉ុប វៀតណាម និងឥណ្ឌា ជាដើម ។ បន្ថែមពីនេះក្រសួងនឹងរៀបចំជំនួបរវាងអ្នកលក់ និងអ្នកទិញ ដោះស្រាយបញ្ហាផលិតផលខ្មែរនេះ។ នេះបើតាមសេចក្តីជូនដំណឹងរបស់ក្រសួងកសិកម្មកន្លងមក៕
Tag:
ម៉ុង ឫទ្ធី
កសិផល
© រក្សាសិទ្ធិដោយ thmeythmey.com
