ពីនេះ ពីនោះ
ព័ត៍មានសុខភាព
៧ចំណុច អាចការពារអ្នកពីជំងឺទឹកនោមផ្អែម
× ប្រសិនជាអ្នកមិនចង់ប្រទះនឹងជំងឺទឹកនោមផ្អែម អ្នកអាចអនុវត្តតាមវិធីខាងក្រោមនេះ។ តើមានអ្វីខ្លះទៅ?
1. អ្នកគួរតែពិសារបន្លែឲ្យច្រើនជាងសាច់។
2. ប្រសិនជាអ្នកធាត់ អ្នកគួរតែបញ្ចុះទម្ងន់ ព្រោះបើធាត់ពេក ងាយប្រឈមនឹងជំងឺទឹកនោមផ្អែមណាស់។
3. អ្នកគួរតែដើររាល់ថ្ងៃឲ្យបាន៣៥នាទី ព្រោះវាអាចបញ្ចុះអត្រានៃការកើតជំងឺទឹកនោមផ្អែមចំនួន៨០%។
4. អ្នកគួរតែបន្ថយញ៉ាំអាហារបំពង ព្រោះអាហារទាំងនេះ អាចប៉ះពាល់ដល់សុខភាពអ្នកជាខ្លាំង។
5. អាហារផ្អាប់ទុកយូរ ក៏អ្នកមិនគួរញ៉ាំច្រើនដែរ ព្រោះវាអាចធ្វើឲ្យអ្នកងាយកើតជំងឺយ៉ាងខ្លាំង។
6. អ្នកគួរតែគេងឲ្យគ្រប់៦ម៉ោងក្នុងមួយថ្ងៃ ទើបអាចបញ្ចុះអត្រានៃការកើតជំងឺទឹកនោមផ្អែម។ ប៉ុន្តែបើអ្នកគេងហួសពី៨ម៉ោង វានឹងធ្វើឲ្យអ្នកងាយប្រឈមមុខនឹងជំងឺទឹកនោមផ្អែមទៅវិញ។
7. សម្ពាធក៏អាចធ្វើឲ្យអ្នកកើតជំងឺទឹកនោមផ្អែមដែរ។ ដូចនេះ អ្នកគួរតែរៀនចេះបន្ធូរអារម្មណ៍ ទើបអ្នកមានសុខភាពល្អ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com