ក្រសួងពាណិជ្ជកម្មសហការជាមួយស្ថានទូតថៃរៀបចំសិក្ខាសាលាស្តីពីស្តង់ដាហាឡាល

ជាតិ

ក្រសួងពាណិជ្ជកម្មសហការជាមួយស្ថានទូតថៃរៀបចំសិក្ខាសាលាស្តីពីស្តង់ដាហាឡាល

16, Jul 2017 , 10:19 pm

រូបភាព

ដោយ: អុីសា រ៉ហានី (Isa Rohany)

ក្រសួងពាណិជ្ជកម្ម តាមរយៈសេចក្តីជូនដំណឹងបានឲ្យដឹងថា ខ្លួននឹងរៀបចំសិក្ខាសាលាមួយ ដោយនិយាយពីស្តង់ដាហាឡាលកម្ពុជា។ កម្មវិធីនេះសហការរៀបចំឡើងដោយស្ថានទូតថៃប្រចាំកម្ពុជា ក្រោមប្រធានបទ «បទដ្ឋានបច្ចេកទេសស្តង់ដាហាឡាល៖ ការចែករំលែកបទពិសោធន៍រវាងកម្ពុជា និងថៃឡង់ដ៍»។

ក្នុងសេចក្តីជូនដំណឹងរបស់ក្រសួងពាណិជ្ជកម្ម សិក្ខាសាលានេះធ្វើឡើងនៅថ្ងៃទី២០ កក្កដា វេលាម៉ោង ៨និង៣០នាទីព្រឹក នៅសណ្ឋាគារ ឡឺរ៉ូយ៉ាល់ ជិតវត្តភ្នំ ឬទល់មុខសាកលវិទ្យាល័យជាតិគ្រប់គ្រង។

ក្រសួងពាណិជ្ជកម្មបានបញ្ជាក់ថា សិក្ខាសាលានេះ នឹងជជែកជុំវិញកម្រិតស្តង់ដាហាឡាល ដែលរួមមាន «យុទ្ធសាស្ត្រជំរុញការអភិវឌ្ឍផលិតផលហាឡាលកម្ពុជាឱ្យមានភាពជឿនលឿន និងលើកកម្ពស់ការជឿទុកចិត្តពីសំណាក់សាសនិកឥស្លាម និងការចូលរួមប្រើប្រាស់យ៉ាងទូលំទូលាយនូវផលិតផល និងសេវាកម្មហាឡាលនៅក្នុងប្រទេសកម្ពុជា»៕