ជាតិ
×![]()
ដោយ: ថ្មីៗ
សៀមរាប៖ ជាព័ត៌មានដែលគួរអបអរសាទរ ចំពោះការចាប់កំណើតរបស់សត្វទោចម្កុដ (Pileated Gibbon) ដែលជាប្រភេទសត្វកម្រ ដែលបានកើតនៅរមណីយដ្ឋានអង្គរ។ នេះជាទោចម្កុដទី៣ហើយ ក្រោយប្រភេទសត្វជិតផុតពូជមួយនេះ ត្រូវបានយកមកព្រលែងក្នុងឧទ្យានអង្គរកាលពីឆ្នាំ២០១៣។
យោងតាមព័ត៌មានដែលផ្សាយដោយអាជ្ញាធរជាតិអប្សរា ផ្សាយនៅថ្ងៃទី១៩ កក្កដា ទោចម្កុដ ដែលទើបចាប់កំណើតនៅថ្ងៃទី៧ កក្កដា ឆ្នាំ២០១៧នោះ មានទីតាំងនៅក្នុងបរិវេណប្រាសាទតានៃ មានសម្បុរស តែមិនទាន់កំណត់ភេទបាននៅឡើយ។ តាមអ្នកជំនាញ គេអាចមើលភេទទោចម្កុដបាន រហូតទាល់តែវាមានអាយុប្រហែលមួយឆ្នាំ។
អាជ្ញាធរជាតិអប្សរា បានបញ្ជាក់ថា គិតត្រឹមដើមខែកក្កដា មានសត្វទោចម្កុដចំនួន២គូហើយ ដែលត្រូវបានព្រលែងក្នុងព្រៃនៃឧទ្យានអង្គរ ដែលគម្រោងនេះ មានកិច្ចសហការជាមួយអង្គការសម្ព័ន្ធសត្វព្រៃ ហៅថា Wildlife Alliance និងនិងក្រុមហ៊ុនខ្សែយោងអេកូទេសចរណ៍ (Angkor Zip line) និងបានបង្កើតកូនបានចំនួន៣ក្បាលរួចមកហើយដែរ។
ផ្អែកតាមរបាយការណណ៍របស់មជ្ឈមណ្ឌលស្រាវជ្រាវដីព្រៃ និងសត្វព្រៃ ក្នុងឆ្នាំ២០១៦ បានចាត់ទុកសត្វទោចម្កុដ នៅក្នុងបញ្ជីក្រហមរបស់អង្គការអភិរក្សសត្វព្រៃពិភពលោក (IUCN) ជាប្រភេទសត្វជិតផុតពូជ។ សត្វដ៏កម្រមួយនេះ មានវត្តមាននៅលើទឹកដីកម្ពុជាមិនដល់ ១ម៉ឺនក្បាលទេ។
ដើម្បីអភិរក្សប្រភេទសត្វកម្រនេះ ការព្រលែងទោចម្កុដមួយគូដំបូងគេ នៅក្នុងឧទ្យានអង្គរធ្វើឡើងនៅខែមិថុនា ឆ្នាំ២០១៣ នៅតំបន់ប្រាសាទតានៃ និងមួយគូទៀត នៅខ្លោងទ្វារខ្មោច ខាងកើតប្រាសាទបាយ័ន កាលពីថ្ងៃទី៣០ មិថុនា ឆ្នាំ២០១៥។ ហើយសត្វទោចដែលទើបចាប់កំណើតនោះ គឺជាកូនទី២ នៃគូដែលព្រលែងនៅប្រាសាទតានៃ ដែលកូនទី១ កើតក្នុងអំឡុងខែ កញ្ញា ឆ្នាំ២០១៥។
អាជ្ញាធរជាតិអប្សរាបានបញ្ជាក់ថា តាមការធ្វើជំរឿននៅក្នុងឧទ្យានអង្គរ ធ្លាប់មានសត្វព្រៃច្រើនប្រភេទរស់នៅ ក្នុងនោះក៏មានវត្តមានសត្វទោចម្កុដនេះផងដែរ ប៉ុន្តែដោយសារសង្គ្រាម ធ្វើសត្វទាំងនោះ ស្លាប់ និងខ្លះផុតពូជ។ ដូច្នេះការនាំប្រភេទសត្វព្រៃកម្រ មកកាន់ឧទ្យានអង្គរនៅពេលនេះ គឺក្នុងបំណងដើម្បីអភិរក្ស និងធ្វើឲ្យរមណីយដ្ឋានមួយនេះ មានព្រៃឈើ និងសត្វព្រៃជាច្រើនរស់នៅ ក៏ដូចជាដើម្បីជាការទាក់ទាញដល់ភ្ញៀវទេសចរផងដែរ៕
យោងតាមព័ត៌មានដែលផ្សាយដោយអាជ្ញាធរជាតិអប្សរា ផ្សាយនៅថ្ងៃទី១៩ កក្កដា ទោចម្កុដ ដែលទើបចាប់កំណើតនៅថ្ងៃទី៧ កក្កដា ឆ្នាំ២០១៧នោះ មានទីតាំងនៅក្នុងបរិវេណប្រាសាទតានៃ មានសម្បុរស តែមិនទាន់កំណត់ភេទបាននៅឡើយ។ តាមអ្នកជំនាញ គេអាចមើលភេទទោចម្កុដបាន រហូតទាល់តែវាមានអាយុប្រហែលមួយឆ្នាំ។
អាជ្ញាធរជាតិអប្សរា បានបញ្ជាក់ថា គិតត្រឹមដើមខែកក្កដា មានសត្វទោចម្កុដចំនួន២គូហើយ ដែលត្រូវបានព្រលែងក្នុងព្រៃនៃឧទ្យានអង្គរ ដែលគម្រោងនេះ មានកិច្ចសហការជាមួយអង្គការសម្ព័ន្ធសត្វព្រៃ ហៅថា Wildlife Alliance និងនិងក្រុមហ៊ុនខ្សែយោងអេកូទេសចរណ៍ (Angkor Zip line) និងបានបង្កើតកូនបានចំនួន៣ក្បាលរួចមកហើយដែរ។
ផ្អែកតាមរបាយការណណ៍របស់មជ្ឈមណ្ឌលស្រាវជ្រាវដីព្រៃ និងសត្វព្រៃ ក្នុងឆ្នាំ២០១៦ បានចាត់ទុកសត្វទោចម្កុដ នៅក្នុងបញ្ជីក្រហមរបស់អង្គការអភិរក្សសត្វព្រៃពិភពលោក (IUCN) ជាប្រភេទសត្វជិតផុតពូជ។ សត្វដ៏កម្រមួយនេះ មានវត្តមាននៅលើទឹកដីកម្ពុជាមិនដល់ ១ម៉ឺនក្បាលទេ។
ដើម្បីអភិរក្សប្រភេទសត្វកម្រនេះ ការព្រលែងទោចម្កុដមួយគូដំបូងគេ នៅក្នុងឧទ្យានអង្គរធ្វើឡើងនៅខែមិថុនា ឆ្នាំ២០១៣ នៅតំបន់ប្រាសាទតានៃ និងមួយគូទៀត នៅខ្លោងទ្វារខ្មោច ខាងកើតប្រាសាទបាយ័ន កាលពីថ្ងៃទី៣០ មិថុនា ឆ្នាំ២០១៥។ ហើយសត្វទោចដែលទើបចាប់កំណើតនោះ គឺជាកូនទី២ នៃគូដែលព្រលែងនៅប្រាសាទតានៃ ដែលកូនទី១ កើតក្នុងអំឡុងខែ កញ្ញា ឆ្នាំ២០១៥។
អាជ្ញាធរជាតិអប្សរាបានបញ្ជាក់ថា តាមការធ្វើជំរឿននៅក្នុងឧទ្យានអង្គរ ធ្លាប់មានសត្វព្រៃច្រើនប្រភេទរស់នៅ ក្នុងនោះក៏មានវត្តមានសត្វទោចម្កុដនេះផងដែរ ប៉ុន្តែដោយសារសង្គ្រាម ធ្វើសត្វទាំងនោះ ស្លាប់ និងខ្លះផុតពូជ។ ដូច្នេះការនាំប្រភេទសត្វព្រៃកម្រ មកកាន់ឧទ្យានអង្គរនៅពេលនេះ គឺក្នុងបំណងដើម្បីអភិរក្ស និងធ្វើឲ្យរមណីយដ្ឋានមួយនេះ មានព្រៃឈើ និងសត្វព្រៃជាច្រើនរស់នៅ ក៏ដូចជាដើម្បីជាការទាក់ទាញដល់ភ្ញៀវទេសចរផងដែរ៕
Tag:
ទោចម្កុដ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
