អន្តរជាតិ
ប្រមុខកងទ័ពបារាំងលាលែងពីតំណែង ក្រោយទាស់ទែងជាមួយប្រធានាធិបតី ម៉ាក្រុង
ប្រធានាធិបតី អេម៉ានុយអែល ម៉ាក្រុង និងប្រមុខកងទ័ពឧត្តមសេនីយ៍ Pierre de Villiers
×![]()
ដោយ: តន ចាន់រិទ្ធារ៉ា
ប្រមុខកងទ័ពបារាំង ឧត្តមសេនីយ៍ Pierre de Villiers បានដាក់ពាក្យលាលែងពីតំណែងហើយនៅថ្ងៃទី១៩ ខែកក្កដា បន្ទាប់ពីទាស់សម្ដីជាមួយប្រធានាធិបតីថ្មីថ្មោង អេម៉ានុយអែល ម៉ាក្រុង កាលពីសប្ដាហ៍មុន។ លោក Pierre de Villiers មិនពេញចិត្តនឹងចំណាត់ការកាត់បន្ថយការចំណាយសម្រាប់វិស័យយោធារបស់លោក ម៉ាក្រុង ប៉ុន្តែលោកក៏មិនអាចធ្វើអ្វីលោក ម៉ាក្រុង បានដែរ ខណៈលោក ម៉ាក្រុង ក៏បានព្រមានធ្ងន់ៗថា លោកមិនអត់ឱនឲ្យមានការរិះគន់ពីសំណាក់យោធាដែរ។
ទំនងជាមិនពេញចិត្តគោលនយោបាយកាត់បន្ថយថវិកាសម្រាប់យោធារបស់ប្រធានាធិបតីវ័យក្មេង អេម៉ានុយអែល ម៉ាក្រុង ឧត្តមសេនីយ៍ Pierre de Villiers នាយសេនាធិការកងទ័ពបារាំង បានប្រកាសចុះចេញពីតំណែងកំពូលក្នុងជួរកងទ័ពហើយ។ លោក Pierre de Villiers បានចេញសេចក្ដីថ្លែងការណ៍មួយប្រកាសពីការលាលែងតំណែងនេះនៅថ្ងៃទី១៩ ខែកក្កដា ដោយបញ្ជាក់ថា លោក ម៉ាក្រុង បានយល់ព្រមតាមសំណើរបស់លោកហើយ។
បើតាមទីភ្នាក់ងារព័ត៌មាន Reuters សេចក្ដីប្រកាសរបស់លោក de Villiers បញ្ជាក់ថា លោកបានព្យាយាមការពារកងទ័ពបារាំងពីផលប៉ះពាល់នៃការកាត់បន្ថយការចំណាយដែលបានស្នើដោយលោក ម៉ាក្រុង ទៅតាមសមត្ថភាពដែលលោកមាន។ ដោយចាត់ទុកនេះជាការងារក៏លំបាកមួយ ឧត្តមសេនីយ៍វ័យ៦០ឆ្នាំរូបនេះ ក៏ប្រកាសថាលោកមិនអាចទ្រាំទ្របានទៀតទេ ហើយក៏សម្រេចចិត្តចាកចេញតែម្ដង។
លោក de Villiers សង្កត់ធ្ងន់ថា ក្នុងកាលៈទេសៈបច្ចុប្បន្ន លោកមិនអាចធានាពីភាពរឹងមាំរបស់កងទ័ពដែលលោកជឿថាចាំបាច់ក្នុងការការពារបារាំង និងប្រជាជនបារាំងទាំងនៅពេលនេះ និងនៅពេលអនាគតបានទៀតឡើយ។ លោកនិយាយដូចនេះ ដោយសំដៅដល់ការកាត់បន្ថយថវិកាយោធាប្រចាំឆ្នាំ២០១៧ ក្នុងទំហំទឹកប្រាក់ដល់ទៅ៩៧៩លានដុល្លារឯណោះ។ រដ្ឋបាលលោក ម៉ាក្រុង កាត់បន្ថយការចំណាយយោធាដើម្បីតម្រឹមថវិកាជាតិកុំឲ្យខ្ពស់ពេក។
ដោយសាររឿងនេះ ឧត្តមសេនីយ៍ de Villiers បានប្រើប្រាស់ពាក្យសម្ដីខ្លាំងក្នុងកិច្ចប្រជុំគណៈកម្មាធិការសភា ក្នុងគោលដៅប្រឆាំងគោលនយោបាយប្រធានាធិបតី ប៉ុន្តែក៏រងការព្រមានខ្លាំងវិញពីលោក ម៉ាក្រុង ។ លោក ម៉ាក្រុង ក៏មិនសប្បាយចិត្តដែរ ពេលឃើញមានការរិះគន់ចេញពីមាត់មេទ័ពកំពូលរបស់លោក។ លោក បានឆ្លើយទៅវិញថា លោកបានសម្រេចចិត្តរួចហើយរឿងកាត់បន្ថយការចំណាយ របស់យោធានេះ។
បន្ទាប់ពីមានរឿងបែបនេះ លោក ម៉ាក្រុង និងលោកឧត្តមសេនីយ៍ de Villiers បានបង្ហាញមុខរួមគ្នានៅកម្មវិធីព្យុហយាត្រាកងទ័ពនៅថ្ងៃបុណ្យជាតិ (Bastille Day) កាលពីថ្ងៃទី១៤ ខែកក្កដា ដែលប្រធានាធិបតីអាមេរិក ដូណាល់ ត្រាំ ជាភ្ញៀវកិត្តយសដែរនោះ។ យ៉ាងណាក្ដី ប្រមុខកងទ័ពបារាំងរូបនេះ នៅតែមិនអាចធ្វើការជាមួយប្រធានាធិបតី ដែលជាអគ្គមេបញ្ជាការជាន់ខ្ពស់របស់កងទ័ពបានដដែល៕
ទំនងជាមិនពេញចិត្តគោលនយោបាយកាត់បន្ថយថវិកាសម្រាប់យោធារបស់ប្រធានាធិបតីវ័យក្មេង អេម៉ានុយអែល ម៉ាក្រុង ឧត្តមសេនីយ៍ Pierre de Villiers នាយសេនាធិការកងទ័ពបារាំង បានប្រកាសចុះចេញពីតំណែងកំពូលក្នុងជួរកងទ័ពហើយ។ លោក Pierre de Villiers បានចេញសេចក្ដីថ្លែងការណ៍មួយប្រកាសពីការលាលែងតំណែងនេះនៅថ្ងៃទី១៩ ខែកក្កដា ដោយបញ្ជាក់ថា លោក ម៉ាក្រុង បានយល់ព្រមតាមសំណើរបស់លោកហើយ។
បើតាមទីភ្នាក់ងារព័ត៌មាន Reuters សេចក្ដីប្រកាសរបស់លោក de Villiers បញ្ជាក់ថា លោកបានព្យាយាមការពារកងទ័ពបារាំងពីផលប៉ះពាល់នៃការកាត់បន្ថយការចំណាយដែលបានស្នើដោយលោក ម៉ាក្រុង ទៅតាមសមត្ថភាពដែលលោកមាន។ ដោយចាត់ទុកនេះជាការងារក៏លំបាកមួយ ឧត្តមសេនីយ៍វ័យ៦០ឆ្នាំរូបនេះ ក៏ប្រកាសថាលោកមិនអាចទ្រាំទ្របានទៀតទេ ហើយក៏សម្រេចចិត្តចាកចេញតែម្ដង។
លោក de Villiers សង្កត់ធ្ងន់ថា ក្នុងកាលៈទេសៈបច្ចុប្បន្ន លោកមិនអាចធានាពីភាពរឹងមាំរបស់កងទ័ពដែលលោកជឿថាចាំបាច់ក្នុងការការពារបារាំង និងប្រជាជនបារាំងទាំងនៅពេលនេះ និងនៅពេលអនាគតបានទៀតឡើយ។ លោកនិយាយដូចនេះ ដោយសំដៅដល់ការកាត់បន្ថយថវិកាយោធាប្រចាំឆ្នាំ២០១៧ ក្នុងទំហំទឹកប្រាក់ដល់ទៅ៩៧៩លានដុល្លារឯណោះ។ រដ្ឋបាលលោក ម៉ាក្រុង កាត់បន្ថយការចំណាយយោធាដើម្បីតម្រឹមថវិកាជាតិកុំឲ្យខ្ពស់ពេក។
ដោយសាររឿងនេះ ឧត្តមសេនីយ៍ de Villiers បានប្រើប្រាស់ពាក្យសម្ដីខ្លាំងក្នុងកិច្ចប្រជុំគណៈកម្មាធិការសភា ក្នុងគោលដៅប្រឆាំងគោលនយោបាយប្រធានាធិបតី ប៉ុន្តែក៏រងការព្រមានខ្លាំងវិញពីលោក ម៉ាក្រុង ។ លោក ម៉ាក្រុង ក៏មិនសប្បាយចិត្តដែរ ពេលឃើញមានការរិះគន់ចេញពីមាត់មេទ័ពកំពូលរបស់លោក។ លោក បានឆ្លើយទៅវិញថា លោកបានសម្រេចចិត្តរួចហើយរឿងកាត់បន្ថយការចំណាយ របស់យោធានេះ។
បន្ទាប់ពីមានរឿងបែបនេះ លោក ម៉ាក្រុង និងលោកឧត្តមសេនីយ៍ de Villiers បានបង្ហាញមុខរួមគ្នានៅកម្មវិធីព្យុហយាត្រាកងទ័ពនៅថ្ងៃបុណ្យជាតិ (Bastille Day) កាលពីថ្ងៃទី១៤ ខែកក្កដា ដែលប្រធានាធិបតីអាមេរិក ដូណាល់ ត្រាំ ជាភ្ញៀវកិត្តយសដែរនោះ។ យ៉ាងណាក្ដី ប្រមុខកងទ័ពបារាំងរូបនេះ នៅតែមិនអាចធ្វើការជាមួយប្រធានាធិបតី ដែលជាអគ្គមេបញ្ជាការជាន់ខ្ពស់របស់កងទ័ពបានដដែល៕
Tag:
បារាំង
អេម៉ានុយអែល ម៉ាក្រុង
Pierre de Villiers
© រក្សាសិទ្ធិដោយ thmeythmey.com
