អន្តរជាតិ
មីយ៉ាន់ម៉ា ថាការស៊ើបអង្កេត UN រឿងបំពានសិទ្ធិមនុស្សកាន់តែធ្វើឲ្យស្ថានភាពអាក្រក់ឡើង
រូបភាព៖ Press TV
×![]()
ក្រោយមានការរាយការណ៍ពីការធ្វើទុក្ខបុកម្នេញលើជនជាតិរ៉ូហ៊ីងយ៉ាពីសំណាក់ក្រុមសន្តិសុខមីយ៉ាន់ម៉ា អង្គការសហប្រជាជាតិចាត់ឲ្យមានការស៊ើបអង្កេតស្ថានភាពជនជាតិរ៉ូហ៊ីងយ៉ាក្នុងរដ្ឋ Rakhine។ ប៉ុន្តែមីយ៉ាន់ម៉ាបដិសេធ ហើយអះអាងថាបេសកកម្មនេះធ្វើឲ្យស្ថានភាពរដ្ឋ Rakhine កាន់តែអាក្រក់។
កាលពីថ្ងៃអង្គារទី១៨ខែកក្កដា ទីប្រឹក្សាសនិ្តសុខរបស់អ្នកស្រី អ៊ុងសាន ស៊ូជីលោក Thaung Tun បានប្រាប់មន្ត្រីអង្គការសហប្រជាជាតិ និងឯកអគ្គរដ្ឋទូតអាមេរិកលោក Scot Marciel ថា មីយ៉ាន់ម៉ាមិនផ្ដល់ទិដ្ឋាការដល់អ្នកស៊ើបអង្កេតរឿងជនជាតិរ៉ូហ៊ីងយ៉ាឡើយ។ លោកបញ្ជាក់ថា បេសកកម្មនេះនឹងធ្វើឲ្យស្ថានភាពរដ្ឋ Rakhine កាន់តែយ៉ាប់យ៉ឺន។
ទីប្រឹក្សាសន្តិសុខមីយ៉ាន់ម៉ារូបនេះបានបន្ថែមទៀតថា៖«ពួកយើងដកខ្លួនចេញពីសេចក្ដីសម្រេចព្រោះយល់ថា នេះមិនមែនជាគំនិតដែលធ្វើឲ្យស្ថានភាពធូរស្រាលឡើយ។ម្យ៉ាងវិញទៀត ការសម្រេចចិត្តរបស់រដ្ឋផ្សេងៗរួមមានចិននិងឥណ្ឌាដូចមីយ៉ាន់ម៉ា ដោយដកខ្លួនចេញពីសេចក្ដីសម្រេចនេះគឺជាគោលការណ៍មួយដ៏ត្រឹមត្រូវ»។
លោក Thaung Tunក៏បានបញ្ជាក់ដែរថា ការស៊ើបអង្កេតពីរដ្ឋាភិបាលមីយ៉ាន់ម៉ាដែលដឹកនាំដោយលោកអនុប្រធានាធិបតី Myint Swe គឺវាគ្រប់គ្រាន់ហើយ មិនចាំបាច់មានការលូកលាន់ពីក្រៅឡើយ។
លើសពីនេះទៀត បេសកកម្មចុះទៅកាន់រដ្ឋ Rakhineដឹកនាំដោយអតីតអគ្គលេខាធិការអង្គការសហប្រជាជាតិលោក Kofi Annanផ្ដោតសំខាន់តែលើការជួយជ្រោមជ្រែងកង្វះខាតតម្រូវការចាំបាច់ប៉ុណ្ណោះ មិនមែនស៊ើបអង្កេតសិទិ្ធមនុស្សនោះទេ។
ទីភ្នាក់ងារព័ត៌មានReuter បានចុះទៅដល់កន្លែងផ្ទាល់រួចស្រង់សម្ដីស្ដ្រីជនជាតិរ៉ូហ៊ីងយ៉ាម្នាក់ថា កងសន្តិសុខមីយ៉ាន់ម៉ាឃុំខ្លួន បានបាញ់ព្រមទាំងសម្លាប់កូននិងស្វាមីរបស់ខ្លួនដែលពួកគេយល់ថាជាជនភៀសខ្លួនពីបង់ក្លាដែស។
ទោះជាយ៉ាងនេះក្ដី មីយ៉ាន់ម៉ាបានបដិសេធការចោទប្រកាន់ ហើយចាតើទុកថា វាជាការភូតកុហក។ មីយ៉ាន់ម៉ា អះអាងថា ខ្លួនមានសិទិ្ធការពារប្រទេសខ្លួនយ៉ាងស្របច្បាប់។ ប៉ុន្តែគេមើលឃើញថា ដំណោះស្រាយមីយ៉ាន់ម៉ាកំពុងប្រើប្រាស់កំពុងបង្កើតបញ្ហា និងរួមចំណែកបង្កើនសកម្មភាពភេរវកម្មប៉ុណ្ណោះ។
តាមពិតទៅប្រជាជនរ៉ូហ៊ីងយ៉ាជាជនជាតិភាគតិចកាន់សាសនាឥស្លាមរងការធ្វើទុក្ខបុកម្នេញពីសំណាក់រដ្ឋាភិបាលមីយ៉ាន់ម៉ាដែលដឹកនាំដោយក្រុមប្រជាជនភូមាជាក្រុមភាគច្រើនកាន់សាសនាព្រះពុទ្ធនោះ។ ពួកគេមិនទទួលបានសញ្ជាតិ ហើយក៏ត្រូវគេចាត់ចូលជាក្រុមជនអន្តោប្រវេសន៍ខុសច្បាប់ឆ្លងដែនមកពីបង់ក្លាដែសប៉ុណ្ណោះ។ ក្រោយមានអំពើហិង្សាកន្លងមក មីយ៉ាន់ម៉ាបានថ្កោលទោសសកម្មភាពធ្វើទុក្ខបុកម្នេញលើជនជាតិរ៉ូហ៊ីងយ៉ាដែរ ប៉ុន្តែគ្មានចំណាត់ការជាដុំកំភួនជួយបញ្ចប់បញ្ហាឡើយ៕
កាលពីថ្ងៃអង្គារទី១៨ខែកក្កដា ទីប្រឹក្សាសនិ្តសុខរបស់អ្នកស្រី អ៊ុងសាន ស៊ូជីលោក Thaung Tun បានប្រាប់មន្ត្រីអង្គការសហប្រជាជាតិ និងឯកអគ្គរដ្ឋទូតអាមេរិកលោក Scot Marciel ថា មីយ៉ាន់ម៉ាមិនផ្ដល់ទិដ្ឋាការដល់អ្នកស៊ើបអង្កេតរឿងជនជាតិរ៉ូហ៊ីងយ៉ាឡើយ។ លោកបញ្ជាក់ថា បេសកកម្មនេះនឹងធ្វើឲ្យស្ថានភាពរដ្ឋ Rakhine កាន់តែយ៉ាប់យ៉ឺន។
ទីប្រឹក្សាសន្តិសុខមីយ៉ាន់ម៉ារូបនេះបានបន្ថែមទៀតថា៖«ពួកយើងដកខ្លួនចេញពីសេចក្ដីសម្រេចព្រោះយល់ថា នេះមិនមែនជាគំនិតដែលធ្វើឲ្យស្ថានភាពធូរស្រាលឡើយ។ម្យ៉ាងវិញទៀត ការសម្រេចចិត្តរបស់រដ្ឋផ្សេងៗរួមមានចិននិងឥណ្ឌាដូចមីយ៉ាន់ម៉ា ដោយដកខ្លួនចេញពីសេចក្ដីសម្រេចនេះគឺជាគោលការណ៍មួយដ៏ត្រឹមត្រូវ»។
លោក Thaung Tunក៏បានបញ្ជាក់ដែរថា ការស៊ើបអង្កេតពីរដ្ឋាភិបាលមីយ៉ាន់ម៉ាដែលដឹកនាំដោយលោកអនុប្រធានាធិបតី Myint Swe គឺវាគ្រប់គ្រាន់ហើយ មិនចាំបាច់មានការលូកលាន់ពីក្រៅឡើយ។
លើសពីនេះទៀត បេសកកម្មចុះទៅកាន់រដ្ឋ Rakhineដឹកនាំដោយអតីតអគ្គលេខាធិការអង្គការសហប្រជាជាតិលោក Kofi Annanផ្ដោតសំខាន់តែលើការជួយជ្រោមជ្រែងកង្វះខាតតម្រូវការចាំបាច់ប៉ុណ្ណោះ មិនមែនស៊ើបអង្កេតសិទិ្ធមនុស្សនោះទេ។
ទីភ្នាក់ងារព័ត៌មានReuter បានចុះទៅដល់កន្លែងផ្ទាល់រួចស្រង់សម្ដីស្ដ្រីជនជាតិរ៉ូហ៊ីងយ៉ាម្នាក់ថា កងសន្តិសុខមីយ៉ាន់ម៉ាឃុំខ្លួន បានបាញ់ព្រមទាំងសម្លាប់កូននិងស្វាមីរបស់ខ្លួនដែលពួកគេយល់ថាជាជនភៀសខ្លួនពីបង់ក្លាដែស។
ទោះជាយ៉ាងនេះក្ដី មីយ៉ាន់ម៉ាបានបដិសេធការចោទប្រកាន់ ហើយចាតើទុកថា វាជាការភូតកុហក។ មីយ៉ាន់ម៉ា អះអាងថា ខ្លួនមានសិទិ្ធការពារប្រទេសខ្លួនយ៉ាងស្របច្បាប់។ ប៉ុន្តែគេមើលឃើញថា ដំណោះស្រាយមីយ៉ាន់ម៉ាកំពុងប្រើប្រាស់កំពុងបង្កើតបញ្ហា និងរួមចំណែកបង្កើនសកម្មភាពភេរវកម្មប៉ុណ្ណោះ។
តាមពិតទៅប្រជាជនរ៉ូហ៊ីងយ៉ាជាជនជាតិភាគតិចកាន់សាសនាឥស្លាមរងការធ្វើទុក្ខបុកម្នេញពីសំណាក់រដ្ឋាភិបាលមីយ៉ាន់ម៉ាដែលដឹកនាំដោយក្រុមប្រជាជនភូមាជាក្រុមភាគច្រើនកាន់សាសនាព្រះពុទ្ធនោះ។ ពួកគេមិនទទួលបានសញ្ជាតិ ហើយក៏ត្រូវគេចាត់ចូលជាក្រុមជនអន្តោប្រវេសន៍ខុសច្បាប់ឆ្លងដែនមកពីបង់ក្លាដែសប៉ុណ្ណោះ។ ក្រោយមានអំពើហិង្សាកន្លងមក មីយ៉ាន់ម៉ាបានថ្កោលទោសសកម្មភាពធ្វើទុក្ខបុកម្នេញលើជនជាតិរ៉ូហ៊ីងយ៉ាដែរ ប៉ុន្តែគ្មានចំណាត់ការជាដុំកំភួនជួយបញ្ចប់បញ្ហាឡើយ៕
Tag:
មីយ៉ាន់ម៉ា
UN
រ៉ូហ៊ីងយ៉ា
Rakhine
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
