ជាតិ
មន្ទីរស្នើឲ្យអ្នកធ្វើដំណើរប្រើផ្លូវវាង ខណៈផ្លូវជាតិលេខ២ក្នុងខេត្តកណ្ដាលត្រូវជួសជុលពេលយប់
× មនី្ទរសាធារណការ និងដឹកជញ្ជូនខេត្តកណ្ដាល នឹងបើកការដ្ឋានជួសជុលផ្លូវជាតិលេខ២ នៅពេលយប់ ចាប់ពីទី១៩ខែកក្កដានេះតទៅ ចាប់ពីរង្វង់មូលក្រុងតាខ្មៅ ទីរួមខេត្តកណ្ដាល ដល់ព្រំប្រទល់ខេត្តកណ្ដាល-តាកែវ។
បើតាមសេចក្ដីជូនដំណឹងរបស់មន្ទីរកាលពីដើមសប្តាហ៍ មន្ទីរសាធារណការខេត្តកណ្ដាល ស្នើឲ្យពលរដ្ឋដែលត្រូវឆ្លងកាត់តាមកំណាត់ផ្លូវខាងលើ ត្រូវធ្វើដំណើរតាមផ្លូវផ្សេងដូចជា ផ្លូវក្រវាត់ក្រុងទី២ពីផ្លូវ ៦០ម៉ែត្រ ទៅផ្លូវចំការដូង ផ្លូវវត្តព្រែកថ្លឹង ផ្លូវលេខ២០ ផ្លូវលេខ១២០ និងផ្លូវជាតិលេខ៣ ដើម្បីសម្រួលចរាចរណ៍ និងចៀសវាងការកកស្ទះ។
គួរបញ្ជាក់ថា ក្រសួងសាធារណការ និងដឹកជញ្ជូនធ្លាប់ឲ្យដឹងថា ផ្លូវជាតិលេខ២នឹងត្រូវស្ថាបនាថ្មីនៅក្នុងពេលប្រហែល១ឆ្នាំទៀតដោយក្រុមហ៊ុនកូរ៉េ ប៉ុន្តែតាមភាពជាក់ស្ដែងផ្លូវនេះត្រូវការជួសជុលសិន ដើម្បីសម្រួលការធ្វើដំណើរ៕
© រក្សាសិទ្ធិដោយ thmeythmey.com