កីឡាជាតិ
ជាតិ
AFC U23៖ អ៊ូបេគីស្ថានឡើងទៅវគ្គបន្តមុនគេ ខណៈជំនួបនៅព្យុងយ៉ាងមានអ្នកមើលច្រើន
អ្នកគាំទ្រកម្ពុជាមើលការប្រកួតក្រោមភ្លៀងធ្លាក់។ រូបថត ទេព ពិទូរ្យ
×![]()
វគ្គជម្រុះពានរង្វាន់ទ្វីបអាស៊ី AFC U23 Championship 2018 របស់ពូលទាំង១០ បានបើកការប្រកួតកាលពីថ្ងៃទីពុធ ទី១៩ ខែកក្កដា លើកលែងតែពូល D ដែលបានឈានដល់ការប្រកួតចុងក្រោយ។ អ៊ូបេគីស្ថានជាក្រុមទីមួយដែលឈានទៅជុំចុងក្រោយមុនគេនៅប្រទេសចិន ក្រោយបានលេខមួយពូល D ។ ការប្រកួតទាំងអស់សុទ្ធតែមានការស៊ុតបាល់បញ្ចូលទី លើកលែងតែជំនួបរវាងកម្ពុជា និងចិនប៉ុណ្ណោះ។ ចំពោះចំនួនអ្នកទស្សនា ដោយសារតែភ្លៀងរំខាន កម្ពុជាបានបាត់បង់កំណត់ត្រារបស់ខ្លួន ហើយតួលេខដែលគួរឲ្យកត់សម្គាល់បំផុតនោះ គឺការប្រកួតដ៏កម្រដែលរៀបចំនៅក្នុងទីក្រុងព្យុងយ៉ាង ប្រទេសកូរ៉េខាងជើង។
នៅកីឡដ្ឋាន Dolen Omurzakov ក្រុង Bishkek អ៊ីរ៉ង់បានយកឈ្នះម្ចាស់ផ្ទះគៀរហ្ស៊ីស្ថាន ២-១ សម្រាប់ការប្រកួតបើកឆាកពូល A។ ក្នុងពូលនេះ មានតែបីក្រុមប៉ុណ្ណោះ ដោយស្រីលង្កា បានដកខ្លួនចេញ។
នៅពូល B ដែលប្រកួតនៅកីឡដ្ឋាន Prince Faisal bin Fahd ក្នុងក្រុងរីយ៉ាត ម្ចាស់ផ្ទះអារ៉ាប៊ីសាអូឌីត បានយកឈ្នះប៉ារែន ៣-១ បន្ទាប់ពីអ៊ីរ៉ង់ លត់ អាហ្វហ្គានីស្ថាន ៨-០ ។
ម្ចាស់ផ្ទះកាតា បានបើកឆាកជាមួយជ័យជម្នះ ២-០ លើតួកមេនីស្ថាន ក្នុងការប្រកួតពូល C នៅកីឡដ្ឋាន Jassim Bin Hamad ក្រុងដូហា បន្ទាប់ពីស៊ីរី បានយកឈ្នះឥណ្ឌា ក្នុងលទ្ធផល ២-០ ដូចគ្នា។
ពូល D ជាពូលបញ្ចប់ការប្រកួតទាំងអស់មុនគេ ដោយចាប់ផ្តើមតាំងពីថ្ងៃទី១៥ ខែកក្កដា មក។ អ៊ូបេគីស្ថាន បានក្លាយជាក្រុមដំបូងដែលបានឈានទៅដល់ជុំចុងក្រោយជាមួយចិន បន្ទាប់ពីពួកគេឈ្នះការប្រកួតទាំងបីលើក ខណៈអារ៉ាប់រួមអេមីរ៉េត ស្ថិតនៅលេខ២ ដោយរងចាំអ៊ុតមើលលទ្ធផលនៃគូផ្សេងៗទៀត ស្របពេលដែលលីបង់ និងណេប៉ាល់ បានហាលអាវ។
នាការប្រកួតចុងក្រោយនៅកីឡដ្ឋាន Tahnoun bin Mohammed ក្រុង Al Ain កាលពីម្សិលមិញ ម្ចាស់ផ្ទះអារ៉ាប់រួមអេមីរ៉េត បានចាញ់អ៊ូបេគីស្ថាន ២-០ ហើយលីបង់ឈ្នះណេប៉ាល់ ២-០ ដូចគ្នាសម្រាប់ការប្រកួតបង្គ្រប់កិច្ច។ អ៊ូបេគីស្ថានមាន៩ពិន្ទុ អារ៉ាប់រួមអេមីរ៉េតមាន៦ពិន្ទុ លីបង់មាន៣ពិន្ទុ រីឯណេប៉ាល់ចាញ់ទាំង៣ប្រកួត។
សម្រាប់ជំនួបពូល E នៅកីឡដ្ឋាន Faisal Al-Husseini International Stadium ក្រុង Al-Ram ម្ចាស់ផ្ទះប៉ាឡេស្ទីន បានបញ្ចប់ការប្រកួតបើកឆាកក្នុងលទ្ធផលស្មើ ២-២ ជាមួយតាហ្ស៊ីគីស្ថាន បន្ទាប់ពីហ្ស៊កដង់ បានយកឈ្នះបង់ក្លាដែសរហូតដល់ទៅ ៧-០ ។
នៅក្នុងពូល F ដែលប្រកួតនៅកីឡដ្ឋាន Thuwunna ក្រុងយ៉ាំងហ្គោន ម្ចាស់ផ្ទះមីយ៉ាន់ម៉ា បានយកឈ្នះសិង្ហបុរី ២-០ បន្ទាប់ពីអូស្ត្រាលី ឈ្នះ ព្រុយណេ ក្នុងលទ្ធផល ២-០ ដូចគ្នា។
ងាកទៅការប្រកួតពូល G នៅកីឡដ្ឋាន Rungrado 1st May ក្នុងក្រុងព្យុងយ៉ាង ម្ចាស់ផ្ទះកូរ៉េខាងជើង បានតាមស្មើហុងកុង ១-១ បន្ទាប់ពីឡាវ បានយកឈ្នះឆាយនីសតៃប៉ិ ៣-១ ។
រីឯជំនួបពូល H នៅកីឡដ្ឋាន National Stadium ក្នុងក្រុងបាងកក ម៉ុងហ្គោលី បានទាត់បាល់ប៉េណាល់ទីមុនបញ្ចប់ការប្រកួតដើម្បីតាមស្មើម្ចាស់ផ្ទះថៃ ១-១ មុនពេលដែលម៉ាឡេស៊ី បំបាក់ឥណ្ឌូណេស៊ី ៣-០ ។
នៅក្នុងពូល I កូរ៉េខាងត្បូង បានយកឈ្នះម៉ាកាវ រហូតដល់ទៅ ១០-០ ក្នុងជំនួបនៅកីឡដ្ឋាន Thong Nhat ក្រុងហូជីមិញ មុនពេលដែលម្ចាស់ផ្ទះវៀតណាម ឈ្នះទីម័រខាងកើត ៤-០ ។
ចំពោះពូល J ដែលរៀបចំនៅពហុកីឡដ្ឋានជាតិអូឡាំពិក រាជធានីភ្នំពេញ ជប៉ុនបានឡើងឈរលើតារាងបណ្តោះអាសន្ន ក្រោយបំបាក់ហ្វីលីពីន ៨-០ មុនពេលដែលម្ចាស់ផ្ទះកម្ពុជា និងចិន បញ្ចប់ការប្រកួតក្នុងលទ្ធផលស្មើ ០-០ និងជាការប្រកួតតែមួយគត់ដែលគ្មានការស៊ុតបាល់បញ្ចូលទីក្នុងជំនួបបើកឆាក។
ទាក់ទងនឹងចំនួនអ្នកទស្សនា ការប្រកួតនៅកីឡដ្ឋាន Rungrado 1st of May Stadium ក្រុងព្យុងយ៉ាង មានចំនួនអ្នកទស្សនាច្រើនជាងគេ។ បើតាមរបាយការណ៍សហព័ន្ធកីឡាបាល់ទាត់អាស៊ី (AFC) ជំនួបកូរ៉េខាងជើង និងហុងកុង មានអ្នកទស្សនា១៤៥០០នាក់ ហើយការប៉ះគ្នារវាងឡាវ និងឆាយនីសតៃប៉ិ មានអ្នកទស្សនារហូតដល់ទៅ១២៤០០នាក់ផងដែរ។
ចំនួនអ្នកទស្សនាដែលច្រើនគួរឲ្យកត់សម្គាល់ផងដែរនោះ គឺការប៉ះគ្នារវាងម្ចាស់ផ្ទះមីយ៉ាន់ម៉ា និងសិង្ហបុរី នៅ Thuwunna Stadium ក្រុងយ៉ាំងហ្គោន ដោយមានប្រមាណ ១៣២០០នាក់។ ដោយឡែកនៅពហុកីឡដ្ឋាន ត្រូវបាន AFC កត់ត្រាឃើញថា មាន៧៣២៦នាក់ សម្រាប់ជំនួបរវាងម្ចាស់ផ្ទះកម្ពុជា និងចិន ដែលរំខានដោយភ្លៀងពេញមួយប្រកួត។
បើតាម AFC ការប្រកួតនៅលើទឹកដីប៉ាឡេស្ទីន មានអ្នកទស្សនាតិចជាងគេ។ ជំនួបរវាងម្ចាស់ផ្ទះ និងតាហ្សីគីស្ថាន មានអ្នកមើលតែ៧០០នាក់ប៉ុណ្ណោះ ខណៈអ្នកទស្សនា៥០នាក់ ត្រូវបានកត់ត្រាសម្រាប់ជំនួបរវាងហ្ស៊កដង់ និងបង់ក្លាដែស។
ក្រុម១០ដែលបានចំណាត់ថ្នាក់លេខមួយនៃពូលនីមួយៗ និងក្រុមលេខ២ដែលទទួលបានពិន្ទុលើសគេ បានកៅអីសម្រាប់ការប្រកួតជុំចុងក្រោយ ជាមួយចិន ដែលក្នុងនោះ អ៊ូបេគីស្ថានជាក្រុមដំបូងគេដែលបានលេខ១ពូល D ។ ក្នុងករណី ចិន បានលេខ១ពូល J ក្រុមចំណាត់ថ្នាក់លេខ២ នឹងកើនដល់៦ក្រុម ហើយដោយសារស្រីលង្កា ដកខ្លួនពីពូល A លទ្ធផលនៃការប្រកួតជាមួយក្រុមបាតតារាងនៃពូលនីមួយៗ នឹងមិនត្រូវបានយកមកពិចារណាឡើយ៕
រូបថត៖ AFC
នៅកីឡដ្ឋាន Dolen Omurzakov ក្រុង Bishkek អ៊ីរ៉ង់បានយកឈ្នះម្ចាស់ផ្ទះគៀរហ្ស៊ីស្ថាន ២-១ សម្រាប់ការប្រកួតបើកឆាកពូល A។ ក្នុងពូលនេះ មានតែបីក្រុមប៉ុណ្ណោះ ដោយស្រីលង្កា បានដកខ្លួនចេញ។
នៅពូល B ដែលប្រកួតនៅកីឡដ្ឋាន Prince Faisal bin Fahd ក្នុងក្រុងរីយ៉ាត ម្ចាស់ផ្ទះអារ៉ាប៊ីសាអូឌីត បានយកឈ្នះប៉ារែន ៣-១ បន្ទាប់ពីអ៊ីរ៉ង់ លត់ អាហ្វហ្គានីស្ថាន ៨-០ ។
ម្ចាស់ផ្ទះកាតា បានបើកឆាកជាមួយជ័យជម្នះ ២-០ លើតួកមេនីស្ថាន ក្នុងការប្រកួតពូល C នៅកីឡដ្ឋាន Jassim Bin Hamad ក្រុងដូហា បន្ទាប់ពីស៊ីរី បានយកឈ្នះឥណ្ឌា ក្នុងលទ្ធផល ២-០ ដូចគ្នា។
ពូល D ជាពូលបញ្ចប់ការប្រកួតទាំងអស់មុនគេ ដោយចាប់ផ្តើមតាំងពីថ្ងៃទី១៥ ខែកក្កដា មក។ អ៊ូបេគីស្ថាន បានក្លាយជាក្រុមដំបូងដែលបានឈានទៅដល់ជុំចុងក្រោយជាមួយចិន បន្ទាប់ពីពួកគេឈ្នះការប្រកួតទាំងបីលើក ខណៈអារ៉ាប់រួមអេមីរ៉េត ស្ថិតនៅលេខ២ ដោយរងចាំអ៊ុតមើលលទ្ធផលនៃគូផ្សេងៗទៀត ស្របពេលដែលលីបង់ និងណេប៉ាល់ បានហាលអាវ។
នាការប្រកួតចុងក្រោយនៅកីឡដ្ឋាន Tahnoun bin Mohammed ក្រុង Al Ain កាលពីម្សិលមិញ ម្ចាស់ផ្ទះអារ៉ាប់រួមអេមីរ៉េត បានចាញ់អ៊ូបេគីស្ថាន ២-០ ហើយលីបង់ឈ្នះណេប៉ាល់ ២-០ ដូចគ្នាសម្រាប់ការប្រកួតបង្គ្រប់កិច្ច។ អ៊ូបេគីស្ថានមាន៩ពិន្ទុ អារ៉ាប់រួមអេមីរ៉េតមាន៦ពិន្ទុ លីបង់មាន៣ពិន្ទុ រីឯណេប៉ាល់ចាញ់ទាំង៣ប្រកួត។
សម្រាប់ជំនួបពូល E នៅកីឡដ្ឋាន Faisal Al-Husseini International Stadium ក្រុង Al-Ram ម្ចាស់ផ្ទះប៉ាឡេស្ទីន បានបញ្ចប់ការប្រកួតបើកឆាកក្នុងលទ្ធផលស្មើ ២-២ ជាមួយតាហ្ស៊ីគីស្ថាន បន្ទាប់ពីហ្ស៊កដង់ បានយកឈ្នះបង់ក្លាដែសរហូតដល់ទៅ ៧-០ ។
នៅក្នុងពូល F ដែលប្រកួតនៅកីឡដ្ឋាន Thuwunna ក្រុងយ៉ាំងហ្គោន ម្ចាស់ផ្ទះមីយ៉ាន់ម៉ា បានយកឈ្នះសិង្ហបុរី ២-០ បន្ទាប់ពីអូស្ត្រាលី ឈ្នះ ព្រុយណេ ក្នុងលទ្ធផល ២-០ ដូចគ្នា។
ងាកទៅការប្រកួតពូល G នៅកីឡដ្ឋាន Rungrado 1st May ក្នុងក្រុងព្យុងយ៉ាង ម្ចាស់ផ្ទះកូរ៉េខាងជើង បានតាមស្មើហុងកុង ១-១ បន្ទាប់ពីឡាវ បានយកឈ្នះឆាយនីសតៃប៉ិ ៣-១ ។
រីឯជំនួបពូល H នៅកីឡដ្ឋាន National Stadium ក្នុងក្រុងបាងកក ម៉ុងហ្គោលី បានទាត់បាល់ប៉េណាល់ទីមុនបញ្ចប់ការប្រកួតដើម្បីតាមស្មើម្ចាស់ផ្ទះថៃ ១-១ មុនពេលដែលម៉ាឡេស៊ី បំបាក់ឥណ្ឌូណេស៊ី ៣-០ ។
នៅក្នុងពូល I កូរ៉េខាងត្បូង បានយកឈ្នះម៉ាកាវ រហូតដល់ទៅ ១០-០ ក្នុងជំនួបនៅកីឡដ្ឋាន Thong Nhat ក្រុងហូជីមិញ មុនពេលដែលម្ចាស់ផ្ទះវៀតណាម ឈ្នះទីម័រខាងកើត ៤-០ ។
ចំពោះពូល J ដែលរៀបចំនៅពហុកីឡដ្ឋានជាតិអូឡាំពិក រាជធានីភ្នំពេញ ជប៉ុនបានឡើងឈរលើតារាងបណ្តោះអាសន្ន ក្រោយបំបាក់ហ្វីលីពីន ៨-០ មុនពេលដែលម្ចាស់ផ្ទះកម្ពុជា និងចិន បញ្ចប់ការប្រកួតក្នុងលទ្ធផលស្មើ ០-០ និងជាការប្រកួតតែមួយគត់ដែលគ្មានការស៊ុតបាល់បញ្ចូលទីក្នុងជំនួបបើកឆាក។
ទាក់ទងនឹងចំនួនអ្នកទស្សនា ការប្រកួតនៅកីឡដ្ឋាន Rungrado 1st of May Stadium ក្រុងព្យុងយ៉ាង មានចំនួនអ្នកទស្សនាច្រើនជាងគេ។ បើតាមរបាយការណ៍សហព័ន្ធកីឡាបាល់ទាត់អាស៊ី (AFC) ជំនួបកូរ៉េខាងជើង និងហុងកុង មានអ្នកទស្សនា១៤៥០០នាក់ ហើយការប៉ះគ្នារវាងឡាវ និងឆាយនីសតៃប៉ិ មានអ្នកទស្សនារហូតដល់ទៅ១២៤០០នាក់ផងដែរ។
ចំនួនអ្នកទស្សនាដែលច្រើនគួរឲ្យកត់សម្គាល់ផងដែរនោះ គឺការប៉ះគ្នារវាងម្ចាស់ផ្ទះមីយ៉ាន់ម៉ា និងសិង្ហបុរី នៅ Thuwunna Stadium ក្រុងយ៉ាំងហ្គោន ដោយមានប្រមាណ ១៣២០០នាក់។ ដោយឡែកនៅពហុកីឡដ្ឋាន ត្រូវបាន AFC កត់ត្រាឃើញថា មាន៧៣២៦នាក់ សម្រាប់ជំនួបរវាងម្ចាស់ផ្ទះកម្ពុជា និងចិន ដែលរំខានដោយភ្លៀងពេញមួយប្រកួត។
បើតាម AFC ការប្រកួតនៅលើទឹកដីប៉ាឡេស្ទីន មានអ្នកទស្សនាតិចជាងគេ។ ជំនួបរវាងម្ចាស់ផ្ទះ និងតាហ្សីគីស្ថាន មានអ្នកមើលតែ៧០០នាក់ប៉ុណ្ណោះ ខណៈអ្នកទស្សនា៥០នាក់ ត្រូវបានកត់ត្រាសម្រាប់ជំនួបរវាងហ្ស៊កដង់ និងបង់ក្លាដែស។
ក្រុម១០ដែលបានចំណាត់ថ្នាក់លេខមួយនៃពូលនីមួយៗ និងក្រុមលេខ២ដែលទទួលបានពិន្ទុលើសគេ បានកៅអីសម្រាប់ការប្រកួតជុំចុងក្រោយ ជាមួយចិន ដែលក្នុងនោះ អ៊ូបេគីស្ថានជាក្រុមដំបូងគេដែលបានលេខ១ពូល D ។ ក្នុងករណី ចិន បានលេខ១ពូល J ក្រុមចំណាត់ថ្នាក់លេខ២ នឹងកើនដល់៦ក្រុម ហើយដោយសារស្រីលង្កា ដកខ្លួនពីពូល A លទ្ធផលនៃការប្រកួតជាមួយក្រុមបាតតារាងនៃពូលនីមួយៗ នឹងមិនត្រូវបានយកមកពិចារណាឡើយ៕
រូបថត៖ AFC
Tag:
AFC U23
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
