កីឡាជាតិ
ជាតិ
កម្ពុជាយកថ្ងៃ ៨ សីហា ជាទិវា «ASEAN Sports Day» ដូចរដ្ឋជាសមាជិកផ្សេងទៀត ថ្នាក់ដឹកនាំកីឡាអាស៊ាននាកិច្ចប្រជុំកាលពីថ្ងៃទី២៦ ខែកញ្ញា ឆ្នាំ២០១៦ នៅគូឡាឡាំពួរ។ រូបថត ASEAN
× រដ្ឋាភិបាលកម្ពុជា បានកំណត់យកថ្ងៃទី៨ ខែសីហា ជាទិវាកីឡាអាស៊ាន (ASEAN Sports Day)។ នេះបើតាមការបញ្ជាក់របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន តាមរយៈគណនីហ្វេសប៊ុករបស់ខ្លួន។
សូមបញ្ជាក់ថា ការកំណត់យកថ្ងៃទី៨ ខែសីហា ជាទិវាកីឡាអាស៊ាន (ASEAN Sports Day) ត្រូវធ្វើឡើងនាអំឡុងកិច្ចប្រជុំលើកទី៦របស់មន្ត្រីជាន់ខ្ពស់អាស៊ានស្តីពីកីឡា Sixth ASEAN Senior Officials Meeting on Sports (SOMS-6) នៅទីក្រុងគូឡាឡាំពួរ កាលពីថ្ងៃទី២៧ ខែកញ្ញា កន្លងមក។
នាកិច្ចប្រជុំ SOMS-6 ស្តីពីការកំណត់ផែនការកីឡានៅតំបន់អាស៊ានសម្រាប់ឆ្នាំ២០១៦ ដល់ឆ្នាំ២០២០ ប្រតិភូកម្ពុជាតំណាងដោយលោក ប៊ូ ជុំសេរី អនុរដ្ឋលេខាធិការក្រសួងអប់រំ យុវជននិងកីឡា។
តាមគម្រោង ទិវាកីឡាអាស៊ាន នឹងត្រូវរៀបចំជាលើកដំបូងនៅឆ្នាំ២០១៧នេះ ហើយពិធីនេះធ្វើឡើងដំណាលគ្នានៃការរំលឹកខួបនៃការបង្កើតសមាគមប្រជាជាតិអាស៊ី-អាគ្នេយ៍ (អាស៊ាន) កាលពីថ្ងៃទី៨ ខែសីហា ឆ្នាំ១៩៦៧ ផងដែរ៕
© រក្សាសិទ្ធិដោយ thmeythmey.com