ជាតិ
លោក ហង្ស ពុទ្ធា អ្នកនាំពាក្យគ.ជ.ប ផ្តល់បទសម្ភាសដល់ក្រុមអ្នកកាសែត កាលពីពេលកន្លងទៅ។
×![]()
ដោយ: ម៉ៅ សុផា
ភ្នំពេញ៖ ពលរដ្ឋកម្ពុជាប្រមាណ២លាននាក់ទៀត ដែលមានអាយុចាប់ពី១៨ឡើងទៅ មិនទាន់បានចុះឈ្មោះបោះឆ្នោត។ នេះជាការអះអាងរបស់លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប)។
លោក ហង្ស ពុទ្ធា បានប្រាប់សារព័ត៌មានថ្មីៗថា ពលរដ្ឋកម្ពុជា ដែលមានអាយុចាប់ពី១៨ឆ្នាំ ឡើងទៅ ហើយមិនទាន់ចុះបោះឆ្នោត សម្រាប់ការបោះឆ្នោតជ្រើសរើសតំណាងរាស្ត្រ នាអាណត្តិទី៦ នៅឆ្នាំ២០១៨ មានពីរប្រភេទ គឺទីមួយ ពលរដ្ឋ ដែលចំណាកស្រុក ទៅរស់នៅនិងធ្វើការនៅក្រៅប្រទេស ហើយទីពីរ គឺពលរដ្ឋ នៅក្នុងប្រទេស។ អ្នកនាំពាក្យគ.ជ.ប រូបនេះ និយាយដូច្នេះថា៖«ពលរដ្ឋ ដែលចំណាកស្រុកជាង១លាននាក់ មិនទាន់ចុះឈ្មោះ។ ហើយពលរដ្ឋផ្សេងទៀត នៅក្នុងប្រទេស បូកទាំងពលរដ្ឋ ដែលទើបនឹងគ្រប់អាយុ ផងដែរ»។
បើតាមលោក ហង្ស ពុទ្ធា ការរៀបចំចុះឈ្មោះបោះឆ្នោតនេះ គឺសម្រាប់តែពលរដ្ឋ ដែលមិនទាន់បានចុះឈ្មោះបោះឆ្នោត ប៉ុណ្ណោះ។ លោក ធ្លាប់បញ្ជាក់ថា ពលរដ្ឋ ដែលបានចុះឈ្មោះបោះឆ្នោតរួចហើយ កាលពីពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ កន្លងទៅ គឺអាចទៅបោះឆ្នោតជ្រើសរើសតំណាងរាស្ត្រ នាពេលខាងមុខតែម្តង ដោយពួកគេ មិនចាំបាច់ទៅចុះឈ្មោះ ម្តងទៀតឡើយ។
លោក ហង្ស ពុទ្ធា មិនទាន់អាចបញ្ជាក់បាននោះទេ ថាគ.ជ.ប ត្រូវត្រៀមថវិកាប៉ុន្មាន សម្រាប់ការចំណាយលើការបោះឆ្នោតថ្នាក់ជាតិ នាអាណត្តិទី៦នេះ។
សូមបញ្ជាក់ថា ចាប់ពីថ្ងៃទី១ ខែកញ្ញា ឆ្នាំ២0១៧ តទៅ គ.ជ.ប នឹងចាប់ផ្តើមរៀបចំចុះឈ្មោះបោះឆ្នោត សម្រាប់ការបោះឆ្នោតថ្នាក់ជាតិ ក្នុងឆ្នាំ២០១៨។ រដ្ឋាភិបាល បានកំណត់យកថ្ងៃទី២៩ ខែកក្កដា ឆ្នាំ២0១៨ ជាកាលបរិច្ឆេទនៃការបោះឆ្នោតថ្នាក់ជាតិ៕
លោក ហង្ស ពុទ្ធា បានប្រាប់សារព័ត៌មានថ្មីៗថា ពលរដ្ឋកម្ពុជា ដែលមានអាយុចាប់ពី១៨ឆ្នាំ ឡើងទៅ ហើយមិនទាន់ចុះបោះឆ្នោត សម្រាប់ការបោះឆ្នោតជ្រើសរើសតំណាងរាស្ត្រ នាអាណត្តិទី៦ នៅឆ្នាំ២០១៨ មានពីរប្រភេទ គឺទីមួយ ពលរដ្ឋ ដែលចំណាកស្រុក ទៅរស់នៅនិងធ្វើការនៅក្រៅប្រទេស ហើយទីពីរ គឺពលរដ្ឋ នៅក្នុងប្រទេស។ អ្នកនាំពាក្យគ.ជ.ប រូបនេះ និយាយដូច្នេះថា៖«ពលរដ្ឋ ដែលចំណាកស្រុកជាង១លាននាក់ មិនទាន់ចុះឈ្មោះ។ ហើយពលរដ្ឋផ្សេងទៀត នៅក្នុងប្រទេស បូកទាំងពលរដ្ឋ ដែលទើបនឹងគ្រប់អាយុ ផងដែរ»។
បើតាមលោក ហង្ស ពុទ្ធា ការរៀបចំចុះឈ្មោះបោះឆ្នោតនេះ គឺសម្រាប់តែពលរដ្ឋ ដែលមិនទាន់បានចុះឈ្មោះបោះឆ្នោត ប៉ុណ្ណោះ។ លោក ធ្លាប់បញ្ជាក់ថា ពលរដ្ឋ ដែលបានចុះឈ្មោះបោះឆ្នោតរួចហើយ កាលពីពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ កន្លងទៅ គឺអាចទៅបោះឆ្នោតជ្រើសរើសតំណាងរាស្ត្រ នាពេលខាងមុខតែម្តង ដោយពួកគេ មិនចាំបាច់ទៅចុះឈ្មោះ ម្តងទៀតឡើយ។
លោក ហង្ស ពុទ្ធា មិនទាន់អាចបញ្ជាក់បាននោះទេ ថាគ.ជ.ប ត្រូវត្រៀមថវិកាប៉ុន្មាន សម្រាប់ការចំណាយលើការបោះឆ្នោតថ្នាក់ជាតិ នាអាណត្តិទី៦នេះ។
សូមបញ្ជាក់ថា ចាប់ពីថ្ងៃទី១ ខែកញ្ញា ឆ្នាំ២0១៧ តទៅ គ.ជ.ប នឹងចាប់ផ្តើមរៀបចំចុះឈ្មោះបោះឆ្នោត សម្រាប់ការបោះឆ្នោតថ្នាក់ជាតិ ក្នុងឆ្នាំ២០១៨។ រដ្ឋាភិបាល បានកំណត់យកថ្ងៃទី២៩ ខែកក្កដា ឆ្នាំ២0១៨ ជាកាលបរិច្ឆេទនៃការបោះឆ្នោតថ្នាក់ជាតិ៕
Tag:
បោះឆ្នោតជាតិ
ពលរដ្ឋមិនទាន់ចុះឈ្មោះ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
