ជាតិ
គណៈកម្មការចម្រុះកំណត់យកថ្ងៃ១០សម្រាប់រុះរើសំណង់ខុសច្បាប់ក្នុងអង្គរ
×![]()
សៀមរាប៖ ជាសេចក្តីសម្រេចចុងក្រោយ គណៈកម្មការចម្រុះដែលមានរដ្ឋបាលខេត្តសៀមរាប និងអាជ្ញាធរជាតិអប្សរា បានកំណត់យកថ្ងៃទី១០ សីហា ជាថ្ងៃចុះរុះរើសំណង់ខុស ច្បាប់ ក្នុងរមណីយដ្ឋានអង្គរ។ ការកំណត់យកថ្ងៃទី១០នេះ ក្រោយពេលគណៈកម្មការ បានទុករយៈពេលដល់ម្ចាស់សំណង់ខុសច្បាប់ទាំងនោះ ត្រូវរុះរើសំណង់ដោយខ្លួនឯង និងដោយការស្ម័គ្រចិត្ត។
ក្នុងសេចក្តីជូនដំណឹងដែលចេញផ្សាយនៅថ្ងៃទី១ សីហា និងដែលសារព័ត៌មានអេឡិចត្រូនិកថ្មីៗទទួលបាន បានកំណត់យកថ្ងៃទី១០ សីហា ជាថ្ងៃរុះរើសំណង់ខុសច្បាប់ ក្រោយអាជ្ញាធរបានចុះចែកសេចក្តីជូនដំណឹងដល់ម្ចាស់សំណង់ ឲ្យធ្វើការស្ម័គ្រចិត្តរុះរើសំណង់ខុសច្បាប់ដោយខ្លួនឯង តែផ្ទុយទៅវិញរហូតមកដល់ថ្ងៃនេះ ម្ចាស់សំណង់ទាំងនោះ មិនបានគោរពទៅតាមសេចក្តីជូនដំណឹងនោះឡើយ។
ក្នុងសេចក្តីជូនដំណឹង ដែលកំណត់យកថ្ងៃទី១០ សីហា សម្រាប់យុទ្ធនាការរុះរើសំណង់ បានសរសេរថា «អាស្រ័យហេតុនេះ គណៈកម្មការដឹកនាំ និងសម្របសម្រួលលើការរុះរើសំណង់ខុសច្បាប់ក្នុងតំបន់១ និងតំបន់២ នៃរមណីយដ្ឋានអង្គររបស់រដ្ឋបាលខេត្តសៀមរាប និងអាជ្ញាធរជាតិអប្សរា សូមទុករយៈពេលចុងក្រោយជូនម្ចាស់សំណង់ខាងលើ ឱ្យស្ម័គ្រចិត្តរុះរើដោយខ្លួនឯងរហូតដល់ថ្ងៃទី៩ ខែសីហា ឆ្នាំ២០១៧ ជាកំហិត»។ សេចក្តីជូនដំណឹងដដែល គណៈកម្មការចម្រុះនឹងចាប់ផ្តើមចុះអនុវត្តវិធានការរុះរើសំណង់ ចាប់ពីថ្ងៃទី១០ សីហា តាមនីតិវិធី ដោយពុំទទួលខុសត្រូវរាល់ការខូចខាតឡើយ។
យោងតាមរបាយការណ៍របស់អាជ្ញាធរជាតិអប្សរា ក្នុងអំឡុងពេលមុនបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤នេះ មានសំណង់ខុសច្បាប់ជាង៥០០សំណង់ ដែលលួចសាងសង់ដោយលាក់លៀម ក្នុងរមណីយដ្ឋានអង្គរ បើទោះបីជាអាជ្ញាធរចុះណែនាំក៏ដោយ។ ក្នុងរបាយការណ៍ដាច់ដោយឡែកមួយទៀតរបស់អាជ្ញាធរជាតិអប្សរា មានសំណង់ខុសច្បាប់ចំនួនជាង១០០ករណីទៀត ដែលលួចសាងសង់ក្រោយថ្ងៃបោះឆ្នោត៕
ក្នុងសេចក្តីជូនដំណឹងដែលចេញផ្សាយនៅថ្ងៃទី១ សីហា និងដែលសារព័ត៌មានអេឡិចត្រូនិកថ្មីៗទទួលបាន បានកំណត់យកថ្ងៃទី១០ សីហា ជាថ្ងៃរុះរើសំណង់ខុសច្បាប់ ក្រោយអាជ្ញាធរបានចុះចែកសេចក្តីជូនដំណឹងដល់ម្ចាស់សំណង់ ឲ្យធ្វើការស្ម័គ្រចិត្តរុះរើសំណង់ខុសច្បាប់ដោយខ្លួនឯង តែផ្ទុយទៅវិញរហូតមកដល់ថ្ងៃនេះ ម្ចាស់សំណង់ទាំងនោះ មិនបានគោរពទៅតាមសេចក្តីជូនដំណឹងនោះឡើយ។
ក្នុងសេចក្តីជូនដំណឹង ដែលកំណត់យកថ្ងៃទី១០ សីហា សម្រាប់យុទ្ធនាការរុះរើសំណង់ បានសរសេរថា «អាស្រ័យហេតុនេះ គណៈកម្មការដឹកនាំ និងសម្របសម្រួលលើការរុះរើសំណង់ខុសច្បាប់ក្នុងតំបន់១ និងតំបន់២ នៃរមណីយដ្ឋានអង្គររបស់រដ្ឋបាលខេត្តសៀមរាប និងអាជ្ញាធរជាតិអប្សរា សូមទុករយៈពេលចុងក្រោយជូនម្ចាស់សំណង់ខាងលើ ឱ្យស្ម័គ្រចិត្តរុះរើដោយខ្លួនឯងរហូតដល់ថ្ងៃទី៩ ខែសីហា ឆ្នាំ២០១៧ ជាកំហិត»។ សេចក្តីជូនដំណឹងដដែល គណៈកម្មការចម្រុះនឹងចាប់ផ្តើមចុះអនុវត្តវិធានការរុះរើសំណង់ ចាប់ពីថ្ងៃទី១០ សីហា តាមនីតិវិធី ដោយពុំទទួលខុសត្រូវរាល់ការខូចខាតឡើយ។
យោងតាមរបាយការណ៍របស់អាជ្ញាធរជាតិអប្សរា ក្នុងអំឡុងពេលមុនបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤នេះ មានសំណង់ខុសច្បាប់ជាង៥០០សំណង់ ដែលលួចសាងសង់ដោយលាក់លៀម ក្នុងរមណីយដ្ឋានអង្គរ បើទោះបីជាអាជ្ញាធរចុះណែនាំក៏ដោយ។ ក្នុងរបាយការណ៍ដាច់ដោយឡែកមួយទៀតរបស់អាជ្ញាធរជាតិអប្សរា មានសំណង់ខុសច្បាប់ចំនួនជាង១០០ករណីទៀត ដែលលួចសាងសង់ក្រោយថ្ងៃបោះឆ្នោត៕
Tag:
សំណង់ខុសច្បាប់
© រក្សាសិទ្ធិដោយ thmeythmey.com
