ជាតិ
នយោបាយជាតិ
បក្សប្រឆាំងនឹងមិនទទួលខុសត្រូវលើជនណាដែលប្រើរូប សំឡេង និងសកម្មភាពរបស់អ្នកទោស
×![]()
ដោយ: ម៉ៅ សុផា
ភ្នំពេញ៖ បក្សប្រឆាំង ប្រកាសមិនទទួលខុសត្រូវចំពោះបុគ្គលណាមួយ ដែលប្រើប្រាស់រូបភាព សារជាសំឡេង និងឯកសារជាលាយលក្ខណ៍អក្សររបស់អ្នកទោស។ ការប្រកាសរបស់បក្សប្រឆាំង ដូច្នេះ គឺដើម្បីជៀសវាងការប្រឈមចំពោះផ្លូវច្បាប់។
គណបក្សសង្គ្រោះជាតិ បានចេញសេចក្តីថ្លែងការណ៍ នៅថ្ងៃទី១0 ខែសីហា ឆ្នាំ២0១៧នេះ ដោយប្រកាសថា នឹងទទួលខុសត្រូវចំពោះសកម្មភាពទាំងឡាយណា ដែលបានសម្រេចជាផ្លូវការក្នុងគណបក្ស តែប៉ុណ្ណោះ។ សេចក្តីថ្លែងការណ៍ បានបញ្ជាក់ថា គណបក្សសង្គ្រោះជាតិ នឹងមិនទទួលខុសត្រូវឡើយ ចំពោះបុគ្គលណាមួយ ដែលផ្សារភ្ជាប់សកម្មភាពរបស់អ្នកទោស ទៅនឹងគណបក្សសង្គ្រោះជាតិ ដែលជាទង្វើផ្ទុយនឹងច្បាប់ស្តីពីគណបក្សនយោបាយ។
សេចក្តីថ្លែងការណ៍ បានសរសេរយ៉ាងដូច្នេះ៖«គណបក្សសង្គ្រោះជាតិ មិនទទួលខុសត្រូវចំពោះបុគ្គលណាមួយ ដែលប្រើប្រាស់រូបភាព សារជាសំឡេង ឯកសារជាលាយលក្ខណ៍អក្សររបស់អ្នកទោស ដោយផ្សារភ្ជាប់ជាមួយគណបក្សសង្គ្រោះជាតិ។ គណបក្សសង្គ្រោះជាតិ ក៏មិនទទួលខុសត្រូវដែរ ចំពោះបុគ្គលណាមួយ ដែលយល់ព្រមដោយចំហ ឬដោយតុណ្ហីភាព [ភាពស្ងៀមស្ងាត់] ឬឃុបឃិតជាមួយអ្នកទោស ដើម្បីឲ្យធ្វើសកម្មភាព ដោយផ្សារភ្ជាប់ជាមួយគណបក្សសង្គ្រោះជាតិ»។
មាត្រាថ្មីនៃច្បាប់ស្តីពីគណបក្សនយោបាយ ដែលតំណាងរាស្ត្រគណបក្សប្រជាជនកម្ពុជា បានសរសេរបន្ថែម ហើយទើបនឹងចូលជាធរមាន នាពេលថ្មីៗនេះ មិនអនុញ្ញាតឲ្យគណបក្សណាមួយ ប្រព្រឹត្តនូវទង្វើខាងលើឡើយ។ ផ្អែកលើមាត្រាថ្មី តុលាការ អាចរំលាយគណបក្សនោះចោល ប្រសិនបើបានប្រព្រឹត្តនូវទង្វើខាងលើ។ នេះ គឺជាមូលហេតុ ដែលគណបក្សសង្គ្រោះជាតិ ចេញសេចក្តីថ្លែងការណ៍បែបនេះ។
ដូច្នេះ គណបក្សសង្គ្រោះជាតិ មិនអាចបន្តប្រើប្រាស់រូបភាព សារជាសំឡេង វីដេអូឃ្លីប និងអត្ថបទរបស់លោក សម រង្ស៊ី ដើម្បីទាញយកប្រជាប្រិយភាព ឬក៏ប្រយោជន៍ផ្នែកនយោបាយ ដូចពីមុនទៀតឡើយ។ មូលហេតុនោះ គឺថា លោក សម រង្ស៊ី អតីតប្រធានគណបក្សសង្គ្រោះជាតិ បានរងបណ្តឹងជាច្រើនពីសំណាក់មេដឹកនាំគណបក្សប្រជាជនកម្ពុជា ហើយក៏បានក្លាយជាអ្នកទោសដែរ ក្រោមការសម្រេចរបស់តុលាការ។
មិនមែនតែលោក សម រង្ស៊ី ទេ គណបក្សសង្គ្រោះជាតិ ក៏ត្រូវតែជៀសវាងផងដែរ ចំពោះការប្រើប្រាស់រូបភាព សារជាសំឡេង និងវីដេអូឃ្លីប របស់អ្នកទោសផ្សេងទៀត ដូចជា លោក អ៊ុំ សំអាន អតីតតំណាងរាស្ត្រ និងលោក មាជ សុវណ្ណារ៉ា អតីតមន្ត្រីជាន់ខ្ពស់របស់ខ្លួន ជាដើម៕
គណបក្សសង្គ្រោះជាតិ បានចេញសេចក្តីថ្លែងការណ៍ នៅថ្ងៃទី១0 ខែសីហា ឆ្នាំ២0១៧នេះ ដោយប្រកាសថា នឹងទទួលខុសត្រូវចំពោះសកម្មភាពទាំងឡាយណា ដែលបានសម្រេចជាផ្លូវការក្នុងគណបក្ស តែប៉ុណ្ណោះ។ សេចក្តីថ្លែងការណ៍ បានបញ្ជាក់ថា គណបក្សសង្គ្រោះជាតិ នឹងមិនទទួលខុសត្រូវឡើយ ចំពោះបុគ្គលណាមួយ ដែលផ្សារភ្ជាប់សកម្មភាពរបស់អ្នកទោស ទៅនឹងគណបក្សសង្គ្រោះជាតិ ដែលជាទង្វើផ្ទុយនឹងច្បាប់ស្តីពីគណបក្សនយោបាយ។
សេចក្តីថ្លែងការណ៍ បានសរសេរយ៉ាងដូច្នេះ៖«គណបក្សសង្គ្រោះជាតិ មិនទទួលខុសត្រូវចំពោះបុគ្គលណាមួយ ដែលប្រើប្រាស់រូបភាព សារជាសំឡេង ឯកសារជាលាយលក្ខណ៍អក្សររបស់អ្នកទោស ដោយផ្សារភ្ជាប់ជាមួយគណបក្សសង្គ្រោះជាតិ។ គណបក្សសង្គ្រោះជាតិ ក៏មិនទទួលខុសត្រូវដែរ ចំពោះបុគ្គលណាមួយ ដែលយល់ព្រមដោយចំហ ឬដោយតុណ្ហីភាព [ភាពស្ងៀមស្ងាត់] ឬឃុបឃិតជាមួយអ្នកទោស ដើម្បីឲ្យធ្វើសកម្មភាព ដោយផ្សារភ្ជាប់ជាមួយគណបក្សសង្គ្រោះជាតិ»។
មាត្រាថ្មីនៃច្បាប់ស្តីពីគណបក្សនយោបាយ ដែលតំណាងរាស្ត្រគណបក្សប្រជាជនកម្ពុជា បានសរសេរបន្ថែម ហើយទើបនឹងចូលជាធរមាន នាពេលថ្មីៗនេះ មិនអនុញ្ញាតឲ្យគណបក្សណាមួយ ប្រព្រឹត្តនូវទង្វើខាងលើឡើយ។ ផ្អែកលើមាត្រាថ្មី តុលាការ អាចរំលាយគណបក្សនោះចោល ប្រសិនបើបានប្រព្រឹត្តនូវទង្វើខាងលើ។ នេះ គឺជាមូលហេតុ ដែលគណបក្សសង្គ្រោះជាតិ ចេញសេចក្តីថ្លែងការណ៍បែបនេះ។
ដូច្នេះ គណបក្សសង្គ្រោះជាតិ មិនអាចបន្តប្រើប្រាស់រូបភាព សារជាសំឡេង វីដេអូឃ្លីប និងអត្ថបទរបស់លោក សម រង្ស៊ី ដើម្បីទាញយកប្រជាប្រិយភាព ឬក៏ប្រយោជន៍ផ្នែកនយោបាយ ដូចពីមុនទៀតឡើយ។ មូលហេតុនោះ គឺថា លោក សម រង្ស៊ី អតីតប្រធានគណបក្សសង្គ្រោះជាតិ បានរងបណ្តឹងជាច្រើនពីសំណាក់មេដឹកនាំគណបក្សប្រជាជនកម្ពុជា ហើយក៏បានក្លាយជាអ្នកទោសដែរ ក្រោមការសម្រេចរបស់តុលាការ។
មិនមែនតែលោក សម រង្ស៊ី ទេ គណបក្សសង្គ្រោះជាតិ ក៏ត្រូវតែជៀសវាងផងដែរ ចំពោះការប្រើប្រាស់រូបភាព សារជាសំឡេង និងវីដេអូឃ្លីប របស់អ្នកទោសផ្សេងទៀត ដូចជា លោក អ៊ុំ សំអាន អតីតតំណាងរាស្ត្រ និងលោក មាជ សុវណ្ណារ៉ា អតីតមន្ត្រីជាន់ខ្ពស់របស់ខ្លួន ជាដើម៕
Tag:
CNRP
អ្នកទោស
© រក្សាសិទ្ធិដោយ thmeythmey.com
