ជាតិ
រូបភាពពីទូរទស្សន៍ជាតិកម្ពុជា
×![]()
ដោយ: ថ្មីៗ
ភ្នំពេញ៖ រដ្ឋាភិបាលកម្ពុជា នឹងបញ្ជូនកងទ័ព ទៅកាន់ភូមិភាគឦសាននៃប្រទេស នៅយប់ថ្ងៃទី១១ ខែសីហា ឆ្នាំ២0១៧នេះ។ ការចល័តកងទ័ពនេះ នឹងចេញពីមូលដ្ឋានក្នុងក្រុងតាខ្មៅ ដោយឆ្លងកាន់ តាមផ្លូវមួយចំនួនក្នុងរាជធានីភ្នំពេញ។ ព័ត៌មាននេះ ត្រូវបានរដ្ឋបាលរាជធានីភ្នំពេញ បង្ហោះក្នុងទំព័រហ្វេសប៊ុកផ្លូវការរបស់ខ្លួន។
បើតាមសាលារាជធានីភ្នំពេញ ការចល័តកងទ័ព និងយោធភណ្ឌមួយចំនួនចេញពីមូលដ្ឋាននៅក្រុងតាខ្មៅ ឆ្ពោះទៅភូមិភាគឦសាននៃប្រទេស ត្រូវឆ្លងកាត់តម្រាយផ្លូវមួយចំនួនក្នុងភូមិសាស្ត្ររាជធានីភ្នំពេញ រួមមានផ្លូវជាតិលេខ២ មហាវិថីព្រះនរោត្តម ស្ពានជ្រោយចង្វារ និងផ្លូវជាតិលេខ៦ ។ សាលារាជធានីភ្នំពេញ ក៏បានប្រាប់ប្រជាពលរដ្ឋកុំឲ្យភ្ញាក់ផ្អើលចំពោះសកម្មភាពចល័តកងទ័ព នៅយប់ថ្ងៃទី១១ ខែសីហានេះ។ ហ្វេសប៊ុកសាលារាជធានីភ្នំពេញសរសេរដូច្នេះ៖«សូមកុំមានការភ្ញាក់ផ្អើលចំពោះការចល័តកងទ័ព សំដៅទៅការពារទឹកដីនៅសមរភូមិមុខ»។
លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានបញ្ជាក់ប្រាប់សារព័ត៌មានថ្មីៗនៅយប់ថ្ងៃសុក្រនេះថា ការចេញសេចក្តីជូនដំណឹងនេះ គឺជាការពិត។ លោក សង្កត់ធ្ងន់ដូច្នេះថា៖«នេះគឺជាការពិត។ តែចំនួនកងទ័ពប៉ុន្មាន និងសព្វាវុធប៉ុន្មាន ដែលត្រូវបញ្ជូនទៅនោះ ខ្ញុំមិនអាចប្រាប់បានទេ ព្រោះវាជាសន្តិសុខជាតិ»។
សូមបញ្ជាក់ថា នៅព្រឹកថ្ងៃសុក្រនេះ សម្តេច ហ៊ុន សែន ក្នុងនាមជាប្រមុខរដ្ឋាភិបាលកម្ពុជា បានប្រកាសខ្លាំងៗទៅកាន់ប្រទេសឡាវ ដោយស្នើឲ្យដកកងទ័ព ចេញពីប្រទេសកម្ពុជា។ បើតាមសម្តេច ហ៊ុន សែន កងទ័ពឡាវមួយចំនួនបានចូលមកឈរជើងក្នុងទឹកដីកម្ពុជា ក្នុងតំបន់ក្បែរអូរអាឡៃ និងតំបន់អូរតាងាវ ព្រំដែនខេត្តស្ទឹងត្រែងនិងខេត្តអាតាពើ ប្រទេសឡាវ។
សម្តេច ហ៊ុន សែន បានសង្កត់ធ្ងន់ៗថា៖«សូមអំពាវនាវចំពោះឯកឧត្តម ថោងលន់ ស៊ីសូលីត នាយករដ្ឋមន្ត្រីនៃប្រទេសឡាវ ដកកងទ័ពចេញពីទឹកដីកម្ពុជា ដោយគ្មានលក្ខខណ្ឌ។ ហើយឱសានវាទ យូរបំផុតគឺនៅថ្ងៃទី១៧។ ខ្ញុំទុកពេលឲ្យ៦ថ្ងៃ។ បើមិនចង់មានរឿង មានតែដក [កងទ័ព]»។
សម្តេច ហ៊ុន សែន ក៏បានប្រកាសដែរ កាលពីព្រឹកមិញនេះ ថាសម្តេច នឹងធ្វើដំណើរទៅកាន់ប្រទេសឡាវ នៅថ្ងៃស្អែក ដើម្បីចរចាពីបញ្ហានេះជាមួយនាយករដ្ឋមន្ត្រីនៃប្រទេសឡាវ៕
បើតាមសាលារាជធានីភ្នំពេញ ការចល័តកងទ័ព និងយោធភណ្ឌមួយចំនួនចេញពីមូលដ្ឋាននៅក្រុងតាខ្មៅ ឆ្ពោះទៅភូមិភាគឦសាននៃប្រទេស ត្រូវឆ្លងកាត់តម្រាយផ្លូវមួយចំនួនក្នុងភូមិសាស្ត្ររាជធានីភ្នំពេញ រួមមានផ្លូវជាតិលេខ២ មហាវិថីព្រះនរោត្តម ស្ពានជ្រោយចង្វារ និងផ្លូវជាតិលេខ៦ ។ សាលារាជធានីភ្នំពេញ ក៏បានប្រាប់ប្រជាពលរដ្ឋកុំឲ្យភ្ញាក់ផ្អើលចំពោះសកម្មភាពចល័តកងទ័ព នៅយប់ថ្ងៃទី១១ ខែសីហានេះ។ ហ្វេសប៊ុកសាលារាជធានីភ្នំពេញសរសេរដូច្នេះ៖«សូមកុំមានការភ្ញាក់ផ្អើលចំពោះការចល័តកងទ័ព សំដៅទៅការពារទឹកដីនៅសមរភូមិមុខ»។
លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានបញ្ជាក់ប្រាប់សារព័ត៌មានថ្មីៗនៅយប់ថ្ងៃសុក្រនេះថា ការចេញសេចក្តីជូនដំណឹងនេះ គឺជាការពិត។ លោក សង្កត់ធ្ងន់ដូច្នេះថា៖«នេះគឺជាការពិត។ តែចំនួនកងទ័ពប៉ុន្មាន និងសព្វាវុធប៉ុន្មាន ដែលត្រូវបញ្ជូនទៅនោះ ខ្ញុំមិនអាចប្រាប់បានទេ ព្រោះវាជាសន្តិសុខជាតិ»។
សូមបញ្ជាក់ថា នៅព្រឹកថ្ងៃសុក្រនេះ សម្តេច ហ៊ុន សែន ក្នុងនាមជាប្រមុខរដ្ឋាភិបាលកម្ពុជា បានប្រកាសខ្លាំងៗទៅកាន់ប្រទេសឡាវ ដោយស្នើឲ្យដកកងទ័ព ចេញពីប្រទេសកម្ពុជា។ បើតាមសម្តេច ហ៊ុន សែន កងទ័ពឡាវមួយចំនួនបានចូលមកឈរជើងក្នុងទឹកដីកម្ពុជា ក្នុងតំបន់ក្បែរអូរអាឡៃ និងតំបន់អូរតាងាវ ព្រំដែនខេត្តស្ទឹងត្រែងនិងខេត្តអាតាពើ ប្រទេសឡាវ។
សម្តេច ហ៊ុន សែន បានសង្កត់ធ្ងន់ៗថា៖«សូមអំពាវនាវចំពោះឯកឧត្តម ថោងលន់ ស៊ីសូលីត នាយករដ្ឋមន្ត្រីនៃប្រទេសឡាវ ដកកងទ័ពចេញពីទឹកដីកម្ពុជា ដោយគ្មានលក្ខខណ្ឌ។ ហើយឱសានវាទ យូរបំផុតគឺនៅថ្ងៃទី១៧។ ខ្ញុំទុកពេលឲ្យ៦ថ្ងៃ។ បើមិនចង់មានរឿង មានតែដក [កងទ័ព]»។
សម្តេច ហ៊ុន សែន ក៏បានប្រកាសដែរ កាលពីព្រឹកមិញនេះ ថាសម្តេច នឹងធ្វើដំណើរទៅកាន់ប្រទេសឡាវ នៅថ្ងៃស្អែក ដើម្បីចរចាពីបញ្ហានេះជាមួយនាយករដ្ឋមន្ត្រីនៃប្រទេសឡាវ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
