ជាប់បាក់ឌុបហើយ ត្រូវរៀនមុខវិជ្ជាដែលយើងស្រឡាញ់ និងពូកែ ទើបមិនស្តាយក្រោយ

បទយកការណ៍ / បទសម្ភាសន៍

ជាប់បាក់ឌុបហើយ ត្រូវរៀនមុខវិជ្ជាដែលយើងស្រឡាញ់ និងពូកែ ទើបមិនស្តាយក្រោយ

12, Aug 2017 , 8:19 pm

រូបភាព

ដោយ:

កញ្ញា ម៉ម ជូលីណា និស្សិតជាប់អាហារូបករណ៍ Fulbright បានឆ្លៀតផ្តល់បទសម្ភាសជាមួយសារព័ត៌មានថ្មីៗ អំពីការជ្រើសរើសមុខវិជ្ជាសិក្សារបស់សិស្សក្រោយបញ្ចប់ថ្នាក់មធ្យមសិក្សាទុតិយភូមិ មុននឹងនាងធ្វើដំណើរទៅសិក្សាថ្នាក់អនុបណ្ឌិតនៅអាមេរិករយៈពេល ២ ឆ្នាំ នៅថ្ងៃទី ១៣ ខែសីហា។ ជូលីណា ដែលសាស្ត្រាចារ្យផ្នែកភាសាអង់គ្លេសនៅវិទ្យាស្ថានភាសាបរទេសផងនោះ ផ្តល់គំនិតថា ដើម្បីឲ្យការសិក្សាមានលទ្ធផលល្អ និងមិនស្តាយក្រោយ សិស្សត្រូវរៀនមុខវិជ្ជា ដែលខ្លួនស្រឡាញ់ផង និងពូកែផង ពោលគឺមិនអាចរៀនអ្វីដែលខ្លូនស្រឡាញ់ តែមិនពូកែ ឬរៀនមុខវិជ្ជាដែលខ្លួនពូកែ តែមិនស្រឡាញ់ នោះទេ។

ខាងក្រោមនេះ ជាបទសម្ភាសរវាងលោក ជា ធីរិទ្ធ ជាមួយកញ្ញា ម៉ម ជូលីណា ក្រោយពីកញ្ញាចែករំលែកពីបទពិសោធនៃការទទួលបានអាហារូបករណ៍នៅអាមេរិក ដល់សិស្សនិស្សិត ប្រមាណ ៥០ នាក់ ដែលរៀបចំដោយ មជ្ឈមណ្ឌលប្រឡង Authorized Test Center នៃវិទ្យាស្ថានអភិវឌ្ឍវិស័យអប់រំ កាលពីពេលថ្មីៗនេះ។