អន្តរជាតិ
អាមេរិក និងជប៉ុនពង្រឹងកិច្ចសហប្រតិបត្តិការដើម្បីដាក់សម្ពាធកូរ៉េខាងជើងឲ្យបោះបង់អាវុធនុយក្លេអ៊ែរ
×![]()
អាមេរិក និងជប៉ុនពង្រឹងកិច្ចសហប្រតិបត្តិការបន្ថែមដើម្បីបង្កើនសមត្ថភាពឆ្លើយតបការគំរាមកំហែងបង្កឡើងដោយមីស៊ីលកូរ៉េខាងជើង។ ភាគីទាំងពីរក៏ស្នើឲ្យសហគមន៍អន្តរជាតិបន្តដាក់សម្ពាធឲ្យរដ្ឋកុម្មុយនីស្ដនេះរំសាយកម្មវិធីនុយក្លេអ៊ែរនិងមីស៊ីលរបស់ខ្លួនផង។
ក្រោយកិច្ចប្រជុំគណៈកម្មការទីប្រឹក្សាសន្តិសុខជប៉ុន-អាមេរិកនៅក្រុងវ៉ាស៊ីនតោនថ្ងៃព្រហស្បតិ៍ទី ១៧ សីហា រដ្ឋមន្ត្រីការពារជាតិនិងរដ្ឋមន្ត្រីការបរទេសអាមេរិកនិងជប៉ុន បានសន្យាបន្តដាក់សម្ពាធលើកូរ៉េខាងជើងដោយពង្រឹងកិច្ចសហការទ្វេភាគីបន្ថែម និងអំពាវនាវដល់សមាគមអន្តរជាតិអនុវត្តទណ្ឌកម្មអង្គការសហប្រជាជាតិប្រឆាំងកូរ៉េខាងជើងឲ្យពេញលេញ។
កិច្ចប្រជុំគណៈកម្មការទីប្រឹក្សាសន្តិសុខអាមេរិក-ជប៉ុននេះមានការចូលរួមពីសំណាក់រដ្ឋមន្ត្រីការបរទេសជប៉ុន តារ៉ូ កូណូ (Taro Kono) រដ្ឋមន្ត្រីក្រសួងការពារជាតិជប៉ុនលោក អ៊ីស៊ូណូរី អូណូដឺរ៉ា (Itsunori Onodera) រដ្ឋមន្ត្រីការបរទេសអាមេរិកលោក រិច ធីល័រសិន (Rex Tillerson) និងរដ្ឋមន្ត្រីការពារជាតិអាមេរិក ជេម ម៉ាទីស (Jame Mattis)។
សេចក្តីថ្លែងការណ៍រួមរបស់ភាគីទាំងពីរក្រោយកិច្ចប្រជុំបញ្ជាក់ដូច្នេះថា៖« អាមេរិកនិងជប៉ុនសូមអំពាវនាវឲ្យសហគមន៍អន្តរជាតិអនុវត្តដំណោះស្រាយក្រុមប្រឹក្សាសន្តិសុខអង្គការសហប្រជាជាតិឲ្យបានពេញលេញដើម្បីប្រឆាំងកូរ៉េខាងជើងនិងដាក់សម្ពាធឲ្យរដ្ឋនេះចោលកម្មវិធីនុយក្លេអ៊ែរ និងមីស៊ីលផងដែរ»។
លើសពីនេះទៅទៀត រដ្ឋមន្ត្រីអាមេរិកនិងជប៉ុនក៏លើកឡើងផងដែរ ចិនត្រូវតែប្រើចំណាត់ការខ្លាំងឆ្លើយតបនឹងកូរ៉េខាងជើង ជាពិសេសការដាក់សម្ពាធសេដ្ឋកិច្ច។ ៩០ភាគរយនៃពាណិជ្ជកម្មរបស់កូរ៉េខាងជើងត្រូវពឹងផ្អែកលើចិន ហើយចិនក៏ជាអ្នកផ្គត់ផ្គង់ប្រេងធំបំផុតដល់ដល់រដ្ឋកុម្មុយនីស្ដនេះផងដែរ។
បច្ចុប្បន្នស្ថានការណ៍ហាក់បីដូចជាថមថយកម្តៅបន្តិចនៅឧបទ្វីបកូរ៉េ ក្រោយពេលក្រុងព្យុងយ៉ាងផ្អាកគម្រោងបាញ់មីស៊ីលសំដៅដែនសមុទ្រក្បែរកោះហ្គាម។ ប៉ុន្តែគេមិនអាចទាយដឹងថា កូរ៉េខាងជើងអាចនឹងបាញ់មីស៊ីលពេលណាទៀតឡើយ ហើយអ្វីដែលគួរឲ្យបារម្ភកូរ៉េខាងជើងនឹងបន្តផលិតមីស៊ីលបាលីស្ទិកបាញ់ឆ្លងទ្វីបនិងបំពាក់ដោយក្បាលគ្រាប់នុយក្លេអ៊ែរទៀត។ បើតាមរបាយការណ៍របស់ទីភ្នាក់ងារចារកម្មនៃក្រសួងការពារជាតិអាមេរិក ក្រុងព្យុងយ៉ាងអាចផលិតមីស៊ីលបាលីស្ទិកឆ្លងទ្វីបបំពាក់ក្បាលគ្រាប់នុយក្លេអ៊ែររួចរាល់នៅដើមឆ្នាំក្រោយផង៕
ក្រោយកិច្ចប្រជុំគណៈកម្មការទីប្រឹក្សាសន្តិសុខជប៉ុន-អាមេរិកនៅក្រុងវ៉ាស៊ីនតោនថ្ងៃព្រហស្បតិ៍ទី ១៧ សីហា រដ្ឋមន្ត្រីការពារជាតិនិងរដ្ឋមន្ត្រីការបរទេសអាមេរិកនិងជប៉ុន បានសន្យាបន្តដាក់សម្ពាធលើកូរ៉េខាងជើងដោយពង្រឹងកិច្ចសហការទ្វេភាគីបន្ថែម និងអំពាវនាវដល់សមាគមអន្តរជាតិអនុវត្តទណ្ឌកម្មអង្គការសហប្រជាជាតិប្រឆាំងកូរ៉េខាងជើងឲ្យពេញលេញ។
កិច្ចប្រជុំគណៈកម្មការទីប្រឹក្សាសន្តិសុខអាមេរិក-ជប៉ុននេះមានការចូលរួមពីសំណាក់រដ្ឋមន្ត្រីការបរទេសជប៉ុន តារ៉ូ កូណូ (Taro Kono) រដ្ឋមន្ត្រីក្រសួងការពារជាតិជប៉ុនលោក អ៊ីស៊ូណូរី អូណូដឺរ៉ា (Itsunori Onodera) រដ្ឋមន្ត្រីការបរទេសអាមេរិកលោក រិច ធីល័រសិន (Rex Tillerson) និងរដ្ឋមន្ត្រីការពារជាតិអាមេរិក ជេម ម៉ាទីស (Jame Mattis)។
សេចក្តីថ្លែងការណ៍រួមរបស់ភាគីទាំងពីរក្រោយកិច្ចប្រជុំបញ្ជាក់ដូច្នេះថា៖« អាមេរិកនិងជប៉ុនសូមអំពាវនាវឲ្យសហគមន៍អន្តរជាតិអនុវត្តដំណោះស្រាយក្រុមប្រឹក្សាសន្តិសុខអង្គការសហប្រជាជាតិឲ្យបានពេញលេញដើម្បីប្រឆាំងកូរ៉េខាងជើងនិងដាក់សម្ពាធឲ្យរដ្ឋនេះចោលកម្មវិធីនុយក្លេអ៊ែរ និងមីស៊ីលផងដែរ»។
លើសពីនេះទៅទៀត រដ្ឋមន្ត្រីអាមេរិកនិងជប៉ុនក៏លើកឡើងផងដែរ ចិនត្រូវតែប្រើចំណាត់ការខ្លាំងឆ្លើយតបនឹងកូរ៉េខាងជើង ជាពិសេសការដាក់សម្ពាធសេដ្ឋកិច្ច។ ៩០ភាគរយនៃពាណិជ្ជកម្មរបស់កូរ៉េខាងជើងត្រូវពឹងផ្អែកលើចិន ហើយចិនក៏ជាអ្នកផ្គត់ផ្គង់ប្រេងធំបំផុតដល់ដល់រដ្ឋកុម្មុយនីស្ដនេះផងដែរ។
បច្ចុប្បន្នស្ថានការណ៍ហាក់បីដូចជាថមថយកម្តៅបន្តិចនៅឧបទ្វីបកូរ៉េ ក្រោយពេលក្រុងព្យុងយ៉ាងផ្អាកគម្រោងបាញ់មីស៊ីលសំដៅដែនសមុទ្រក្បែរកោះហ្គាម។ ប៉ុន្តែគេមិនអាចទាយដឹងថា កូរ៉េខាងជើងអាចនឹងបាញ់មីស៊ីលពេលណាទៀតឡើយ ហើយអ្វីដែលគួរឲ្យបារម្ភកូរ៉េខាងជើងនឹងបន្តផលិតមីស៊ីលបាលីស្ទិកបាញ់ឆ្លងទ្វីបនិងបំពាក់ដោយក្បាលគ្រាប់នុយក្លេអ៊ែរទៀត។ បើតាមរបាយការណ៍របស់ទីភ្នាក់ងារចារកម្មនៃក្រសួងការពារជាតិអាមេរិក ក្រុងព្យុងយ៉ាងអាចផលិតមីស៊ីលបាលីស្ទិកឆ្លងទ្វីបបំពាក់ក្បាលគ្រាប់នុយក្លេអ៊ែររួចរាល់នៅដើមឆ្នាំក្រោយផង៕
Tag:
អាមេរិក
ជប៉ុន
កូរ៉េខាងជើង
© រក្សាសិទ្ធិដោយ thmeythmey.com
