កីឡាជាតិ
ជាតិ
សម្តេច ហ៊ុន សែន ឧបត្ថម្ភប្រតិភូកីឡាអាស៊ានប៉ារ៉ាហ្គេមចំនួន១០១នាក់ម្នាក់ៗ៥០០ដុល្លារ
លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជាពេលឡើងមកទទួលកញ្ចប់ថវិកាឧបត្ថម្ភម្នាក់៥០០ដុល្លារពីសម្តេច ហ៊ុន សែន
×![]()
ប្រតិភូ គ្រូបង្វឹក គ្រូជំនួយ និងអត្តពលិកប៉ារ៉ាឡាំពិកសរុប១០១នាក់ នឹងចូលរួមប្រកួតប្រជែងក្នុងព្រឹត្តិការណ៍កីឡាអាស៊ានប៉ារ៉ាហ្គេម នៅទីក្រុងកូឡាឡាំពួប្រទេសម៉ាឡេស៊ីចន្លោះពីថ្ងៃទី១៧ ដល់ថ្ងៃទី២៣ ខែកញ្ញា ខាងមុខនេះ។ ពីពិធីជួបសំណេះសំណាលជាមួយប្រតិភូកីឡា ASEAN Para Games និងផ្តល់ប្រាក់រង្វាន់លើកទឹកដល់ម្ចាស់មេដាយមាស និងសំរឹទ្ធប៉ារ៉ាឡាំពិកកាលពីព្រឹកថ្ងៃទី១៨ ខែសីហា នៅវិមានសន្តិភាព សម្តេចនាយករដ្ឋមន្ត្រី ហ៊ុន សែន បានឧបត្ថម្ភថ្នាក់ដឹកនាំគ្រូបង្វឹក គ្រូជំនួយ និងអត្តពលិកទាំងនេះម្នាក់ៗ៥០០ដុល្លារ។
ដើម្បីលើកទឹកចិត្ត និងជាកាដូសម្រាប់ប្រតិភកីឡា និងអត្តពលិកឡាំពិកកម្ពុជាចំនួន១០១នាក់លើ១០ប្រភេទកីឡា ដែលចូលរួមប្រកួតក្នុងព្រឹត្តិការណ៍ ASEAN Para Games 2017 នៅទីក្រុងកូឡាឡាំពួប្រទេសម៉ាឡេស៊ីចន្លោះពីថ្ងៃទី១៧ ដល់ថ្ងៃទី២៣ ខែកញ្ញា សម្តេចនាយករដ្ឋមន្ត្រី ហ៊ុន សែន បានឧបត្ថម្ភថវិកាម្នាក់ៗ៥០០ដុល្លារអាមេរិក។ សម្តេច ហ៊ុន សែន ប្រធានគណៈកម្មាធិការជាតិប៉ារ៉ាឡាំពិកកម្ពុជាត្រូវចំណាយថវិកាសរុបប្រមាណជា៥០,៥០០ដុល្លារអាមេរិក។
សម្តេចនាយករដ្ឋមន្ត្រី ហ៊ុន សែន បានផ្តាំផ្ញើឱអត្តពលិកប៉ារ៉ាឡាំពិកកម្ពុជាទាំងអស់ ប្រកួតត្រូវគោរពតាមលក្ខខណ្ឌនៃប្រភេទកីឡានីមួយៗដោយឈរលើគោលការណ៍ Fair Play ហើយជៀសវាងការប្រើប្រាស់សារធាតុលើកកម្លាំង ដែលនាំឱប៉ះពាល់ដល់កិត្តិយសខ្លួនឯង និងប្រទេសជាតិនៅពេលគេរកឃើញសារធាតុ Dopa Doping។
កីឡាករ យ៉ាវ វណ្ណៈ និងម្តាយពេលឡើងមកទទួលថវិកាឧបត្ថម្ភពីសម្តេចនាយករដ្ឋមន្ត្រី ហ៊ុន សែន នៅវិមានសន្តិភាព។ រូបភាពពីហ្វេសប៊ុកសម្តេច ហ៊ុន សែន
នៅក្នុងឱកាសនោះដែរ សម្តេច ហ៊ុន សែន ក៏បានផ្តល់ថវិការលើកទឹកចិត្តដល់ម្ចាស់មេដាយមាស និងសំរឹទ្ធប៉ារ៉ាឡាំពិកដែលដណ្តើមបានពីការប្រកួតកីឡាប៉ារ៉ាឡាំពិករដូវក្តៅយុវជនពិការនៅសាធារណរដ្ឋកូរ៉េផងដែរ។ ក្នុងនោះម្ចាស់មេដាយមាសវិញ្ញាសាហែលទឹកចម្ងាយ៥០ម៉ែត្រសេរី យ៉ាវ វណ្ណៈ ទទួលបានថវិការដ្ឋចំនួន៨០លានរៀល និងថវិកាលើកទឹកចិត្តបន្ថែមពីសម្តេច ហ៊ុន សែន ចំនួន១ម៉ឺនដុល្លារ។ ឯគ្រូបង្វឹក និងគ្រូជំនួយទទួលបានថវិកាគោលការណ៍រដ្ឋ ៨០លានរៀល និង៥៦លានរៀល រួមនឹងថវិកាសម្តេច១ពាន់ដុល្លារ។
ជាមួយគ្នានេះ មេដាយសំរឹទ្ធលើវិញ្ញាសាវាយកូនឃ្លីលើតុរបស់កីឡាករ យ៉យ កុសល ទទួលបាន២៤លានរៀលពីគោលការណ៍រដ្ឋ និង៣ពាន់ដុល្លារពីសម្តេច ហ៊ុន សែន ខណៈគ្រូបង្វឹកបាន២៤លានរៀលពីគោលការណ៍រដ្ឋ និង១ពាន់ដុល្លារពីសម្តេច។ ក្រៅពីប្រាក់រង្វាន់លើកទឹកចិត្តសម្រាប់មេដាយ សម្តេច ហ៊ុន សែន បានឧបត្ថម្ភ៣ម៉ឺនដុល្លារដល់កីឡាករ យ៉ាវ វណ្ណៈ ដើម្បីយកទៅសងបំណុលធនាគារដែលរូបគេបានជំពាក់ដើម្បីសាងសង់ផ្ទះឱម្តាយថែមទៀតផង៕
ដើម្បីលើកទឹកចិត្ត និងជាកាដូសម្រាប់ប្រតិភកីឡា និងអត្តពលិកឡាំពិកកម្ពុជាចំនួន១០១នាក់លើ១០ប្រភេទកីឡា ដែលចូលរួមប្រកួតក្នុងព្រឹត្តិការណ៍ ASEAN Para Games 2017 នៅទីក្រុងកូឡាឡាំពួប្រទេសម៉ាឡេស៊ីចន្លោះពីថ្ងៃទី១៧ ដល់ថ្ងៃទី២៣ ខែកញ្ញា សម្តេចនាយករដ្ឋមន្ត្រី ហ៊ុន សែន បានឧបត្ថម្ភថវិកាម្នាក់ៗ៥០០ដុល្លារអាមេរិក។ សម្តេច ហ៊ុន សែន ប្រធានគណៈកម្មាធិការជាតិប៉ារ៉ាឡាំពិកកម្ពុជាត្រូវចំណាយថវិកាសរុបប្រមាណជា៥០,៥០០ដុល្លារអាមេរិក។
សម្តេចនាយករដ្ឋមន្ត្រី ហ៊ុន សែន បានផ្តាំផ្ញើឱអត្តពលិកប៉ារ៉ាឡាំពិកកម្ពុជាទាំងអស់ ប្រកួតត្រូវគោរពតាមលក្ខខណ្ឌនៃប្រភេទកីឡានីមួយៗដោយឈរលើគោលការណ៍ Fair Play ហើយជៀសវាងការប្រើប្រាស់សារធាតុលើកកម្លាំង ដែលនាំឱប៉ះពាល់ដល់កិត្តិយសខ្លួនឯង និងប្រទេសជាតិនៅពេលគេរកឃើញសារធាតុ Dopa Doping។
កីឡាករ យ៉ាវ វណ្ណៈ និងម្តាយពេលឡើងមកទទួលថវិកាឧបត្ថម្ភពីសម្តេចនាយករដ្ឋមន្ត្រី ហ៊ុន សែន នៅវិមានសន្តិភាព។ រូបភាពពីហ្វេសប៊ុកសម្តេច ហ៊ុន សែន
នៅក្នុងឱកាសនោះដែរ សម្តេច ហ៊ុន សែន ក៏បានផ្តល់ថវិការលើកទឹកចិត្តដល់ម្ចាស់មេដាយមាស និងសំរឹទ្ធប៉ារ៉ាឡាំពិកដែលដណ្តើមបានពីការប្រកួតកីឡាប៉ារ៉ាឡាំពិករដូវក្តៅយុវជនពិការនៅសាធារណរដ្ឋកូរ៉េផងដែរ។ ក្នុងនោះម្ចាស់មេដាយមាសវិញ្ញាសាហែលទឹកចម្ងាយ៥០ម៉ែត្រសេរី យ៉ាវ វណ្ណៈ ទទួលបានថវិការដ្ឋចំនួន៨០លានរៀល និងថវិកាលើកទឹកចិត្តបន្ថែមពីសម្តេច ហ៊ុន សែន ចំនួន១ម៉ឺនដុល្លារ។ ឯគ្រូបង្វឹក និងគ្រូជំនួយទទួលបានថវិកាគោលការណ៍រដ្ឋ ៨០លានរៀល និង៥៦លានរៀល រួមនឹងថវិកាសម្តេច១ពាន់ដុល្លារ។
ជាមួយគ្នានេះ មេដាយសំរឹទ្ធលើវិញ្ញាសាវាយកូនឃ្លីលើតុរបស់កីឡាករ យ៉យ កុសល ទទួលបាន២៤លានរៀលពីគោលការណ៍រដ្ឋ និង៣ពាន់ដុល្លារពីសម្តេច ហ៊ុន សែន ខណៈគ្រូបង្វឹកបាន២៤លានរៀលពីគោលការណ៍រដ្ឋ និង១ពាន់ដុល្លារពីសម្តេច។ ក្រៅពីប្រាក់រង្វាន់លើកទឹកចិត្តសម្រាប់មេដាយ សម្តេច ហ៊ុន សែន បានឧបត្ថម្ភ៣ម៉ឺនដុល្លារដល់កីឡាករ យ៉ាវ វណ្ណៈ ដើម្បីយកទៅសងបំណុលធនាគារដែលរូបគេបានជំពាក់ដើម្បីសាងសង់ផ្ទះឱម្តាយថែមទៀតផង៕
Tag:
ASEAN Para Games 2017
សម្តេច ហ៊ុន សែន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
