ជាតិ
បាក់ឌុប៖ បេក្ខជនដែលបង្កឲ្យខូចរបៀបរៀបរយនឹងត្រូវលុបឈ្មោះចេញពីគ្រឹះស្ថានសិក្សា
× ក្រសួងអប់រំ យុវជន និងកីឡា បានបញ្ញត្តិចំពោះបេក្ខជនដែលបង្កឲ្យខូចរបៀបរៀបរយក្នុងការប្រឡងនឹងត្រូវលុបឈ្មោះចេញពីគ្រឹះស្ថានសិក្សា។
ក្រសួងអប់រំ យុវជន និងកីឡា បានបញ្ញាត្តិចំពោះបេក្ខជន ដែលបង្កើតក្លឹបធ្វើចម្លើយនាំសំណៅប្រធានវិញ្ញាសារចេញ និងនាំសំណៅចម្លើយចូល ឬធ្វើឲ្យប៉ះពាល់ដល់កិត្តិយស ឬរាងកាយរបស់ខ្លួនគណៈមេប្រយោគ ឬអ្នកមានសមត្ថកិច្ចត្រួតពិនិត្យការប្រឡង នឹងត្រូវលុបឈ្មោះចេញពីគ្រឹះស្ថានសិក្សារបស់ខ្លួន រួចបញ្ជូនទៅស្ថាប័នមានសមត្ថកិច្ច ដើម្បីដោះស្រាយតាមផ្លូវច្បាប់ជាធរមាន។
ការប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា២០១៦-២០១៧ នឹងប្រព្រឹត្តទៅនៅថ្ងៃទី ២១ សីហាខាងមុខនេះ។ សម័យប្រឡងឆ្នាំ២០១៧នេះ មានបេក្ខជន សរុបចំនួន ១០៣ ១១២ នាក់ ទាំងថ្នាក់វិទ្យាសាស្ត្រ និងវិទ្យាសាស្ត្រសង្គម ដោយចែកចេញជា ១៧៨ មណ្ឌល និងបន្ទប់ប្រឡងចំនួន ៤១៥៥ បន្ទប់ នៅទូទាំង២៥រាជធានី-ខេត្ត៕
Tag:
បាក់ឌុប
បទប្បញ្ញត្តិ
កម្រិតវិន័យ
© រក្សាសិទ្ធិដោយ thmeythmey.com