ជាតិ
រដ្ឋមន្ត្រីព័ត៌មាន៖ ការបិទវិទ្យុមួយចំនួន គឺដើម្បីរឹតបន្តឹងការអនុវត្តច្បាប់
×![]()
ដោយ: ម៉ៅ សុផា
ភ្នំពេញ៖ រដ្ឋមន្ត្រីក្រសួងព័ត៌មាន នៅតែអះអាងថា ការធ្វើខុសច្បាប់ គឺជាមូលហេតុ ដែលនាំឲ្យវិទ្យុមួយចំនួន ត្រូវបិទចោល។ លោក បញ្ជាក់ថា ការធ្វើបែបនេះ គឺដើម្បីពង្រឹងការអនុវត្តច្បាប់នៅកម្ពុជា។
ក្រោយប្រកាសបិទការផ្សាយរបស់វិទ្យុមហានគរ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានធ្វើសន្និសីទមួយ នៅព្រឹកថ្ងៃទី២៤ ខែសីហា ឆ្នាំ២0១៧នេះ ដើម្បីពន្យល់ហេតុផលបន្ថែម។ លោក ខៀវ កាញារីទ្ធ បញ្ជាក់ថា វិទ្យុមហានគរ បានរំលោភកិច្ចសន្យា ទើបក្រសួងសម្រេចបិទចោលយ៉ាងដូច្នេះ។
ការរំលោភកិច្ចសន្យា ដែលលោក ខៀវ កាញារីទ្ធ បានលើកឡើងនោះ គឺនៅត្រង់ថា វិទ្យុមហានគរ ពុំបានសុំការអនុញ្ញាតពីក្រសួងព័ត៌មានឡើយ នៅពេលជួលម៉ោងផ្សាយ ឲ្យស្ថាប័នដទៃ។ បើតាមលោក ខៀវ កាញារីទ្ធ កិច្ចសន្យា តម្រូវឲ្យវិទ្យុមហានគរ ត្រូវឆ្លងកាត់ការអនុញ្ញាតពីក្រសួង មុននឹងជួលម៉ោងផ្សាយឲ្យស្ថាប័នដទៃ។
រដ្ឋមន្ត្រីក្រសួងព័ត៌មានរូបនេះ និយាយយ៉ាងដូច្នេះ៖«វិទ្យុមួយចំនួន អត់បានឆ្លង (កាត់ការអនុញ្ញាតពីក្រសួងទេ) អ៊ីចឹងក្រសួង ត្រូវតែបិទហើយ ព្រោះពេលបច្ចុប្បន្ននេះ ត្រូវការការរឹតបន្តឹងផ្លូវច្បាប់។ ការបិទទាំងអស់នេះ គឺជាការអនុវត្តផ្លូវច្បាប់ទេ។ ហើយស្ថានីយ៍វិទ្យុនីមួយៗ សុទ្ធតែដឹងថា ខ្លួនឯង បានខុសមែន។ យើងឃើញហើយ ថាគ្មានអ្នកណាមកតវ៉ាកើតទេ»។
ក្រៅពីលើកហេតុផលខាងលើ លោក ខៀវ កាញារីទ្ធ ក៏បានច្រានចោលផងដែរ ចំពោះការចោទប្រកាន់ថា ក្រសួងព័ត៌មាន បិទវិទ្យុមហានគរ ព្រោះតែជួលម៉ោងផ្សាយឲ្យវិទ្យុផ្សេងទៀត ដូចជា វីអូអេ និងអាស៊ីសេរី ជាដើម។ លោក សង្កត់ធ្ងន់ថា ការជួលម៉ោងឲ្យវិទ្យុវីអូអេ និងវិទ្យុអាស៊ីសេរី ដើម្បីផ្សាយបន្ត មិនមែនជាមូលហេតុ ដែលក្រសួងព័ត៌មាន បិទវិទ្យុមហានគរ នោះទេ។
លោក ខៀវ កាញារីទ្ធ បានលើកទឡ្ហីករណ៍ថា ប្រសិនបើវិទ្យុមហានគរ ត្រូវបានបិទ ព្រោះតែមូលហេតុបែបនេះមែន ដូច្នេះវិទ្យុផ្សេងទៀត ដែលជួលម៉ោងផ្សាយឲ្យវិទ្យុវីអូអេ និងអាស៊ីសេរី ក៏ត្រូវបានបិទដែរ។ លោក បញ្ជាក់បែបនេះថា៖«យើង ឃើញថា វិទ្យុមួយចំនួន គឺនៅតែផ្សាយទេ ដោយសារមានការសុំច្បាប់។ គេ បានសុំក្រសួងព័ត៌មាន [មុនជួលម៉ោង] ផ្សាយឲ្យវិទ្យុវីអូអេ វិទ្យុអាស៊ីសេរី ឬក៏នាទីអ្វីផ្សេងៗទៀត»។
សូមបញ្ជាក់ថា កាលពីថ្ងៃទី២១ ខែសីហា ឆ្នាំ២0១៧ ក្រសួងព័ត៌មាន បានចេញប្រកាស ដើម្បីបញ្ឈប់ការផ្សាយរបស់វិទ្យុមហានគរ។ ការបិទវិទ្យុមហានគរ បណ្តាលឲ្យវិទ្យុមួយចំនួនទៀត ដូចជា វីអូអេ អាស៊ីសេរី និងវីអូឌី ជាដើម ដែលជួលម៉ោងផ្សាយបន្ត ក៏លែងមានដែរ។ គណបក្សសង្គ្រោះជាតិ ក៏បានជួលម៉ោងផ្សាយពីកម្មវិធីនយោបាយ នៅវិទ្យុមហានគរនោះដែរ៕
ក្រោយប្រកាសបិទការផ្សាយរបស់វិទ្យុមហានគរ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានធ្វើសន្និសីទមួយ នៅព្រឹកថ្ងៃទី២៤ ខែសីហា ឆ្នាំ២0១៧នេះ ដើម្បីពន្យល់ហេតុផលបន្ថែម។ លោក ខៀវ កាញារីទ្ធ បញ្ជាក់ថា វិទ្យុមហានគរ បានរំលោភកិច្ចសន្យា ទើបក្រសួងសម្រេចបិទចោលយ៉ាងដូច្នេះ។
ការរំលោភកិច្ចសន្យា ដែលលោក ខៀវ កាញារីទ្ធ បានលើកឡើងនោះ គឺនៅត្រង់ថា វិទ្យុមហានគរ ពុំបានសុំការអនុញ្ញាតពីក្រសួងព័ត៌មានឡើយ នៅពេលជួលម៉ោងផ្សាយ ឲ្យស្ថាប័នដទៃ។ បើតាមលោក ខៀវ កាញារីទ្ធ កិច្ចសន្យា តម្រូវឲ្យវិទ្យុមហានគរ ត្រូវឆ្លងកាត់ការអនុញ្ញាតពីក្រសួង មុននឹងជួលម៉ោងផ្សាយឲ្យស្ថាប័នដទៃ។
រដ្ឋមន្ត្រីក្រសួងព័ត៌មានរូបនេះ និយាយយ៉ាងដូច្នេះ៖«វិទ្យុមួយចំនួន អត់បានឆ្លង (កាត់ការអនុញ្ញាតពីក្រសួងទេ) អ៊ីចឹងក្រសួង ត្រូវតែបិទហើយ ព្រោះពេលបច្ចុប្បន្ននេះ ត្រូវការការរឹតបន្តឹងផ្លូវច្បាប់។ ការបិទទាំងអស់នេះ គឺជាការអនុវត្តផ្លូវច្បាប់ទេ។ ហើយស្ថានីយ៍វិទ្យុនីមួយៗ សុទ្ធតែដឹងថា ខ្លួនឯង បានខុសមែន។ យើងឃើញហើយ ថាគ្មានអ្នកណាមកតវ៉ាកើតទេ»។
ក្រៅពីលើកហេតុផលខាងលើ លោក ខៀវ កាញារីទ្ធ ក៏បានច្រានចោលផងដែរ ចំពោះការចោទប្រកាន់ថា ក្រសួងព័ត៌មាន បិទវិទ្យុមហានគរ ព្រោះតែជួលម៉ោងផ្សាយឲ្យវិទ្យុផ្សេងទៀត ដូចជា វីអូអេ និងអាស៊ីសេរី ជាដើម។ លោក សង្កត់ធ្ងន់ថា ការជួលម៉ោងឲ្យវិទ្យុវីអូអេ និងវិទ្យុអាស៊ីសេរី ដើម្បីផ្សាយបន្ត មិនមែនជាមូលហេតុ ដែលក្រសួងព័ត៌មាន បិទវិទ្យុមហានគរ នោះទេ។
លោក ខៀវ កាញារីទ្ធ បានលើកទឡ្ហីករណ៍ថា ប្រសិនបើវិទ្យុមហានគរ ត្រូវបានបិទ ព្រោះតែមូលហេតុបែបនេះមែន ដូច្នេះវិទ្យុផ្សេងទៀត ដែលជួលម៉ោងផ្សាយឲ្យវិទ្យុវីអូអេ និងអាស៊ីសេរី ក៏ត្រូវបានបិទដែរ។ លោក បញ្ជាក់បែបនេះថា៖«យើង ឃើញថា វិទ្យុមួយចំនួន គឺនៅតែផ្សាយទេ ដោយសារមានការសុំច្បាប់។ គេ បានសុំក្រសួងព័ត៌មាន [មុនជួលម៉ោង] ផ្សាយឲ្យវិទ្យុវីអូអេ វិទ្យុអាស៊ីសេរី ឬក៏នាទីអ្វីផ្សេងៗទៀត»។
សូមបញ្ជាក់ថា កាលពីថ្ងៃទី២១ ខែសីហា ឆ្នាំ២0១៧ ក្រសួងព័ត៌មាន បានចេញប្រកាស ដើម្បីបញ្ឈប់ការផ្សាយរបស់វិទ្យុមហានគរ។ ការបិទវិទ្យុមហានគរ បណ្តាលឲ្យវិទ្យុមួយចំនួនទៀត ដូចជា វីអូអេ អាស៊ីសេរី និងវីអូឌី ជាដើម ដែលជួលម៉ោងផ្សាយបន្ត ក៏លែងមានដែរ។ គណបក្សសង្គ្រោះជាតិ ក៏បានជួលម៉ោងផ្សាយពីកម្មវិធីនយោបាយ នៅវិទ្យុមហានគរនោះដែរ៕
Tag:
ខៀវ កាញារីទ្ធ
បិទវិទ្យុ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
