កីឡាអន្តរជាតិ
អន្តរជាតិ
កូរ៉េខាងត្បូង និងអារ៉ាប៊ីសាអូឌីត បានកៅអីទៅ World Cup ខណៈអូស្ត្រាលី និងស៊ីរី ត្រូវប្រជែងគ្នានៅ Playoff
×![]()
ដោយ: ថ្មីៗ
ក្រុមជម្រើសជាតិកូរ៉េខាងត្បូង និងអារ៉ាប៊ីសាអូឌីត បានបញ្ចប់ចំណាត់ថ្នាក់លេខ២ក្នុងពូលរៀងៗខ្លួន ដើម្បីទទួលបានកៅអី២បន្ថែមទៀតក្នុងកូតាសហព័ន្ធកីឡាបាល់ទាត់អាស៊ី (AFC) សម្រាប់ការប្រកួតដណ្តើមពានរង្វាន់ពិភពលោក (World Cup) ឆ្នាំ២០១៨ នៅប្រទេសរុស្ស៊ី។ ស៊ីរី និងអ៊ីរ៉ង់ បញ្ចប់ចំណាត់ថ្នាក់លេខ៣ ត្រូវប្រជែងគ្នាពីរជើងសម្រាប់ការប្រកួត Playoff។
ក្រុមកីឡាបាល់ទាត់ជម្រើសជាតិកូរ៉េខាងត្បូង ទទួលបាន១ពិន្ទុបន្ថែមទៀត ក្រោយស្មើ ០-០ ជាមួយម្ចាស់ផ្ទះអ៊ូបេគីស្ថាន សម្រាប់ការប្រកួតនៅក្នុងពូល A ដើម្បីទទួលបានកៅអីទៅកាន់ព្រឹត្តិការណ៍ World Cup 2018 នៅរុស្ស៊ី រួមជាមួយអ៊ីរ៉ង់ ដែលជាក្រុមកំពូលតារាង។
កាលពីថ្ងៃទី១២ ខែមិថុនា អ៊ីរ៉ង់ មានឈ្មោះឡើងដោយស្វ័យប្រវត្តិរួចហើយក្នុងនាមជាក្រុមកំពូលតារាងពូល A ហើយសម្រាប់ការប្រកួតចុងក្រោយនៅលើទឹកដីរបស់ខ្លួន ពួកគេធ្វើឲ្យស៊ីរី តាមស្មើ ២-២ នៅនាទីចុងក្រោយ។ ការទទួលបាន១ពិន្ទុបន្ថែមរបស់ស៊ីរី ជួយឲ្យពួកគេទទួលបានចំណាត់ថ្នាក់លេខ៣ក្នុងពូល ដោយមានប្រៀបលើអ៊ូបេគីស្ថាន ខណៈពួកគេមាន១៣ពិន្ទុស្មើគ្នា។
សម្រាប់ពូលB វិញ អារ៉ាប៊ីសាអូឌីត បានយកឈ្នះក្រុមកំពូលតារាង ជប៉ុន ១-០ ដើម្បីកក់សំបុត្រទៅរុស្ស៊ីជាមួយគ្នា។ ប៉ុន្តែនេះជាជ័យជម្នះដែលផ្តល់នូវការខកចិត្តសម្រាប់អូស្ត្រាលី បន្ទាប់ពីពួកគេបានយកឈ្នះថៃ ២-១ នៅទីក្រុងមែលប៊ន។ អារ៉ាប៊ីសាអូឌីត តោងជាប់ចំណាត់ថ្នាក់លេខ២ ដោយមាន១៩ពិន្ទុស្មើអូស្ត្រាលី ប៉ុន្តែមានប្រៀបលើចំនួនគ្រាប់ស៊ុតបញ្ចូលទី ដែលលើស២គ្រាប់។
ខណៈដែលកូរ៉េខាងត្បូង អារ៉ាប៊ីសាអូឌីត ត្រូវបន្តដំណើរទៅជុំចុងក្រោយនៅរុស្ស៊ី ជាមួយអ៊ីរ៉ង់ និងជប៉ុនសម្រាប់កូតា AFC ក្រុមអូស្ត្រាលី និងស៊ីរី ត្រូវប្រជែងគ្នានៅវគ្គ Playoff ចំនួន២ជើង។ ក្រុមដែលមានប្រៀប នឹងឡើងបន្តទៅប៉ះជាមួយក្រុមលេខ៤នៅតំបន់ CONCACAF សម្រាប់ការប្រកួតជម្រុះ Intercontinental play-offs ដើម្បីប្រជែងកៅអី១ទៀតទៅរុស្ស៊ី។
ក្រៅពីក្រុមពី AFC ចំនួន៤ (អ៊ីរ៉ង់ ជប៉ុន អារ៉ាប៊ីសាអូឌីត និងកូរ៉េខាងត្បូង) និងម្ចាស់ផ្ទះរុស្ស៊ី ក្រុមផ្សេងទៀតដែលទទួលបានកៅអីសម្រាប់ព្រឹត្តិការណ៍ World Cup រួមមាន ម្ចាស់ជើងឯក៥សម័យកាល ប្រេស៊ីល ម៉ិកស៊ិក និងបែលហ្ស៊ិក៕
ក្រុមកីឡាបាល់ទាត់ជម្រើសជាតិកូរ៉េខាងត្បូង ទទួលបាន១ពិន្ទុបន្ថែមទៀត ក្រោយស្មើ ០-០ ជាមួយម្ចាស់ផ្ទះអ៊ូបេគីស្ថាន សម្រាប់ការប្រកួតនៅក្នុងពូល A ដើម្បីទទួលបានកៅអីទៅកាន់ព្រឹត្តិការណ៍ World Cup 2018 នៅរុស្ស៊ី រួមជាមួយអ៊ីរ៉ង់ ដែលជាក្រុមកំពូលតារាង។
កាលពីថ្ងៃទី១២ ខែមិថុនា អ៊ីរ៉ង់ មានឈ្មោះឡើងដោយស្វ័យប្រវត្តិរួចហើយក្នុងនាមជាក្រុមកំពូលតារាងពូល A ហើយសម្រាប់ការប្រកួតចុងក្រោយនៅលើទឹកដីរបស់ខ្លួន ពួកគេធ្វើឲ្យស៊ីរី តាមស្មើ ២-២ នៅនាទីចុងក្រោយ។ ការទទួលបាន១ពិន្ទុបន្ថែមរបស់ស៊ីរី ជួយឲ្យពួកគេទទួលបានចំណាត់ថ្នាក់លេខ៣ក្នុងពូល ដោយមានប្រៀបលើអ៊ូបេគីស្ថាន ខណៈពួកគេមាន១៣ពិន្ទុស្មើគ្នា។
សម្រាប់ពូលB វិញ អារ៉ាប៊ីសាអូឌីត បានយកឈ្នះក្រុមកំពូលតារាង ជប៉ុន ១-០ ដើម្បីកក់សំបុត្រទៅរុស្ស៊ីជាមួយគ្នា។ ប៉ុន្តែនេះជាជ័យជម្នះដែលផ្តល់នូវការខកចិត្តសម្រាប់អូស្ត្រាលី បន្ទាប់ពីពួកគេបានយកឈ្នះថៃ ២-១ នៅទីក្រុងមែលប៊ន។ អារ៉ាប៊ីសាអូឌីត តោងជាប់ចំណាត់ថ្នាក់លេខ២ ដោយមាន១៩ពិន្ទុស្មើអូស្ត្រាលី ប៉ុន្តែមានប្រៀបលើចំនួនគ្រាប់ស៊ុតបញ្ចូលទី ដែលលើស២គ្រាប់។
ខណៈដែលកូរ៉េខាងត្បូង អារ៉ាប៊ីសាអូឌីត ត្រូវបន្តដំណើរទៅជុំចុងក្រោយនៅរុស្ស៊ី ជាមួយអ៊ីរ៉ង់ និងជប៉ុនសម្រាប់កូតា AFC ក្រុមអូស្ត្រាលី និងស៊ីរី ត្រូវប្រជែងគ្នានៅវគ្គ Playoff ចំនួន២ជើង។ ក្រុមដែលមានប្រៀប នឹងឡើងបន្តទៅប៉ះជាមួយក្រុមលេខ៤នៅតំបន់ CONCACAF សម្រាប់ការប្រកួតជម្រុះ Intercontinental play-offs ដើម្បីប្រជែងកៅអី១ទៀតទៅរុស្ស៊ី។
ក្រៅពីក្រុមពី AFC ចំនួន៤ (អ៊ីរ៉ង់ ជប៉ុន អារ៉ាប៊ីសាអូឌីត និងកូរ៉េខាងត្បូង) និងម្ចាស់ផ្ទះរុស្ស៊ី ក្រុមផ្សេងទៀតដែលទទួលបានកៅអីសម្រាប់ព្រឹត្តិការណ៍ World Cup រួមមាន ម្ចាស់ជើងឯក៥សម័យកាល ប្រេស៊ីល ម៉ិកស៊ិក និងបែលហ្ស៊ិក៕
Tag:
បាល់ទាត់
World Cup
© រក្សាសិទ្ធិដោយ thmeythmey.com
