ជាតិ
សិស្សខ្លួនបាននិទ្ទេស A លោកគ្រូគណិតគោរពសន្យា ដោយរាំពីខ្លោងទ្វារដល់ដងទង់ជាតិ
×![]()
ខ្មាស់គេ? គ្មានបញ្ហា សំខាន់ត្រូវគោរពនូវអ្វីដែលបានសន្យាជាមួយសិស្ស។ លោក ទៀ សុធា គ្រូបង្រៀនមុខវិជ្ជាគណិតវិទ្យានៅវិទ្យាល័យសម្តេច ហ៊ុន សែន ភ្នំពេញថ្មី បានធ្វើឲ្យអ្នកប្រើប្រាស់បណ្តាញសង្គមហ្វេសប៊ុក ក្នុងនោះមានលោករដ្ឋមន្ត្រីអប់រំ ផងដែរនោះ មានការចាប់អារម្មណ៍យ៉ាងខ្លាំង។ ក្នុងឃ្លីបវីដេអូមួយ លោក សុធា បានរាំតាំងពីខ្លោងទ្វារសាលា រហូតដល់ដងទង់ជាតិ។ មូលហេតុ លោកបានសន្យាមុនការប្រឡងបាក់ឌុបថា លោកនឹងរាំប្រសិនបើសិស្សខ្លួនបាននិទ្ទេស A។
«នេះជាលើកទី១ក្នុងឆាកជីវិតរបស់ខ្ញុំសម្រាប់អាជីពជាគ្រូបង្រៀនជិត២០ឆ្នាំ ដែលមានសិស្សនិទ្ទេស A រហូតដល់ទៅ៣នាក់ ហើយជាសិស្សក្នុងថ្នាក់រៀនតែមួយ»។ លោក ទៀ សុធា គ្រូបង្រៀនថ្នាក់ទី១២ មុខវិជ្ជាគណិតវិទ្យានៅវិទ្យាល័យសម្តេច ហ៊ុន សែន ភ្នំពេញថ្មី រាជធានីភ្នំពេញ បានបង្ហាញពីក្តីរំភើបរបស់ខ្លួនក្នុងបទសម្ភាសមួយជាមួយសារព័ត៌មានថ្មីៗ ។
ជោគជ័យរបស់សិស្សបីរូបឈ្មោះ គង់ រ៉ាបិត, លុយ បញ្ញា និង ធួន រ៉ូវីណា បានបង្ខំឲ្យគ្រូបង្រៀនវ័យ៣៩ឆ្នាំរូបនេះ វិលទៅរកការសន្យារបស់ខ្លួន កាលពីមុនសម័យប្រឡងសញ្ញាបត្រមធ្យមសិក្សាទុតិយភូមិ។ លោកបានបញ្ជាក់ថា៖ «ជាការពិត ព្រោះខ្ញុំបានភ្នាល់ជាមួយសិស្សខ្ញុំតាំងពីដើមឆ្នាំមក។ ដោយសន្យាថាប្រសិនបើកូនសិស្សបាននិទ្ទេស A ខ្ញុំនឹងរាំពីខ្លោងទ្វារ ដល់ដងទង់ជាតិ»។
តាមពិតទៅ លោកគ្រូ សុធា ប្រហែលជាភ្លេចទៅហើយ ប៉ុន្តែសិស្សដ៏ឆ្លាតៗរបស់គាត់ជាច្រើនមិនបានភ្លេចនោះឡើយ។ ពួកគេបាននាំគ្នាត្រៀមខ្លួនរួចជាស្រេចដើម្បីឲ្យគ្រូរបស់ខ្លួនបំពេញការសន្យា។ លោកគ្រូគណិត ក៏មិនបានគេចវែសនោះដែរ ដោយលោកបានដើររាំលើកដៃដ៏រីករាយនៅចំពោះមុខកាមេរ៉ាទូរសព្ទដ៏ច្រើនរបស់សិស្សខ្លួន។
ឃ្លីបវីដេអូដែលបង្ហោះដំបូងគេដោយម្ចាស់គណនីហ្វេសប៊ុកឈ្មោះ Chhai En កាលពីវេលាម៉ោង១០ និង៤៧នាទី ព្រឹកថ្ងៃទី១២ ខែកញ្ញា ទទួលបាននូវការទស្សនារាប់ម៉ឺនដង ការចុច Like និងការចែករំលែក (Share) ជិតឈានចូលដល់១ម៉ឺន បើគិតត្រឹម២៤ម៉ោងដំបូង។
ក្នុងឃ្លីបវីដេអូដែលមានរយៈពេលជិត ៤នាទី អមជាមួយភ្លេងបទចម្រៀងញាក់ៗ លោក ទៀ សុធា បានរាំតែម្នាក់ឯង និងមានសិស្សជាច្រើនតាមថតសកម្មភាព។ លោក ទៀ សុធា និយាយថា ក្នុងឃ្លីបវីដេអូនោះ នៅពេលដែលលោករាំ គឺមិនមានភ្លេងទេ ហើយនេះជាអារម្មណ៍របស់លោក ត្រេកអរខ្លាំង និងសប្បាយចិត្ត។
ថ្លែងប្រាប់សារព័ត៌មានថ្មីៗ លោក ទៀ សុធា បន្តថា បន្ទាប់ពីមានការចែកចាយនូវសកម្មភាពរបស់លោក លើបណ្ដាញសង្គមហ្វេសប៊ុកយ៉ាងច្រើនកុះករ ធ្វើឲ្យលោកមានការព្រួយបារម្ភ ដោយបង្រៀនគួរបណ្ដើរភ័យបណ្ដើរ ព្រោះខ្លាចនាយកសាលាស្ដីបន្ទោស និងប៉ះពាល់ដល់គ្រូបង្រៀនដទៃ។ ទន្ទឹមនឹងនោះ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន ក៏ចែករំលែកបន្ត (share) នូវឃ្លីបវីដេអូខ្លីនោះផងដែរ។ ផ្ទុយពីការគិតរបស់លោក ទៀ សុធា វីដេអូនោះ ត្រូវបានចែកចាយ និងបញ្ចេញមិត អមដោយមានពាក្យសរសើរ ពីការគោរពពាក្យសន្យារបស់លោកជាមួយនឹងសិស្ស។
គ្រូបង្រៀនគណិតវិទ្យារូបនេះ ក៏បានសំណូមពរដល់សិស្សានុសិស្សត្រូវចាប់ផ្ដើមខិតខំប្រឹងប្រែងរៀនសូត្រតាំងពីដើមឆ្នាំ ដើម្បីបានលទ្ធផលល្អ។ ជាមួយគ្នានេះ លទ្ធផលល្អទាំងនេះ ជាកត្តិយសរបស់សិស្ស របស់មាតាបិតា គ្រូបង្រៀន និងជាកត្តិយសសាលាផងដែរ។
សូមបញ្ជាក់ថា លោក ទៀ សុធា ជាគ្រូបង្រៀនគណិតវិទ្យា តាំងពីឆ្នាំ១៩៩៩ ដោយបច្ចុប្បន្នលោក ជាគ្រូបង្រៀនគណិតវិទ្យាថ្នាក់ទី ១២ ក្នុងវិទ្យាល័យសម្ដេចហ៊ុនសែនភ្នំពេញថ្មី និងជាគ្រូបង្រៀននៅតាមសាលាឯកជនក្នុងរាជធានីភ្នំពេញផងដែរ៕
«នេះជាលើកទី១ក្នុងឆាកជីវិតរបស់ខ្ញុំសម្រាប់អាជីពជាគ្រូបង្រៀនជិត២០ឆ្នាំ ដែលមានសិស្សនិទ្ទេស A រហូតដល់ទៅ៣នាក់ ហើយជាសិស្សក្នុងថ្នាក់រៀនតែមួយ»។ លោក ទៀ សុធា គ្រូបង្រៀនថ្នាក់ទី១២ មុខវិជ្ជាគណិតវិទ្យានៅវិទ្យាល័យសម្តេច ហ៊ុន សែន ភ្នំពេញថ្មី រាជធានីភ្នំពេញ បានបង្ហាញពីក្តីរំភើបរបស់ខ្លួនក្នុងបទសម្ភាសមួយជាមួយសារព័ត៌មានថ្មីៗ ។
ជោគជ័យរបស់សិស្សបីរូបឈ្មោះ គង់ រ៉ាបិត, លុយ បញ្ញា និង ធួន រ៉ូវីណា បានបង្ខំឲ្យគ្រូបង្រៀនវ័យ៣៩ឆ្នាំរូបនេះ វិលទៅរកការសន្យារបស់ខ្លួន កាលពីមុនសម័យប្រឡងសញ្ញាបត្រមធ្យមសិក្សាទុតិយភូមិ។ លោកបានបញ្ជាក់ថា៖ «ជាការពិត ព្រោះខ្ញុំបានភ្នាល់ជាមួយសិស្សខ្ញុំតាំងពីដើមឆ្នាំមក។ ដោយសន្យាថាប្រសិនបើកូនសិស្សបាននិទ្ទេស A ខ្ញុំនឹងរាំពីខ្លោងទ្វារ ដល់ដងទង់ជាតិ»។
តាមពិតទៅ លោកគ្រូ សុធា ប្រហែលជាភ្លេចទៅហើយ ប៉ុន្តែសិស្សដ៏ឆ្លាតៗរបស់គាត់ជាច្រើនមិនបានភ្លេចនោះឡើយ។ ពួកគេបាននាំគ្នាត្រៀមខ្លួនរួចជាស្រេចដើម្បីឲ្យគ្រូរបស់ខ្លួនបំពេញការសន្យា។ លោកគ្រូគណិត ក៏មិនបានគេចវែសនោះដែរ ដោយលោកបានដើររាំលើកដៃដ៏រីករាយនៅចំពោះមុខកាមេរ៉ាទូរសព្ទដ៏ច្រើនរបស់សិស្សខ្លួន។
ឃ្លីបវីដេអូដែលបង្ហោះដំបូងគេដោយម្ចាស់គណនីហ្វេសប៊ុកឈ្មោះ Chhai En កាលពីវេលាម៉ោង១០ និង៤៧នាទី ព្រឹកថ្ងៃទី១២ ខែកញ្ញា ទទួលបាននូវការទស្សនារាប់ម៉ឺនដង ការចុច Like និងការចែករំលែក (Share) ជិតឈានចូលដល់១ម៉ឺន បើគិតត្រឹម២៤ម៉ោងដំបូង។
ក្នុងឃ្លីបវីដេអូដែលមានរយៈពេលជិត ៤នាទី អមជាមួយភ្លេងបទចម្រៀងញាក់ៗ លោក ទៀ សុធា បានរាំតែម្នាក់ឯង និងមានសិស្សជាច្រើនតាមថតសកម្មភាព។ លោក ទៀ សុធា និយាយថា ក្នុងឃ្លីបវីដេអូនោះ នៅពេលដែលលោករាំ គឺមិនមានភ្លេងទេ ហើយនេះជាអារម្មណ៍របស់លោក ត្រេកអរខ្លាំង និងសប្បាយចិត្ត។
ថ្លែងប្រាប់សារព័ត៌មានថ្មីៗ លោក ទៀ សុធា បន្តថា បន្ទាប់ពីមានការចែកចាយនូវសកម្មភាពរបស់លោក លើបណ្ដាញសង្គមហ្វេសប៊ុកយ៉ាងច្រើនកុះករ ធ្វើឲ្យលោកមានការព្រួយបារម្ភ ដោយបង្រៀនគួរបណ្ដើរភ័យបណ្ដើរ ព្រោះខ្លាចនាយកសាលាស្ដីបន្ទោស និងប៉ះពាល់ដល់គ្រូបង្រៀនដទៃ។ ទន្ទឹមនឹងនោះ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន ក៏ចែករំលែកបន្ត (share) នូវឃ្លីបវីដេអូខ្លីនោះផងដែរ។ ផ្ទុយពីការគិតរបស់លោក ទៀ សុធា វីដេអូនោះ ត្រូវបានចែកចាយ និងបញ្ចេញមិត អមដោយមានពាក្យសរសើរ ពីការគោរពពាក្យសន្យារបស់លោកជាមួយនឹងសិស្ស។
គ្រូបង្រៀនគណិតវិទ្យារូបនេះ ក៏បានសំណូមពរដល់សិស្សានុសិស្សត្រូវចាប់ផ្ដើមខិតខំប្រឹងប្រែងរៀនសូត្រតាំងពីដើមឆ្នាំ ដើម្បីបានលទ្ធផលល្អ។ ជាមួយគ្នានេះ លទ្ធផលល្អទាំងនេះ ជាកត្តិយសរបស់សិស្ស របស់មាតាបិតា គ្រូបង្រៀន និងជាកត្តិយសសាលាផងដែរ។
សូមបញ្ជាក់ថា លោក ទៀ សុធា ជាគ្រូបង្រៀនគណិតវិទ្យា តាំងពីឆ្នាំ១៩៩៩ ដោយបច្ចុប្បន្នលោក ជាគ្រូបង្រៀនគណិតវិទ្យាថ្នាក់ទី ១២ ក្នុងវិទ្យាល័យសម្ដេចហ៊ុនសែនភ្នំពេញថ្មី និងជាគ្រូបង្រៀននៅតាមសាលាឯកជនក្នុងរាជធានីភ្នំពេញផងដែរ៕
Tag:
ទៀ សុធា
គ្រូបង្រៀន
និទ្ទេស A
បាក់ឌុប
អប់រំ
© រក្សាសិទ្ធិដោយ thmeythmey.com
