អត្តពលិកប៉ារ៉ាឡាំពិក១០ប្រភេទកីឡាត្រៀមដណ្តើមមេដាយពីអាស៊ានប៉ារ៉ាហ្គេមនៅម៉ាឡេស៊ី

កីឡាជាតិ

ជាតិ

អត្តពលិកប៉ារ៉ាឡាំពិក១០ប្រភេទកីឡាត្រៀមដណ្តើមមេដាយពីអាស៊ានប៉ារ៉ាហ្គេមនៅម៉ាឡេស៊ី

16, Sep 2017 , 1:39 pm

រូបភាព

គ្រូបង្វឹក គ្រូជំនួយ និងអត្តពលិកថតជុំគ្នានៅអាកាសយានដ្ឋានអន្តរជាតិភ្នំពេញមុនពេលចេញទៅម៉ាឡេស៊ី

ដោយ:

ក្រុមអត្តពលិកកីឡាប៉ារ៉ាឡាំពិកកម្ពុជាលើ១០ប្រភេទកីឡាដែលបានចាកចេញពីកម្ពុជាកាលពីថ្ងៃទី១៣ ខែកញ្ញា ត្រូវបានចាប់ការប្រជែងដណ្តើមយកមេដាយក្នុងព្រឹត្តិការណ៍ប្រកួតកីឡាអាស៊ានប៉ារ៉ាហ្គេមលើកទី៩ នៅក្រុងគូឡាឡាំពួរ ប្រទេសម៉ាឡេស៊ី ចាប់ពីថ្ងៃទី១៧ ដល់ថ្ងៃទី២៣ ខែកញ្ញា នេះ។

ប្រតិភូ គ្រូបង្វឹក គ្រូជំនួយ និងអត្តពលិកប៉ារ៉ាឡាំពិកលើ១០ប្រភេទកីឡា ដែលបានចាកចេញទៅប្រជែងដណ្តើមមេដាយពីព្រឹត្តិការណ៍កីឡាអាស៊ានប៉ារ៉ាហ្គេមលើកទី៩នៅទីក្រុងកូឡាឡាំពួរប្រទេសម៉ាឡេស៊ី មានសរុបចំនួន១០១នាក់(អត្តពលិក៧៥នាក់) ក្រោមការដឹកនាំរបស់របស់លោក យី វាសនា អគ្គលេខាធិការនៃគណៈកម្មាធិការប៉ារ៉ាឡាំពិកកម្ពុជា និងជានាយបេសកកម្មក្នុងចំណោមប្រតិភូប៉ារ៉ាឡាំពិកកម្ពុជា។

ការប្រកួតដែលធ្វើឡើងចន្លោះពីថ្ងៃទី១៧-២៣ ខែកញ្ញា ម្ចាស់ផ្ទះម៉ាឡេស៊ីបានដាក់១៦ប្រភេទកីឡាចូលរួមដោយមានវិញ្ញាសាសរុបចំនួន៤៧៩ ខណៈកម្ពុជាបញ្ជូន១០ប្រភេទកីឡាឲ្យចូលរួមក្នុងនោះមាន វាយកូនឃ្លីលើតុ, បាល់ទះអង្គុយ, លើកទម្ងន់, អត្តពលកម្ម, ហែលទឹក, បាញ់ធ្នូ, បាល់បោះជនពិការភ្នែក, បាល់ទះ៧នាក់ម្ខាង, បូស្យា និងប៊ូល្លីង៕