ពីនេះ ពីនោះ
ព័ត៍មានសុខភាព
ទឹកត្រជាក់ក៏អាចលាងសម្អាតមេរោគនៅដៃបានល្អដែរ
× អ្នកជំនាញជាច្រើនបាននិយាយថា ទឹកលាងសម្អាតដៃជាប្រភេទសម្លាប់បាក់តេរីមិនល្អជាងសាប៊ូដុំទេ ហើយទឹកត្រជាក់អាចសម្លាប់មេរោគបានច្រើនដូចគ្នានឹងទឹកក្តៅដែរ។ ប៉ុន្តែអ្នកស្រាវជ្រាវគ្រាន់តែធ្វើតេស្តទៅលើបាក់តេរីមួយឈ្មោះថា E.coli ប៉ុណ្ណោះ ដែលវាធ្វើឲ្យកើតជាជំងឺពុលអាហារ។ ដើម្បីសុវត្ថិភាព គេបានប្រើបាក់តេរីនេះក្នុងទម្រងដែលមិនឆ្លងក្នុងពេលកំពុងតែសិក្សា។
ការសិក្សាបានរកឃើញថា ការប្រើប្រាស់តឹកត្រជាក់ត្រឹម ១៥អង្សារគឺមានប្រសិទ្ធភាពកំចាត់បាក់តេរីបានដូចគ្នានឹងទឹកក្តៅ ៣៨អង្សារដែរ ហើយសាប៊ូដុំសម្លាប់បាក់តេរីបែរជាមិនបង្ហាញប្រសិទ្ធភាពអ្វីគួរឲ្យកត់សម្គាល់ទៅលើការកំចាត់បាក់តេរីជាងសាប៊ូដុំធម្មតាឡើយ។
គេរកឃើញទៀតថា ការលាងសម្អាតដៃត្រឹម ៣០វីនាទីឡើងទៅ គឺអាចមានប្រសិទ្ធភាពកំចាត់បាក់តេរីនៅលើដៃបានហើយ។ អ្នកស្រាវជ្រាវសង្ឃឹមថា ការសិក្សានេះអាចប្រើដើម្បីជម្រុញដល់ការលាងសម្អាតដៃកាន់តែមានប្រសិទ្ធភាពថែមទៀត។ ប៉ុន្តែអ្វីដែលជាបញ្ហា គឺការសិក្សានេះបានធ្វើការប្រៀបធៀបតែផលិតផលពីរប៉ុណ្ណោះ ហើយក៏សិក្សាតែមេរោគតែមួយ ហើយមិនបង្ករោគដល់មនុស្សទៀត។
ការពិនិត្យទៅលើប្រសិទ្ធភាពនៃផលិតផលជាច្រើនជាមួយនឹងមេរោគផ្សេងៗទៀតដូចជា វីរុស មេរោគផ្សិត ព្រមទាំងបាក់តេរីផ្សេងៗទៀតគួរតែធ្វើបន្ថែមមុននឹងយើងអាចនិយាយថា ទឹកត្រជាក់អាចមានប្រសិទ្ធភាពល្អដូចគ្នានឹងទឹកក្តៅដែរ។
ដំបូន្មានដ៏មានប្រយោជន៍បំផុតនៃការសិក្សានេះអាចជាការលាងសម្អាតដៃឲ្យបាន ៣០វិនាទីបើសិនជាអ្នកចង់ការពារខ្លួនពីជំងឺពុលអាហារ ឬការបង្ករោគដោយសារជំងឺផ្តាសាយ។ ចំពោះការណែនាំថ្មីដែលនិយាយទាក់ទងនឹងការលាងសម្អាតដៃជាមួយសាប៊ូ និងទឹកណោះគឺយ៉ាងហោចណាស់ក៏ ២០នាទីដែរក្នុងពេល៖
• ក្រោយចេញពីបន្ទប់ទឹក
• ក្រោយពីប៉ះពាល់អាហារឆៅដូចជា សាច់មាន់ សាច់ជ្រូក និងបន្លែ
• មុនពេលញ៉ាំ ឬកាន់អាហារញ៉ាំ
• ក្រោយពេលប៉ះពាល់ជាមួយសត្វរួមទាំងសត្វចិញ្ចឹមផង៕
© រក្សាសិទ្ធិដោយ thmeythmey.com