ពីនេះ ពីនោះ
វិធីគិតឲ្យត្រឹមត្រូវជាមួយអ្នកដទៃ តាម ៧ របៀប
× វិធីគិតឲ្យត្រឹមត្រូវជាមួយអ្នកដទៃ តាម ៧ របៀប រួមមាន៖ ១-ធ្វើឲ្យមនុស្សស្រឡាញ់ចូលចិត្ត ២-ធ្វើជាអ្នកផ្តួចផ្តើមសាងមិត្តភាព ៣-ទទួលស្គាល់ភាពដោយឡែក ៤-បិទរឿងអាក្រក់ ទទួលយកតែរឿងល្អ ៥-បង្កបរិយាកាសល្អ ក្នុងការសន្ទនា ៦-ហ្វឹកហាត់ឲ្យទៅជាមនុស្សមានអធ្យាស្រ័យ និង ៧-ពេលខ្លួនចាញ់ កុំទម្លាក់កំហុសឲ្យអ្នកដទៃ។
១-ធ្វើឲ្យមនុស្សស្រឡាញ់ចូលចិត្ត៖
ធ្វើខ្លួនឲ្យស្រាល ដើម្បីឲ្យអ្នកដទៃគាំទ្រ បង្កើនថាមពល ឆ្ពោះទៅរកជោគជ័យ
២-ធ្វើជាអ្នកផ្តួចផ្តើមសាងមិត្តភាព៖
ណែនាំខ្លួននៅគ្រប់ឱកាស រៀនចាំឈ្មោះ ទូរស័ព្ទ ផ្ញើសារ អ៊ីមែល ភ្ជាប់ទំនាក់ទំនង
៣-ទទួលស្គាល់ភាពដោយឡែក៖
កុំរំពឹងឲ្យក្លាយជាមនុស្សល្អគ្រប់យ៉ាង ឬមានអ្វីៗ ដូចដែលយើងគិត។ មនុស្សមានលក្ខណៈដោយឡែករបស់ខ្លួន កុំចូលចិត្តប្រកែក។
៤-បិទរឿងអាក្រក់ ទទួលយកតែរឿងល្អ៖
រកមើលគុណសម្បត្តិល្អរបស់មនុស្ស ហើយលើកសរសើរ កុំរកមើលតែគុណវិបត្តិ ដើម្បីស្អប់ធ្វើអ្វី
៥-បង្កបរិយាកាសល្អក្នុងការសន្ទនា៖
ផ្តល់ឱកាសឲ្យគេនិយាយ អ្នកនឹងទទួលបានទាំងមិត្ត និងទាំងចំណេះដឹង
៦-ហ្វឹកហាត់ឲ្យទៅជាមនុស្សមានអធ្យាស្រ័យ៖
វានឹងធ្វើឲ្យអ្នកដទៃ មានអារម្មណ៍ល្អ ហើយយើងក៏ទទួលអារម្មណ៍ល្អផងដែរ
៧-ពេលខ្លួនចាញ់ កុំទម្លាក់កំហុសឲ្យអ្នកដទៃ៖
បើគិតមិនត្រឹមត្រូវ ការបរាជ័យនឹងអូសបន្លាយ។ តែបើគិតត្រូវ អ្នកនឹងកែខ្លួនបានកាន់តែលឿន៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com