បទយកការណ៍ / បទសម្ភាសន៍
យ៉ានតាមដងផ្លូវ
កម្មការិនីម្នាក់៖ អ្នកណាដឹកនាំប្រទេសដោយសន្តិភាព ខ្ញុំបោះឆ្នោតឲ្យអ្នកនោះ
× ទីបំផុត នាយ យ៉ាន មានឱកាសបានចូលរួមក្នុងពិធីសំណេះសំណាលរវាងសម្តេចនាយករដ្ឋមន្ត្រី ហ៊ុន សែន និងកម្មករ កម្មការិនីកាលពីថ្ងៃទី១៣ខែកញ្ញាកន្លងទៅ នៅសួនឧស្សាហកម្មវឌ្ឍនៈទីមួយ។ លើកនេះ នាយ យ៉ាន ដែលរស់នៅជាមួយកម្មករ កម្មការិនី ជាច្រើនឆ្នាំមួយហើយនោះ ក៏មានប័ណ្ណចូលរួមក្នុងពិធីនោះដែរ។ នាយយ៉ាន បានយល់ច្រើនអំពីពិធីការនៃដំណើរក្នុងពិធីសំណេះសំណាលរវាងសម្តេចនាយករដ្ឋមន្ត្រី និងកម្មករ កម្មការិនី និងនិយោជក។
សូមស្តាប់បទសម្ភាសរវាងនាយយ៉ាន និងកម្មការិនីម្នាក់៖
បន្ទាប់ពីបានស្តាប់ប្រមុខរដ្ឋាភិបាលជាង២ម៉ោង កម្មការិនីម្នាក់ដែលយល់ព្រមឲ្យនាយយ៉ានសម្ភាស បានប្រាប់នាយយ៉ានថា កញ្ញាបានយល់ដឹងច្រើនជាងមុនថាសម្តេច ហ៊ុន សែន បានធ្វើឲ្យកម្ពុជាមានសន្តិភាព។ ក្រោយពីបានទទួលថវិកា២ម៉ឺនរៀលពីសម្តេចនាយករដ្ឋមន្ត្រី កម្មការិនីដដែលក៏បានពន្យល់អ្នកកាសែតជនជាតិបារាំងរូបនេះថា ថវិកាដែលសម្តេច ហ៊ុនសែន ចែកជូនកម្មករ កម្មការិនី គឺជាទឹកចិត្ត និងសម្មានចិត្តរបស់នាយករដ្ឋមន្ត្រី។ សម្រាប់កម្មការិនីរូបនេះ បើសិនជាត្រូវបោះឆ្នោតជ្រើសរើសមេដឹកនាំប្រទេស កញ្ញានឹងរើសមេដឹកនាំណាដែលមិននាំប្រទេសទៅរកសង្គ្រាម ហើយថា វាមិនពាក់ព័ន្ធនឹងថវិកា២ម៉ឺនរៀលនេះឡើយ៕
Tag:
នាយ យ៉ាន
កម្មករ
ហ៊ុន សែន
© រក្សាសិទ្ធិដោយ thmeythmey.com