AFC U16៖ កម្ពុជាប្រជែងជាមួយវៀតណាតមុនម្ចាស់ផ្ទះម៉ុងហ្គោលីស្វាគមន៍អូស្ត្រាលី

កីឡាជាតិ

ជាតិ

AFC U16៖ កម្ពុជាប្រជែងជាមួយវៀតណាតមុនម្ចាស់ផ្ទះម៉ុងហ្គោលីស្វាគមន៍អូស្ត្រាលី

20, Sep 2017 , 7:59 am

រូបភាព

លោក Lee Tae Hoon កំពុងបង្វឹកក្រុម U16 នៅប្រទេសថៃ មុនចេញទៅប្រទេសម៉ុងហ្គោលី, រូបភាពពីហ្វេសប៊ុក FFC

ដោយ:

ក្រុមកីឡាបាល់ទាត់ជម្រើសជាតិអាយុក្រោម១៦ឆ្នាំកម្ពុជាជួបប្រកួតជាមួយក្រុមវៀតណាមក្នុងវគ្គជម្រុះពូល I នៃពានរង្វាន់ AFC U16 Championship 2018 នាវេលាម៉ោង៩ព្រឹក(ម៉ោងនៅកម្ពុជា)ថ្ងៃទី២០ ខែកញ្ញា នៅកីឡដ្ឋាន MFF Football Centre មុនក្រុមម្ចាស់ផ្ទះម៉ុងហ្គោលីប្រើកីឡដ្ឋាននេះស្វាគមន៍ U16 អូស្ត្រាលីនាវេលាម៉ោង១រសៀល។

ក្រុមកីឡាបាល់ទាត់ជម្រើសជាតិអាយុក្រោម១៦ឆ្នាំកម្ពុជាក្រោមការដឹកនាំរបស់លោក Lee Tae Hoon ក្រោយហ្វឹកហាត់ពង្រឹងសមត្ថភាពនៅថៃប្រមាណ១សប្តាហ៍មុនចេញដំណើរទៅប្រទេសម៉ុងហ្គោលី ត្រូវជួបប្រកួតបើកឆាកពូល A ជាមួយវៀតណាមក្នុងវគ្គជម្រុះពានរង្វាន់ AFC U16 Championship 2018 នាវេលាម៉ោង៩ព្រឹក(ម៉ោងនៅកម្ពុជា)ថ្ងៃទី២០ កញ្ញា នៅកីឡដ្ឋាន MFF Football Centre។

បើតាមប្រវត្តិក្រុមទាំងពីរធ្លាប់ជួបគ្នា៣លើកក្នុងវគ្គពានរង្វាន់កម្រិតអាស៊ីនេះ ដោយលទ្ធផលកម្ពុជាចាញ់២លើក និងស្មើ១លើក។ សម្រាប់លើកទី១នៅឆ្នាំ២០០៤ លើទឹកដីវៀតណាម កម្ពុជាបានប្រកួតចាញ់វៀតណាមក្នុងលទ្ធផល ៤-០ មុនស្មើ ១-១ នៅលើទឹកដីឥណ្ឌូណេស៊ីឆ្នាំ២០០៨។ នៅឆ្នាំ២០១២ កម្ពុជាបានចាញ់វៀតណាមក្នុងលទ្ធផល ៥-០ ពេលឡាវធ្វើជាម្ចាស់ផ្ទះ។

បន្ទាប់ពីការប្រកួតរវាងកម្ពុជាជាមួយវៀតណាម នៅក្នុងពូល I នេះក៏មានការប្រកួត១គូទៀតផងដែរ គឺរវាងក្រុមម្ចាស់ផ្ទះម៉ុងហ្គោលីជាមួយក្រុមអូស្ត្រាលីដែលធ្វើឡើងនាវេលាម៉ោង១រសៀល(ម៉ោងកម្ពុជា)នៅកីឡដ្ឋាន MFF Football Centre៕