ជាតិ
លោក ប្រាក់ សុខុន ៖ យើងត្រូវបានចោទថាបំពានប្រជាធិបតេយ្យ ព្រោះដាក់ទោសអ្នកបំពានច្បាប់
លោក ប្រាក់ សុខុន រដ្ឋមន្រ្តីការបរទេសកម្ពុជា កំពុងថ្លែងនាឱកាសមហាសន្និបាតអង្គការសហប្រជាជាតិ (រូបភាពពីហ្វេសប៊ុកក្រសួងការបរទេស)
×![]()
ដោយ: តន ចាន់រិទ្ធារ៉ា
ប្រមុខការទូតកម្ពុជា លោក ប្រាក់ សុខុន នៅថ្ងៃទី២២ ខែកញ្ញា បានថែ្លងថា រដ្ឋាភិបាលកម្ពុជាត្រូវបានចោទប្រកាន់ថាបានបំពានប្រជាធិបតេយ្យ ព្រោះបានដាក់ទោសអ្នកដែលបំពានច្បាប់។ លោក ប្រាក់ សុខុន ថ្លែងដូចនេះនៅចំពោះមុខកិច្ចប្រជុំប្រចាំឆ្នាំមហាសន្និបាតអង្គការសហប្រជាជាតិ ដែលកំពុងធ្វើឡើងនៅទីក្រុងញូវយ៉ក។ ប្រមុខការទូតកម្ពុជា ក៏បានរិះគន់របាយការណ៍សិទ្ធិមនុស្សនៅកម្ពុជា ដែលលោកអះអាងថាធ្វើឡើងដោយលម្អៀង។
ក្នុងកិច្ចប្រជុំមហាសន្និបាតអង្គការសហប្រជាជាតិ ទេសរដ្ឋមន្ត្រី និងជារដ្ឋមន្ត្រីការបរទេសកម្ពុជា លោក ប្រាក់ សុខុន បានបង្ហាញការសោកស្ដាយដែលកម្ពុជាក្លាយជាគោលដៅនៃការវាយប្រហារពីសំណាក់ស្ថាប័នរបស់អង្គការពិភពលោកមួយនេះ និងអង្គការក្រៅរដ្ឋាភិបាលអន្តរជាតិខ្លះជុំវិញសំណុំរឿងសិទ្ធិមនុស្ស។ លោក ប្រាក់ សុខុន ក៏បានរិះគន់ពីភាពលម្អៀងរបស់អ្នកសង្កេតការណ៍សិទ្ធិមនុស្ស ពេលសរសេររបាយការណ៍ពីកម្ពុជា។
ក្នុងសុន្ទរកថាជាង១៦នាទី ជាភាសាអង់គ្លេស និងភាសាបារាំង ប្រមុខការទូតកម្ពុជារូបនេះបានបញ្ជាក់ថា ការត្រួតពិនិត្យស្ថានភាពសិទ្ធិមនុស្សមានភាពខុសគ្នាទៅតាមឱកាសនយោបាយរបស់មហាអំណាចខ្លះ ហើយអង្គការអន្តរជាតិខ្លះនៅឆ្ងាយពីអព្យាក្រឹតនយោបាយទៅទៀត។ លោក ប្រាក់ សុខុន បន្តថា សំណួរស្ដីពីសិទ្ធិមនុស្ស ត្រូវបានលើកឡើងតែក្នុងគោលការណ៍នៃផលប្រយោជន៍ពិសេសខ្លះ និងយោងតាមឱកាសប៉ុណ្ណោះ។
ឆ្លៀតឱកាសនោះ លោក ប្រាក់ សុខុន ក៏បានបង្ហាញការមិនពេញចិត្តដែលកម្ពុជាក្លាយជាជនរងគ្រោះនៃការបោកបញ្ឆោតនយោបាយជុំវិញបញ្ហាសិទ្ធិមនុស្សនេះ ហើយសហគមន៍អន្តរជាតិក៏ថែមទាំងមិនទទួលស្គាល់ឧក្រិដ្ឋកម្មដ៏អាក្រក់បំផុតនៅសម័យខ្មែរក្រហមទៅទៀត។ លោកលើកឡើងថា ជារឿងឈឺចាប់សម្រាប់អ្នករស់រានមានជីវិតម្នាក់ ពេលឮសម្ដីអ្នករាយការណ៍ពិសេសស្ដីពីសិទ្ធិមនុស្សនៅកម្ពុជាដែលថា ឧក្រិដ្ឋកម្មបង្កដោយខ្មែរក្រហមគ្រាន់តែជាចលាចលមួយ។
បើតាមលោក ប្រាក់ សុខុន កម្ពុជាក៏នៅតែប្រធានបទនៃការរិះគន់របស់របាយការណ៍សិទ្ធិមនុស្ស ខណៈដែលរបាយការណ៍នោះត្រូវបានរាយការណ៍ដោយលម្អៀង។ មន្ត្រីរដ្ឋាភិបាលកម្ពុជារូបនេះបន្តថា របាយការណ៍សិទ្ធិមនុស្សនៅតែបន្ទោសរដ្ឋាភិបាលកម្ពុជា ហើយបានលើកដំឡើងក្រុមប្រឆាំងទៅជាវីរជនប្រជាធិបតេយ្យទៅវិញ។ លោក ប្រាក់ សុខុន អះអាងថា ទង្វើខុសច្បាប់ និងកំហុសរបស់បក្សប្រឆាំងមិនដែលកត់ទុកក្នុងរបាយការណ៍ទាំងនោះឡើយ។
«សព្វថ្ងៃ យើងត្រូវបានចោទប្រកាន់ថាបំពានប្រជាធិបតេយ្យ ព្រោះក្រោមច្បាប់ជាធរមាន យើងកំពុងកាត់ទោស និងពិន័យអ្នកដែលបំពានច្បាប់»។ នេះជាការបញ្ជាក់របស់ប្រមុខការទូតកម្ពុជា មុននឹងបន្ថែមថា ការអធិប្បាយរបស់មន្ត្រីរដ្ឋាភិបាលលើបញ្ហាសិទ្ធិមនុស្ស និងប្រជាធិបតេយ្យ អាចគួរទុកចិត្តបានជាង ប្រសិនបើពួកគេអនុវត្តដោយខ្លួនឯង៕
ក្នុងកិច្ចប្រជុំមហាសន្និបាតអង្គការសហប្រជាជាតិ ទេសរដ្ឋមន្ត្រី និងជារដ្ឋមន្ត្រីការបរទេសកម្ពុជា លោក ប្រាក់ សុខុន បានបង្ហាញការសោកស្ដាយដែលកម្ពុជាក្លាយជាគោលដៅនៃការវាយប្រហារពីសំណាក់ស្ថាប័នរបស់អង្គការពិភពលោកមួយនេះ និងអង្គការក្រៅរដ្ឋាភិបាលអន្តរជាតិខ្លះជុំវិញសំណុំរឿងសិទ្ធិមនុស្ស។ លោក ប្រាក់ សុខុន ក៏បានរិះគន់ពីភាពលម្អៀងរបស់អ្នកសង្កេតការណ៍សិទ្ធិមនុស្ស ពេលសរសេររបាយការណ៍ពីកម្ពុជា។
ក្នុងសុន្ទរកថាជាង១៦នាទី ជាភាសាអង់គ្លេស និងភាសាបារាំង ប្រមុខការទូតកម្ពុជារូបនេះបានបញ្ជាក់ថា ការត្រួតពិនិត្យស្ថានភាពសិទ្ធិមនុស្សមានភាពខុសគ្នាទៅតាមឱកាសនយោបាយរបស់មហាអំណាចខ្លះ ហើយអង្គការអន្តរជាតិខ្លះនៅឆ្ងាយពីអព្យាក្រឹតនយោបាយទៅទៀត។ លោក ប្រាក់ សុខុន បន្តថា សំណួរស្ដីពីសិទ្ធិមនុស្ស ត្រូវបានលើកឡើងតែក្នុងគោលការណ៍នៃផលប្រយោជន៍ពិសេសខ្លះ និងយោងតាមឱកាសប៉ុណ្ណោះ។
ឆ្លៀតឱកាសនោះ លោក ប្រាក់ សុខុន ក៏បានបង្ហាញការមិនពេញចិត្តដែលកម្ពុជាក្លាយជាជនរងគ្រោះនៃការបោកបញ្ឆោតនយោបាយជុំវិញបញ្ហាសិទ្ធិមនុស្សនេះ ហើយសហគមន៍អន្តរជាតិក៏ថែមទាំងមិនទទួលស្គាល់ឧក្រិដ្ឋកម្មដ៏អាក្រក់បំផុតនៅសម័យខ្មែរក្រហមទៅទៀត។ លោកលើកឡើងថា ជារឿងឈឺចាប់សម្រាប់អ្នករស់រានមានជីវិតម្នាក់ ពេលឮសម្ដីអ្នករាយការណ៍ពិសេសស្ដីពីសិទ្ធិមនុស្សនៅកម្ពុជាដែលថា ឧក្រិដ្ឋកម្មបង្កដោយខ្មែរក្រហមគ្រាន់តែជាចលាចលមួយ។
បើតាមលោក ប្រាក់ សុខុន កម្ពុជាក៏នៅតែប្រធានបទនៃការរិះគន់របស់របាយការណ៍សិទ្ធិមនុស្ស ខណៈដែលរបាយការណ៍នោះត្រូវបានរាយការណ៍ដោយលម្អៀង។ មន្ត្រីរដ្ឋាភិបាលកម្ពុជារូបនេះបន្តថា របាយការណ៍សិទ្ធិមនុស្សនៅតែបន្ទោសរដ្ឋាភិបាលកម្ពុជា ហើយបានលើកដំឡើងក្រុមប្រឆាំងទៅជាវីរជនប្រជាធិបតេយ្យទៅវិញ។ លោក ប្រាក់ សុខុន អះអាងថា ទង្វើខុសច្បាប់ និងកំហុសរបស់បក្សប្រឆាំងមិនដែលកត់ទុកក្នុងរបាយការណ៍ទាំងនោះឡើយ។
«សព្វថ្ងៃ យើងត្រូវបានចោទប្រកាន់ថាបំពានប្រជាធិបតេយ្យ ព្រោះក្រោមច្បាប់ជាធរមាន យើងកំពុងកាត់ទោស និងពិន័យអ្នកដែលបំពានច្បាប់»។ នេះជាការបញ្ជាក់របស់ប្រមុខការទូតកម្ពុជា មុននឹងបន្ថែមថា ការអធិប្បាយរបស់មន្ត្រីរដ្ឋាភិបាលលើបញ្ហាសិទ្ធិមនុស្ស និងប្រជាធិបតេយ្យ អាចគួរទុកចិត្តបានជាង ប្រសិនបើពួកគេអនុវត្តដោយខ្លួនឯង៕
© រក្សាសិទ្ធិដោយ thmeythmey.com
