បញ្ចាំងភាពយន្តខ្មែរដើម្បីរកថវិកាជួយដល់មន្ទីរពេទ្យគន្ធបុប្ផានិងអង្គការស្នាមញញឹមនៃកុមារ

អត្ថបទពាណិជ្ជកម្ម

បញ្ចាំងភាពយន្តខ្មែរដើម្បីរកថវិកាជួយដល់មន្ទីរពេទ្យគន្ធបុប្ផានិងអង្គការស្នាមញញឹមនៃកុមារ

26, Sep 2017 , 3:06 pm

រូបភាព

ដោយ: ជី ដាណា

រោងភាពយន្ត Major Cinepelx by Cellcard មានកិត្តិយស សូមគោរពអញ្ជើញ ឯកឧត្តម លោកជំទាវ លោក លោកស្រី អ្នកនាងកញ្ញា និងភ្ញៀវកិត្តិយសទាំងអស់ ចូលរួមមហោស្រពភាពយន្តដើម្បីសប្បុរសធម៌ ដែលនឹងប្រព្រឹត្តទៅចាប់ពីថ្ងៃទី ២៧ ខែ កញ្ញា ឆ្នាំ ២០១៧ ដល់ថ្ងៃទី ១ ខែ តុលា ឆ្នាំ ២០១៧ ខាងមុខនេះ នៅឯរោងភាពយន្ត Major Cinepelx by Cellcard ផ្សារទំនើបអ៊ីអនម៉ល។

មហោស្រពភាពយន្តដើម្បីសប្បុរសធម៌ នឹងលើកយកខ្សែភាពយន្តខ្មែរល្បីៗចំនួន៧ មកចាក់បញ្ចាំងជូនទស្សនិកជន ក្នុងតម្លៃពិសេស គឺតែ ៨០០០ រៀលប៉ុណ្ណោះ។ ខ្សែភាពយន្តទាំងអស់នោះ មានដូចជា រឿង “ព្រះធិន្នវង្សនាងពៅ” រឿង “ស្រកាមាស” វីដេអូឯកសាររឿង “វាលពិឃាត វេជ្ជ. ហ៊ាំង ង៉ោ” រឿង “សិស្សប្អូនសំណព្វចិត្ត” រឿង “ប៉ុបពីទៅហូលីវ៉ូដ” រឿង “សតិជាប់ទ្រុង” និងរឿង “ទឹកចិត្តម្តាយសម័យថ្មី”។ ថវិការដែលរកបានពីការចាក់បញ្ចាំងទាំងអស់ នឹងត្រូវបរិច្ចាគដល់មន្ទីរពេទ្យ គន្ធរបុប្ផា និងអង្គការស្នាមញញឹមនៃកុមារ។

គួរបញ្ជាក់ផងដែរថា រោងភាពយន្ត Major Cinepelx by Cellcard តែងតែចូលរួមក្នុងសកម្មភាពមនុស្សធម៌ ដូចជាមហោស្រពភាពយន្តដើម្បីសប្បុរសធម៌នេះជាដើម។ លោក សុខនី អ្នកគ្រប់គ្រងទូទៅនៃរោងភាពយន្ត Major Cinepelx by Cellcard បានបញ្ជាក់ថា រោងភាពយន្ត Major Cinepelx by Cellcard មានគោលដៅនិងផែនការច្បាស់លាស់ទាក់ទងនឹងការងារសង្គម ពោលគឺ រោងភាពយន្ត មានកញ្ចប់ថវិកាមួយកញ្ចប់ សម្រាប់ចូលរួមលើកកម្ពស់វិស័យអប់រំ និងសុខាភិបាល។