អន្តរជាតិ
មីយ៉ាន់ម៉ា៖ ជនភាគតិចហិណ្ឌូក្លាយជាជនរងគ្រោះថ្មីនៃវិបត្តិរ៉ូហ៊ីងយ៉ា
×![]()
ដោយ: តន ចាន់រិទ្ធារ៉ា
យុទ្ធនាការបោសសម្អាតរបស់កម្លាំងយោធាមីយ៉ាន់ម៉ា បានឆក់យកជីវិតមនុស្សជាច្រើន និងបង្ខំឲ្យជនភាគតិចរ៉ូហ៊ីងយ៉ារាប់សែននាក់រត់ភៀសខ្លួនទៅកាន់បង់ក្លាដែស។ លំហូរយ៉ាងគំហុកនៃជនភាគតិចរ៉ូហ៊ីងយ៉ាបានបង្កជាវិបត្តិមនុស្សធម៌ធ្ងន់ធ្ងរ ដល់ថ្នាក់អង្គការសហប្រជាជាតិចាត់ទុកជាការបោសសម្អាតពូជសាន៍ផងដែរ។ មិនត្រឹមតែសហគមន៍រ៉ូហ៊ីងយ៉ាឡើយ សូម្បីតែក្រុមភាគហិណ្ឌូនៅមីយ៉ាន់ម៉ាក៏ក្លាយជាជនរងគ្រោះនៃវិបត្តិនេះដែរ។
យោធាមីយ៉ាន់ម៉ានៅថ្ងៃទី២៥ ខែកញ្ញា បានគាស់រណ្ដៅកប់សាកសពរួមរបស់អ្នកភូមិជនជាតិហិណ្ឌូ ដែលមានសាកសពចំនួន១៧ ។ នេះជារណ្ដៅសពរួមមួយទៀតដែលត្រូវបានរកឃើញនៅឯរដ្ឋ Rakhine ភាគខាងជើងមីយ៉ាន់ម៉ា ហើយដែលធ្វើឲ្យចំនួនសាកសពជនជាតិហិណ្ឌកើនដល់៤៥នាក់ហើយ។ អាជ្ញាធរមីយ៉ាន់ម៉ាបានដាក់ការសង្ស័យករណីសម្លាប់មនុស្សនេះលើក្រុមឧទ្ទាមមូស្លីមជ្រុលនិយម។
ការវាយប្រហារលើទីតាំងយោធាពីសំណាក់ក្រុមឧទ្ទាម ARSA ធ្វើឲ្យយោធាមីយ៉ាន់ម៉ាចាត់វិធានការឆ្លើយតបវិញក្នុងលក្ខណៈទ្រង់ទ្រាយធំ និងធ្វើឲ្យជនមូស្លីមភាគតិចរ៉ូហ៊ីងយ៉ាជាងបួនសែននាក់រត់ចាកចោលផ្ទះសម្បែង ឆ្ពោះទៅកាន់ជំរំក្នុងទឹកដីបង់ក្លាដែស។ សហគមន៍អន្តរជាតិបានស្នើឲ្យក្រុងណៃពិដោបញ្ឈប់សកម្មភាពហិង្សារបស់ខ្លួនជាបន្ទាន់ ព្រមទាំងបានហៅសកម្មភាពរបស់យោធាជាបោសសម្អាតក្រុមភាគតិចរ៉ូហ៊ីងយ៉ាឲ្យអស់ពីមីយ៉ាន់ម៉ាទៀតផង។
យ៉ាងណាមិញ ម្ដងជាពីរដង រដ្ឋាភិបាលមីយ៉ាន់ម៉ាបានទាត់ចោលការចោទប្រកាន់របស់អន្តរជាតិ និងបានការពារប្រតិបត្តិការរបស់យោធា។ ក្រុងណៃពិដោ អះអាងថា ប្រតិបត្តិការយោធានៅ Rakhine មានគោលដៅបោសសម្អាតក្រុមភេរវករដែលអុកឡុកក្នុងតំបន់ប៉ុណ្ណោះ មិនមែនជាការបោសសម្អាតពូជសាសន៍អ្វីឡើយ។ តំណាងមីយ៉ាន់ម៉ាប្រចាំអង្គការសហប្រជាជាតិក៏និយាយដែរថា រដ្ឋាភិបាលក៏ព្យាយាមយ៉ាងខ្លាំងដើម្បីបញ្ចៀសអំពើប្រល័យពូជសាសន៍ដែរ។
ខណៈដែលក្រុមភាគតិចរ៉ូហ៊ីងយ៉ាគឺជាគោលដៅនៃយុទ្ធនាការរបស់យោធានោះ ជនភាគតិចហិណ្ឌនៅ Rakhine ក៏ក្លាយជាជនរងគ្រោះនៃវិបត្តិនេះដែរ។ ពួកគេខ្លះបានរត់ទៅបង់ក្លាដែសដើម្បីគេចពីអំពើហិង្សាប្រព្រឹត្តដោយក្រុមយោធា ឬក្រុមឧទ្ទាម។ នៅចុងសប្ដាហ៍មុន យោធាមីយ៉ាន់ម៉ាបានស្វែងរកជនជាតិហិណ្ឌូដែលបាត់ខ្លួនអំឡុងពេលការវាយប្រហាររបស់ក្រុមឧទ្ទាម ASRA ហើយក៏ប្រទះឃើញរណ្ដៅមានសាកសពចំនួន២៨ នៅថ្ងៃទី២៤ ខែកញ្ញា។
អាជ្ញាធរមីយ៉ាន់ម៉ានៅមិនទាន់ដឹងច្បាស់ពីមូលហេតុជុំវិញករណីនេះនៅឡើយទេ ស្របពេលដែលយោធាកំពុងសហការជាមួយមេដឹកនាំសហគមន៍ហិណ្ឌូដើម្បីស្វែងរកជនជាតិហិណ្ឌដែលបាត់ខ្លួន។ យ៉ាងណាមិញ អ្នកនាំពាក្យរបស់ក្រុមឧទ្ទាម ARSA បានបដិសេធករណីនេះ និងរិះគន់រដ្ឋាភិបាលមីយ៉ាន់ម៉ាថាកំពុងបំបែកបំបាក់សហគមន៍ហិណ្ឌូ និងសហគមន៍មូស្លីម។ អ្នកនាំពាក្យដដែលប្រាប់ ទីភ្នាក់ងារព័ត៌មាន Reuters ថា ក្រុមខ្លួនមិនសម្លាប់ជនស៊ីវិលទេ៕
យោធាមីយ៉ាន់ម៉ានៅថ្ងៃទី២៥ ខែកញ្ញា បានគាស់រណ្ដៅកប់សាកសពរួមរបស់អ្នកភូមិជនជាតិហិណ្ឌូ ដែលមានសាកសពចំនួន១៧ ។ នេះជារណ្ដៅសពរួមមួយទៀតដែលត្រូវបានរកឃើញនៅឯរដ្ឋ Rakhine ភាគខាងជើងមីយ៉ាន់ម៉ា ហើយដែលធ្វើឲ្យចំនួនសាកសពជនជាតិហិណ្ឌកើនដល់៤៥នាក់ហើយ។ អាជ្ញាធរមីយ៉ាន់ម៉ាបានដាក់ការសង្ស័យករណីសម្លាប់មនុស្សនេះលើក្រុមឧទ្ទាមមូស្លីមជ្រុលនិយម។
ការវាយប្រហារលើទីតាំងយោធាពីសំណាក់ក្រុមឧទ្ទាម ARSA ធ្វើឲ្យយោធាមីយ៉ាន់ម៉ាចាត់វិធានការឆ្លើយតបវិញក្នុងលក្ខណៈទ្រង់ទ្រាយធំ និងធ្វើឲ្យជនមូស្លីមភាគតិចរ៉ូហ៊ីងយ៉ាជាងបួនសែននាក់រត់ចាកចោលផ្ទះសម្បែង ឆ្ពោះទៅកាន់ជំរំក្នុងទឹកដីបង់ក្លាដែស។ សហគមន៍អន្តរជាតិបានស្នើឲ្យក្រុងណៃពិដោបញ្ឈប់សកម្មភាពហិង្សារបស់ខ្លួនជាបន្ទាន់ ព្រមទាំងបានហៅសកម្មភាពរបស់យោធាជាបោសសម្អាតក្រុមភាគតិចរ៉ូហ៊ីងយ៉ាឲ្យអស់ពីមីយ៉ាន់ម៉ាទៀតផង។
យ៉ាងណាមិញ ម្ដងជាពីរដង រដ្ឋាភិបាលមីយ៉ាន់ម៉ាបានទាត់ចោលការចោទប្រកាន់របស់អន្តរជាតិ និងបានការពារប្រតិបត្តិការរបស់យោធា។ ក្រុងណៃពិដោ អះអាងថា ប្រតិបត្តិការយោធានៅ Rakhine មានគោលដៅបោសសម្អាតក្រុមភេរវករដែលអុកឡុកក្នុងតំបន់ប៉ុណ្ណោះ មិនមែនជាការបោសសម្អាតពូជសាសន៍អ្វីឡើយ។ តំណាងមីយ៉ាន់ម៉ាប្រចាំអង្គការសហប្រជាជាតិក៏និយាយដែរថា រដ្ឋាភិបាលក៏ព្យាយាមយ៉ាងខ្លាំងដើម្បីបញ្ចៀសអំពើប្រល័យពូជសាសន៍ដែរ។
ខណៈដែលក្រុមភាគតិចរ៉ូហ៊ីងយ៉ាគឺជាគោលដៅនៃយុទ្ធនាការរបស់យោធានោះ ជនភាគតិចហិណ្ឌនៅ Rakhine ក៏ក្លាយជាជនរងគ្រោះនៃវិបត្តិនេះដែរ។ ពួកគេខ្លះបានរត់ទៅបង់ក្លាដែសដើម្បីគេចពីអំពើហិង្សាប្រព្រឹត្តដោយក្រុមយោធា ឬក្រុមឧទ្ទាម។ នៅចុងសប្ដាហ៍មុន យោធាមីយ៉ាន់ម៉ាបានស្វែងរកជនជាតិហិណ្ឌូដែលបាត់ខ្លួនអំឡុងពេលការវាយប្រហាររបស់ក្រុមឧទ្ទាម ASRA ហើយក៏ប្រទះឃើញរណ្ដៅមានសាកសពចំនួន២៨ នៅថ្ងៃទី២៤ ខែកញ្ញា។
អាជ្ញាធរមីយ៉ាន់ម៉ានៅមិនទាន់ដឹងច្បាស់ពីមូលហេតុជុំវិញករណីនេះនៅឡើយទេ ស្របពេលដែលយោធាកំពុងសហការជាមួយមេដឹកនាំសហគមន៍ហិណ្ឌូដើម្បីស្វែងរកជនជាតិហិណ្ឌដែលបាត់ខ្លួន។ យ៉ាងណាមិញ អ្នកនាំពាក្យរបស់ក្រុមឧទ្ទាម ARSA បានបដិសេធករណីនេះ និងរិះគន់រដ្ឋាភិបាលមីយ៉ាន់ម៉ាថាកំពុងបំបែកបំបាក់សហគមន៍ហិណ្ឌូ និងសហគមន៍មូស្លីម។ អ្នកនាំពាក្យដដែលប្រាប់ ទីភ្នាក់ងារព័ត៌មាន Reuters ថា ក្រុមខ្លួនមិនសម្លាប់ជនស៊ីវិលទេ៕
Tag:
មីយ៉ាន់ម៉ា
រ៉ូហ៊ីងយ៉ា
ហិណ្ឌូ
© រក្សាសិទ្ធិដោយ thmeythmey.com
