អន្តរជាតិ
×![]()
ចិនបានស្នើឲ្យអាមេរិកនិងកូរ៉េខាងជើងបញ្ឈប់ការប្រឈមមុខដាក់គ្នា បន្ទាប់ពីប្រធានាធិបតី ដូណាល់ ត្រាំ បានសរសេរលើ Twitter ថា របបដឹកនាំកូរ៉េខាងជើងនឹងរលាយនៅពេលឆាប់ៗនេះ។ ចិនបានអះអាងថា ខ្លួនចង់ឲ្យអាមេរិកនិងកូរ៉េខាងជើងរំសាយកំហឹងសិន ហើយងាកមកដោះស្រាយវិបត្តិឧបទ្វីបកូរ៉េដោយសន្តិវិធីវិញ ព្រោះការប្រឈមមុខដាក់គ្នារវាងរដ្ឋទាំងពីរនេះគ្មានចំណេញអ្វីឡើយ។
នៅថ្ងៃទី២៥ខែកញ្ញា ប្រធានាធិបតីអាមេរិកលោក ដូណាល់ ត្រាំ បានសរសេរក្នុងប្រព័ន្ធផ្សព្វផ្សាយសង្គម Twitter ថា របបដឹកនាំកូរ៉េខាងជើងមិនយូរនោះទេនឹងត្រូវរលាយហើយ។ ក្រុងព្យុងយ៉ាងបានសន្និដ្ឋានថា ការគំរាមកំហែងរបស់អាមេរិកជាការប្រកាសសង្គ្រាមរវាងរដ្ឋទាំងពីរ ហើយក្រុងព្យុងយ៉ាងបានត្រៀមខ្លួនរួចរាល់ក្នុងការប្រើចំណាត់ការការពារដើម្បីខ្លួន។
ទីភ្នាក់ងារព័ត៌មាន Reuter បានស្រង់សម្ដីរដ្ឋមន្ត្រីក្រសួងការបរទេសកូរ៉េខាងជើងលោក Ri Yong Ho ថា ពាក្យគំរាមកំហែងរបស់អាមេរិកស្មើនឹងការប្រកាសសង្គ្រាមច្បាស់ណាស់។ លោកបន្តថា ពិភពលោកទាំងមូលគួរតែចងចាំថា អាមេរិកជាភាគីដែលប្រកាសសង្គ្រាមមុន។ ម្យ៉ាងទៀត ដោយសារតែអាមេរិកជាអ្នកប្រកាសសង្គ្រាមមុន ក្រុងព្យុងយ៉ាងមានសិទ្ធិប្រើចំណាត់ការការពារខ្លួនដោយបាញ់កម្ទេចយន្តហោះទម្លាក់គ្រាប់បែកអាមេរិកទោះយន្តហោះទម្លាក់គ្រាប់បែកទាំងនេះមិននៅក្នុងទឹកដីកូរ៉េខាងជើងក្ដី។
ដោយឡែក អ្នកនាំពាក្យសេតវិមានអ្នកស្រី Sarah Sanders បានលើកឡើងថា អាមេរិកមិនបានប្រកាសសង្គ្រាមឡើយ។ អ្នកស្រីបញ្ជាក់ថា ការប្រើចំណាត់ការការពារខ្លួនរបស់កូរ៉េខាងជើងពិតជាមិនសមហេតុផលទាល់តែសោះ ព្រោះវាមិនសមនោះទេដែលកូរ៉េខាងជើងមានបំណងកម្ទេចយន្តហោះទម្លាក់គ្រាប់បែកអាមេរិកដែលមិនបានស្ថិតក្នុងដែនដីខ្លួន។
ចំណែកឯ ឯកអគ្គរដ្ឋទូតចិនប្រចាំនៅអង្គការសហប្រជាជាតិលោក Liu Jieyi បានស្នើកូរ៉េខាងជើង និងអាមេរិកគួរតែរំសាយកំហឹងសិន ហើយងាកមកដោះស្រាយគ្នាដោយសន្តិវិធីវិញ។ លោកបន្ថែមថា ៖ «មានតែការចរចារប៉ុណ្ណោះដែលជាដំណោះស្រាយដ៏ល្អសម្រាប់វិបត្តិនុយក្លេអ៊ែរនៅឧបទ្វីបកូរ៉េ ។ ចំណែកឯចំណាត់ការផ្សេងៗទៀតនឹងបង្កឲ្យមានគ្រោះមហន្តរាយ។ ដូចនេះ វាគ្មានប្រយោជន៍ឡើយដែលអាមេរិកនិងកូរ៉េខាងជើងនៅបន្តប្រឈមមុខដាក់គ្នា»។
តំណាងចិនរូបនេះបានបន្ថែមទៀតថា វាសំខាន់ណាស់ដែលរដ្ឋមួយចំនួនទៀតបានចូលរួមអនុវត្តទណ្ឌកម្មអង្គការសហប្រជាជាតិលើកូរ៉េខាងជើង។
ទាក់ទិននឹងការប្រឈមមុខរវាងអាមេរិក និងកូរ៉េខាងជើង ប្រធានាធិបតីចិន ស៊ី ជិនភីង ក៏បានស្នើសុំនាយករដ្ឋមន្ត្រីអង់គ្លេស ថេរ៉េសា ម៉េយ៍ ឲ្យព្យាយាមបញ្ចុះបញ្ចូលភាគីជម្លោះទាំងអស់តាមរយៈការចរចាដើម្បីទទួលបានដំណោះស្រាយដោយសន្តិវិធី៕
នៅថ្ងៃទី២៥ខែកញ្ញា ប្រធានាធិបតីអាមេរិកលោក ដូណាល់ ត្រាំ បានសរសេរក្នុងប្រព័ន្ធផ្សព្វផ្សាយសង្គម Twitter ថា របបដឹកនាំកូរ៉េខាងជើងមិនយូរនោះទេនឹងត្រូវរលាយហើយ។ ក្រុងព្យុងយ៉ាងបានសន្និដ្ឋានថា ការគំរាមកំហែងរបស់អាមេរិកជាការប្រកាសសង្គ្រាមរវាងរដ្ឋទាំងពីរ ហើយក្រុងព្យុងយ៉ាងបានត្រៀមខ្លួនរួចរាល់ក្នុងការប្រើចំណាត់ការការពារដើម្បីខ្លួន។
ទីភ្នាក់ងារព័ត៌មាន Reuter បានស្រង់សម្ដីរដ្ឋមន្ត្រីក្រសួងការបរទេសកូរ៉េខាងជើងលោក Ri Yong Ho ថា ពាក្យគំរាមកំហែងរបស់អាមេរិកស្មើនឹងការប្រកាសសង្គ្រាមច្បាស់ណាស់។ លោកបន្តថា ពិភពលោកទាំងមូលគួរតែចងចាំថា អាមេរិកជាភាគីដែលប្រកាសសង្គ្រាមមុន។ ម្យ៉ាងទៀត ដោយសារតែអាមេរិកជាអ្នកប្រកាសសង្គ្រាមមុន ក្រុងព្យុងយ៉ាងមានសិទ្ធិប្រើចំណាត់ការការពារខ្លួនដោយបាញ់កម្ទេចយន្តហោះទម្លាក់គ្រាប់បែកអាមេរិកទោះយន្តហោះទម្លាក់គ្រាប់បែកទាំងនេះមិននៅក្នុងទឹកដីកូរ៉េខាងជើងក្ដី។
ដោយឡែក អ្នកនាំពាក្យសេតវិមានអ្នកស្រី Sarah Sanders បានលើកឡើងថា អាមេរិកមិនបានប្រកាសសង្គ្រាមឡើយ។ អ្នកស្រីបញ្ជាក់ថា ការប្រើចំណាត់ការការពារខ្លួនរបស់កូរ៉េខាងជើងពិតជាមិនសមហេតុផលទាល់តែសោះ ព្រោះវាមិនសមនោះទេដែលកូរ៉េខាងជើងមានបំណងកម្ទេចយន្តហោះទម្លាក់គ្រាប់បែកអាមេរិកដែលមិនបានស្ថិតក្នុងដែនដីខ្លួន។
ចំណែកឯ ឯកអគ្គរដ្ឋទូតចិនប្រចាំនៅអង្គការសហប្រជាជាតិលោក Liu Jieyi បានស្នើកូរ៉េខាងជើង និងអាមេរិកគួរតែរំសាយកំហឹងសិន ហើយងាកមកដោះស្រាយគ្នាដោយសន្តិវិធីវិញ។ លោកបន្ថែមថា ៖ «មានតែការចរចារប៉ុណ្ណោះដែលជាដំណោះស្រាយដ៏ល្អសម្រាប់វិបត្តិនុយក្លេអ៊ែរនៅឧបទ្វីបកូរ៉េ ។ ចំណែកឯចំណាត់ការផ្សេងៗទៀតនឹងបង្កឲ្យមានគ្រោះមហន្តរាយ។ ដូចនេះ វាគ្មានប្រយោជន៍ឡើយដែលអាមេរិកនិងកូរ៉េខាងជើងនៅបន្តប្រឈមមុខដាក់គ្នា»។
តំណាងចិនរូបនេះបានបន្ថែមទៀតថា វាសំខាន់ណាស់ដែលរដ្ឋមួយចំនួនទៀតបានចូលរួមអនុវត្តទណ្ឌកម្មអង្គការសហប្រជាជាតិលើកូរ៉េខាងជើង។
ទាក់ទិននឹងការប្រឈមមុខរវាងអាមេរិក និងកូរ៉េខាងជើង ប្រធានាធិបតីចិន ស៊ី ជិនភីង ក៏បានស្នើសុំនាយករដ្ឋមន្ត្រីអង់គ្លេស ថេរ៉េសា ម៉េយ៍ ឲ្យព្យាយាមបញ្ចុះបញ្ចូលភាគីជម្លោះទាំងអស់តាមរយៈការចរចាដើម្បីទទួលបានដំណោះស្រាយដោយសន្តិវិធី៕
Tag:
ចិន
កូរ៉េខាងជើង
អាមេរិក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
