ជាតិ
លោកស្រី Heather Nauert អ្នកនាំពាក្យក្រសួងការបរទេសអាមេរិក
×![]()
ដោយ: ម៉ៅ សុផា
ភ្នំពេញ៖ សហរដ្ឋអាមេរិកតាមរយៈអ្នកនាំពាក្យក្រសួងការបរទេស បានសម្តែងការបារម្ភសារជាថ្មីម្តងទៀតចំពោះស្ថានភាពនយោបាយនៅកម្ពុជា ខណៈគណបក្សសង្គ្រោះជាតិ (CNRP) ប្រឈមនឹងការរំលាយចោល។ យ៉ាងណាក៏ដោយ សម្រាប់គណបក្សប្រជាជនកម្ពុជា មូលហេតុនៃការកែប្រែច្បាប់ខាងលើ មិនមែនដើម្បីបំផ្លាញគណបក្សណាមួយឡើយ តែផ្ទុយទៅវិញ គឺដើម្បីឲ្យស្របតាមសភាពការណ៍ជាក់ស្តែងរបស់ប្រទេសជាតិ។
ជាថ្មីម្តងទៀត សហរដ្ឋអាមេរិក បានចេញសេចក្តីថ្លែងការណ៍ ជុំវិញស្ថានការណ៍ប្រទេសកម្ពុជា នាពេលបច្ចុប្បន្ន ជាពិសេសផ្តោតទៅលើការកែប្រែច្បាប់មួយចំនួន ដែលបើកផ្លូវឲ្យគណៈកម្មាធិការជាតិរៀបចំការបោះឆ្នោត អាចបែងចែងអាសនៈក្នុងរដ្ឋសភា និងអាសនៈជាសមាជិកក្រុមប្រឹក្សាឃុំ-សង្កាត់ របស់គណបក្សសង្គ្រោះជាតិ ក្នុងករណីត្រូវរំលាយ ទៅឲ្យគណបក្សដទៃ។
សេចក្តីថ្លែងការណ៍ ដែលចេញដោយអ្នកនាំពាក្យក្រសួងការបរទេសសហរដ្ឋអាមេរិក នៅថ្ងៃទី១៦ ខែតុលា ឆ្នាំ២0១៧ បានលើកឡើងថា បើច្បាប់នោះ ត្រូវបានដាក់ឲ្យអនុវត្តជាផ្លូវនៅប្រទេសកម្ពុជា ហើយបន្ទាប់មក ការរំលាយគណបក្សសង្គ្រោះជាតិ ក៏ស្រាប់តែកើតឡើងដែរនោះ វាអាចជា «ការដកសិទ្ធិរបស់ប្រជាពលរដ្ឋកម្ពុជារាប់លាននាក់ ដែលបានបោះឆ្នោតឲ្យគណសង្គ្រោះជាតិ កាលពីឆ្នាំ២0១៣ និងឆ្នាំ២0១៧»។
ក្នុងសេចក្តីថ្លែងការណ៍ សហរដ្ឋអាមេរិក ក៏ឆ្លៀតស្នើម្តងទៀតដែរ ដោយសុំឲ្យដោះលែងឯកឧត្តម កឹម សុខា ហើយថែមទាំងសុំឲ្យរដ្ឋាភិបាលកម្ពុជា ពិចារណាចំពោះសកម្មភាពរបស់ខ្លួននាពេលបច្ចុប្បន្ន។ លើសពីនេះ ការបោះឆ្នោតនៅប្រទេសកម្ពុជា ក៏ត្រូវបានសហរដ្ឋអាមេរិក លើកមកនិយាយដែរ។ សហរដ្ឋអាមេរិក លើកឡើងថា ការប្រកួតប្រជែងដ៏ត្រឹមត្រូវក្នុងការបោះឆ្នោត នាឆ្នាំ២0១៨ មានសារសំខាន់ខ្លាំងណាស់ចំពោះលទ្ធិប្រជាធិបតេយ្យនិងភាពស្របច្បាប់។
ជុំវិញការកែប្រែច្បាប់ទាក់ទងនឹងការបែងចែងអាសនៈរបស់គណបក្សមួយ ដែលត្រូវរំលាយ ទៅឲ្យគណបក្សដទៃ ភាគីគណបក្សប្រជាជនកម្ពុជា ធ្លាប់ថ្លែងការពាររួចហើយ។ ក្នុងកិច្ចប្រជុំពេញអង្គនៃរដ្ឋសភា នៅថ្ងៃទី១៦ ខែតុលា ឆ្នាំ២0១៧ លោក ជាម យៀប តំណាងរាស្ត្រនិងជាមន្ត្រីជាន់ខ្ពស់គណបក្សប្រជាជនកម្ពុជា បានអះអាងថា ការកែប្រែនេះ នឹងធ្វើឲ្យច្បាប់ក្នុងប្រទេសកម្ពុជា មានភាពពេញលេញ ដើម្បីអនុវត្តឲ្យបានសមស្របទៅតាមសភាពការណ៍ជាក់ស្តែងនាពេលបច្ចុប្បន្ន។ លោក សង្កត់ធ្ងន់យ៉ាងដូច្នេះ៖«ខ្ញុំសូមជម្រាបថា ការស្នើសុំធ្វើវិសោធនកម្មច្បាប់ទាំង៤នេះ គ្មានចេតនាចង់បំផ្លិចបំផ្លាញ បុគ្គលឬគណបក្សណាមួយឡើយ»។
រីឯលោក ឡេង ប៉េងឡុង អ្នកនាំពាក្យរដ្ឋសភា យល់ឃើញថា ខ្លឹមសារនៃច្បាប់ គឺតែងតែអនុវត្តលើគ្រប់ភាគីទាំងអស់។ លោក និយាយយ៉ាងដូច្នេះ៖«យើង មិនសំដៅទៅលើគណបក្សណាទេ។ ច្បាប់ហ្នឹង គឺមានវិសាលភាពទូទៅ ឲ្យតែគណបក្សណាធ្វើខុស គឺត្រូវយកមកអនុវត្តហើយ»។
សូមបញ្ជាក់ថា បច្ចុប្បន្ន សេចក្តីស្នើសុំឲ្យធ្វើវិសោធនកម្មច្បាប់ទាំង៤ ដែលរួមមាន ច្បាប់ស្តីពីការបោះឆ្នោតជ្រើសតាំងតំណាងរាស្ត្រ ច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ច្បាប់ស្តីពីការបោះឆ្នោតជ្រើសតាំងក្រុមប្រឹក្សាឃុំ សង្កាត់ និងច្បាប់ស្តីពីការបោះឆ្នោតជ្រើសតាំងក្រុមប្រឹក្សារាជធានី ខេត្ត ក្រុង ស្រុក ខណ្ឌ កំពុងស្ថិតក្នុងការពិនិត្យរបស់ព្រឹទ្ធសភា។ ជានីតិវិធី ក្រោយពិនិត្យនិងអនុម័តចប់ពេលណា សេចក្តីស្នើទាំងនោះ នឹងត្រូវបញ្ជូនទៅកាន់ក្រុមប្រឹក្សាធម្មនុញ្ញ ដើម្បីពិនិត្យបន្ត។ នៅដំណាក់កាលចុងក្រោយ សេចក្តីស្នើខាងលើ ត្រូវថ្វាយទៅព្រះមហាក្សត្រ ដើម្បីព្រះអង្គ ឡាយព្រះហស្តឲ្យប្រើប្រាស់ជាផ្លូវការ៕
ជាថ្មីម្តងទៀត សហរដ្ឋអាមេរិក បានចេញសេចក្តីថ្លែងការណ៍ ជុំវិញស្ថានការណ៍ប្រទេសកម្ពុជា នាពេលបច្ចុប្បន្ន ជាពិសេសផ្តោតទៅលើការកែប្រែច្បាប់មួយចំនួន ដែលបើកផ្លូវឲ្យគណៈកម្មាធិការជាតិរៀបចំការបោះឆ្នោត អាចបែងចែងអាសនៈក្នុងរដ្ឋសភា និងអាសនៈជាសមាជិកក្រុមប្រឹក្សាឃុំ-សង្កាត់ របស់គណបក្សសង្គ្រោះជាតិ ក្នុងករណីត្រូវរំលាយ ទៅឲ្យគណបក្សដទៃ។
សេចក្តីថ្លែងការណ៍ ដែលចេញដោយអ្នកនាំពាក្យក្រសួងការបរទេសសហរដ្ឋអាមេរិក នៅថ្ងៃទី១៦ ខែតុលា ឆ្នាំ២0១៧ បានលើកឡើងថា បើច្បាប់នោះ ត្រូវបានដាក់ឲ្យអនុវត្តជាផ្លូវនៅប្រទេសកម្ពុជា ហើយបន្ទាប់មក ការរំលាយគណបក្សសង្គ្រោះជាតិ ក៏ស្រាប់តែកើតឡើងដែរនោះ វាអាចជា «ការដកសិទ្ធិរបស់ប្រជាពលរដ្ឋកម្ពុជារាប់លាននាក់ ដែលបានបោះឆ្នោតឲ្យគណសង្គ្រោះជាតិ កាលពីឆ្នាំ២0១៣ និងឆ្នាំ២0១៧»។
ក្នុងសេចក្តីថ្លែងការណ៍ សហរដ្ឋអាមេរិក ក៏ឆ្លៀតស្នើម្តងទៀតដែរ ដោយសុំឲ្យដោះលែងឯកឧត្តម កឹម សុខា ហើយថែមទាំងសុំឲ្យរដ្ឋាភិបាលកម្ពុជា ពិចារណាចំពោះសកម្មភាពរបស់ខ្លួននាពេលបច្ចុប្បន្ន។ លើសពីនេះ ការបោះឆ្នោតនៅប្រទេសកម្ពុជា ក៏ត្រូវបានសហរដ្ឋអាមេរិក លើកមកនិយាយដែរ។ សហរដ្ឋអាមេរិក លើកឡើងថា ការប្រកួតប្រជែងដ៏ត្រឹមត្រូវក្នុងការបោះឆ្នោត នាឆ្នាំ២0១៨ មានសារសំខាន់ខ្លាំងណាស់ចំពោះលទ្ធិប្រជាធិបតេយ្យនិងភាពស្របច្បាប់។
ជុំវិញការកែប្រែច្បាប់ទាក់ទងនឹងការបែងចែងអាសនៈរបស់គណបក្សមួយ ដែលត្រូវរំលាយ ទៅឲ្យគណបក្សដទៃ ភាគីគណបក្សប្រជាជនកម្ពុជា ធ្លាប់ថ្លែងការពាររួចហើយ។ ក្នុងកិច្ចប្រជុំពេញអង្គនៃរដ្ឋសភា នៅថ្ងៃទី១៦ ខែតុលា ឆ្នាំ២0១៧ លោក ជាម យៀប តំណាងរាស្ត្រនិងជាមន្ត្រីជាន់ខ្ពស់គណបក្សប្រជាជនកម្ពុជា បានអះអាងថា ការកែប្រែនេះ នឹងធ្វើឲ្យច្បាប់ក្នុងប្រទេសកម្ពុជា មានភាពពេញលេញ ដើម្បីអនុវត្តឲ្យបានសមស្របទៅតាមសភាពការណ៍ជាក់ស្តែងនាពេលបច្ចុប្បន្ន។ លោក សង្កត់ធ្ងន់យ៉ាងដូច្នេះ៖«ខ្ញុំសូមជម្រាបថា ការស្នើសុំធ្វើវិសោធនកម្មច្បាប់ទាំង៤នេះ គ្មានចេតនាចង់បំផ្លិចបំផ្លាញ បុគ្គលឬគណបក្សណាមួយឡើយ»។
រីឯលោក ឡេង ប៉េងឡុង អ្នកនាំពាក្យរដ្ឋសភា យល់ឃើញថា ខ្លឹមសារនៃច្បាប់ គឺតែងតែអនុវត្តលើគ្រប់ភាគីទាំងអស់។ លោក និយាយយ៉ាងដូច្នេះ៖«យើង មិនសំដៅទៅលើគណបក្សណាទេ។ ច្បាប់ហ្នឹង គឺមានវិសាលភាពទូទៅ ឲ្យតែគណបក្សណាធ្វើខុស គឺត្រូវយកមកអនុវត្តហើយ»។
សូមបញ្ជាក់ថា បច្ចុប្បន្ន សេចក្តីស្នើសុំឲ្យធ្វើវិសោធនកម្មច្បាប់ទាំង៤ ដែលរួមមាន ច្បាប់ស្តីពីការបោះឆ្នោតជ្រើសតាំងតំណាងរាស្ត្រ ច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ច្បាប់ស្តីពីការបោះឆ្នោតជ្រើសតាំងក្រុមប្រឹក្សាឃុំ សង្កាត់ និងច្បាប់ស្តីពីការបោះឆ្នោតជ្រើសតាំងក្រុមប្រឹក្សារាជធានី ខេត្ត ក្រុង ស្រុក ខណ្ឌ កំពុងស្ថិតក្នុងការពិនិត្យរបស់ព្រឹទ្ធសភា។ ជានីតិវិធី ក្រោយពិនិត្យនិងអនុម័តចប់ពេលណា សេចក្តីស្នើទាំងនោះ នឹងត្រូវបញ្ជូនទៅកាន់ក្រុមប្រឹក្សាធម្មនុញ្ញ ដើម្បីពិនិត្យបន្ត។ នៅដំណាក់កាលចុងក្រោយ សេចក្តីស្នើខាងលើ ត្រូវថ្វាយទៅព្រះមហាក្សត្រ ដើម្បីព្រះអង្គ ឡាយព្រះហស្តឲ្យប្រើប្រាស់ជាផ្លូវការ៕
Tag:
អាមេរិក
កឹម សុខា
ច្បាប់ចែកអាសនៈ
© រក្សាសិទ្ធិដោយ thmeythmey.com
