ដោយឡែកក្រុមខ្លាំងមួយគូទៀតគឺក្រុមកំពុងនាំមុនគេក្នុងតារាង Premier League បច្ចុប្បន្ន Manchester City និងត្រូវប៉ះក្រុមលេខ១របស់លីកកំពូលអ៊ីតាលី SSC Napoli។
ក្រុមដែលដឹកនាំដោយអ្នកចាត់ការសញ្ជាតិអេស្ប៉ាញ Guardiola បាននាំក្រុមរហស្សនាមមេឃខៀវបង្ហាញភាពខ្លាំងរបស់ខ្លួនដោយប្រកួតមិនដែលស្គាល់ចាញ់ឡើយតាំងពីដើមរដូវកាលថ្មីមក។ Manchester City អាចរកជ័យជម្នះទាំង២ប្រកួតកន្លងមកក្នុងវគ្គសន្សំពិន្ទុ ពានChampion League ឈរនៅកំពូលតារាងពូល F។
ចំណែកកូនក្រុមរបស់អ្នកចាត់ការសញ្ជាតិអ៊ីតាលីលោក Maurizio Sarri បានដឹកនាំ Napoli ប្រកួតលីកក្នុងស្រុកមិនដែលចាញ់ដូចគ្នាពោលគឺឈ្នះទាំង៨លើក ប៉ុន្តែធ្វើមិនសូវបានល្អក្នុងពានកំពូលអឺរ៉ុបដោយ២ប្រកួតកន្លងមកឈ្នះបានតែម្តងប៉ុណ្ណោះមាន៣ពិន្ទុ ឈរនៅចំណាត់ថ្នាក់លេខ៣។
ជម្រើស១១ដំបូងនៅយប់នេះរបស់ Man City-Napoli
Manchester City ៖ អ្នកចាំទី:Ederson, ខ្សែការពារ: Walker, Stones, Otamendi, Delph ខ្សែបម្រើ: De Bruyne, Fernandinho, Silva ខ្សែប្រយុទ្ធ: Sterling, Gabriel Jesus និង Leroy Sané។
Napoli ៖ អ្នកចាំទី:Reina ខ្សែការពារ: Hysaj, Albiol, Koulibaly, Ghoulam ខ្សែបម្រើ: Allan, Jorginho, Hamsik ខ្សែប្រយុទ្ធ: Callejón, Mertens និង Insigne៕