ជាតិ
ការបរទេសកម្ពុជា-សិង្ហបុរី ពង្រឹងកិច្ចសហប្រតិបត្តិការលើកិច្ចការនយោបាយ លោក ប្រាក់ សុខុន រដ្ឋមន្ត្រីក្រសួងការបរទេស និងសមាភាគីសិង្ហបុរី លោក វីវៀន បាឡាគ្រីស្សស្នាន (Vivian Balakrishnan)
× លោក ប្រាក់ សុខុន រដ្ឋមន្ត្រីក្រសួងការបរទេស និងសមាភាគីសិង្ហបុរី លោក វីវៀន បាឡាគ្រីស្សស្នាន (Vivian Balakrishnan) បានចុះហត្ថលេខាលើអនុស្សារណៈយោគយល់គ្នា (MOU) ស្តីពីការពិគ្រោះយោបល់ផ្នែកនយោបាយ។ ពិធីចុះហត្ថលេខា បានប្រព្រឹត្តទៅនៅទីស្តីការក្រសួងការបរទេសកាលពីព្រឹកថ្ងៃទី១៧ ខែតុលា នាអំឡុងនៃទស្សនកិច្ចរបស់លោក លោក វីវៀន បាឡាគ្រីស្សស្នាន នៅកម្ពុជា។
ក្រោយពិធីចុះហត្ថលេខារវាងប្រមុខការទូតទាំងពីរ លោក ជុំ សុន្ទរី អ្នកនាំពាក្យក្រសួងការបរទេសកម្ពុជា បានថ្លែងថា MOU នេះ បង្កើនការជួបពិគ្រោះយោបល់ផ្នែកនយោបាយរវាងក្រសួងការបរទេសទាំងពីរ ដោយដោយផ្តោតសំខាន់ទៅលើកិច្ចសហប្រតិបត្តិការលើគ្រប់វិស័យ។
លោក ជុំ សុន្ទរី បានបន្ថែមថា ក្រសួងការបរទេសនៃប្រទេសជាមិត្តទាំងពីរ នឹងផ្លាស់ប្តូរយោបល់គ្នាលើបញ្ហាផ្សេងៗក្នុងតំបន់ ក៏ដូចជាអន្តរជាតិ ដើម្បីជាប្រយោជន៍រួមនៃប្រទេសទាំងពីរ៕
© រក្សាសិទ្ធិដោយ thmeythmey.com