មីនុយសំខាន់
អន្តរជាតិ
មហាសន្និបាត៖ ស៊ី ជិនភីង សរសើរនយោបាយកណ្តាប់ដៃដែកកម្ចាត់មន្ត្រីពុករលួយជាង១លាននាក់
រូបភាព៖ Xinhua
×![]()
ក្នុងពេលរៀបរាប់ពីសមិទ្ធផលបក្សកុម្មុយនីស្តចិនសម្រេចបានប្រាំឆ្នាំមកនេះ អគ្គលេខាធិការបក្សកុម្មុយនីស្តចិនលោក ស៊ី ជិនភីង បានកោតសរសើរគោលនយោបាយកណ្តាប់ដៃដែកកម្ចាត់អំពើពុករលួយស៊ីរូងផ្ទៃក្នុងផងដែរ។ នយោបាយកម្ចាត់អំពើពុករលួយនេះកម្ចាត់អស់តាំងពី«មន្ត្រីរុយ» ដល់«មន្ត្រីខ្លា»ក្នុងបក្សកុម្មុយនីស្ត។
ថ្លែងទៅកាន់សមាជិកសមាជិកាបក្សកុម្មុយនីស្តជាង ២ពាន់នាក់ រួមទាំងអតីតប្រធានាធិបតី Jiang Zemin ដែលស្ថិតក្នុងវ័យ ៩១ នោះ លោក ស៊ី ជិនភីង បានអះអាងថា យុទ្ធនាការកម្ចាត់អំពើពុករលួយកន្លងមកពិតមានសន្ទុះខ្លាំងលើសលុប និងរួមចំណែកសំខាន់ដល់ការអភិវឌ្ឍយ៉ាងរហ័សរបស់ចិនផង។
ក្នុងវីដេអូផ្សាយផ្ទាល់របស់ទីភ្នាក់ងារព័ត៌មានចិនស៊ិនហួរ ប្រធានាធិបតីចិនលោក ស៊ី ជិនភីង បានថ្លែងដូច្នេះ៖« ការប្រឆាំងអំពើពុករលួយបានជួយបង្កើតជំហរមួយដ៏អស្ចារ្យ និងរឹងមាំក្នុងការអភិវឌ្ឍន៍របស់ចិន»។
តាំងពីឡើងកាន់អំណាចនៅឆ្នាម ២០១៤ លោក ស៊ី ជិនភីង បានបង្កើនចំណាត់ការប្រឆាំងអំពើពុករលួយឥតមានបន្ធូរបន្ថយដៃឡើយ ដោយលោកកម្ចាត់មន្ត្រីពុករលួយទាំងស្ថិតក្នុងតំណែងគ្រាក់ៗ និងស្ថិតក្នុងតំណែងតូចទាបផង។ មន្ត្រី ១,៣លាននាក់ ទាំងតូច ទាំងធំ ត្រូវបានចាប់ខ្លួន បណ្តេញចេញពីបក្ស និង ជាប់ពន្ធនាគារផង។ ក្នុងចំណោមនោះមានមន្ត្រីដ៏មានឥទ្ធិពលដូចជាលោក Zhou Yongkang ប្រធានផ្នែកសន្តិសុខផ្ទៃក្នុង រួមតាំងអតីតអនុប្រធានគណៈកម្មការយោធាមជ្ឈិមលោក Xu Caihou និងលោក Guo Boxiong ថែមទៀត។
យ៉ាងណាមិញអ្នកវិភាគមួយចំនួនយល់ថា លោក ស៊ី ជិនភីង ប្រើប្រាស់គោលនយោបាយប្រឆាំងអំពើពុករលួយនេះដើម្បីកម្ចាត់គូបដិបក្ខខ្លួន និងដើម្បីប្រមូលផ្តុំអំណាចផង។ គោលនយោបាយប្រឆាំងអំពើពុករលួយជាភារកិច្ចរបស់មន្ត្រីជាន់ខ្ពស់ដៃស្តាំរបស់លោក ស៊ី ជិនភិង លោក វ៉ាង ជីសាន (Wang Qishan) ប្រធានគណៈកម្មការត្រួតពិនិត្យវិន័យនោះ៕
ថ្លែងទៅកាន់សមាជិកសមាជិកាបក្សកុម្មុយនីស្តជាង ២ពាន់នាក់ រួមទាំងអតីតប្រធានាធិបតី Jiang Zemin ដែលស្ថិតក្នុងវ័យ ៩១ នោះ លោក ស៊ី ជិនភីង បានអះអាងថា យុទ្ធនាការកម្ចាត់អំពើពុករលួយកន្លងមកពិតមានសន្ទុះខ្លាំងលើសលុប និងរួមចំណែកសំខាន់ដល់ការអភិវឌ្ឍយ៉ាងរហ័សរបស់ចិនផង។
ក្នុងវីដេអូផ្សាយផ្ទាល់របស់ទីភ្នាក់ងារព័ត៌មានចិនស៊ិនហួរ ប្រធានាធិបតីចិនលោក ស៊ី ជិនភីង បានថ្លែងដូច្នេះ៖« ការប្រឆាំងអំពើពុករលួយបានជួយបង្កើតជំហរមួយដ៏អស្ចារ្យ និងរឹងមាំក្នុងការអភិវឌ្ឍន៍របស់ចិន»។
តាំងពីឡើងកាន់អំណាចនៅឆ្នាម ២០១៤ លោក ស៊ី ជិនភីង បានបង្កើនចំណាត់ការប្រឆាំងអំពើពុករលួយឥតមានបន្ធូរបន្ថយដៃឡើយ ដោយលោកកម្ចាត់មន្ត្រីពុករលួយទាំងស្ថិតក្នុងតំណែងគ្រាក់ៗ និងស្ថិតក្នុងតំណែងតូចទាបផង។ មន្ត្រី ១,៣លាននាក់ ទាំងតូច ទាំងធំ ត្រូវបានចាប់ខ្លួន បណ្តេញចេញពីបក្ស និង ជាប់ពន្ធនាគារផង។ ក្នុងចំណោមនោះមានមន្ត្រីដ៏មានឥទ្ធិពលដូចជាលោក Zhou Yongkang ប្រធានផ្នែកសន្តិសុខផ្ទៃក្នុង រួមតាំងអតីតអនុប្រធានគណៈកម្មការយោធាមជ្ឈិមលោក Xu Caihou និងលោក Guo Boxiong ថែមទៀត។
អត្ថបទទាក់ទង
យ៉ាងណាមិញអ្នកវិភាគមួយចំនួនយល់ថា លោក ស៊ី ជិនភីង ប្រើប្រាស់គោលនយោបាយប្រឆាំងអំពើពុករលួយនេះដើម្បីកម្ចាត់គូបដិបក្ខខ្លួន និងដើម្បីប្រមូលផ្តុំអំណាចផង។ គោលនយោបាយប្រឆាំងអំពើពុករលួយជាភារកិច្ចរបស់មន្ត្រីជាន់ខ្ពស់ដៃស្តាំរបស់លោក ស៊ី ជិនភិង លោក វ៉ាង ជីសាន (Wang Qishan) ប្រធានគណៈកម្មការត្រួតពិនិត្យវិន័យនោះ៕
Tag:
ស៊ី ជិនភីង
មហាសន្និបាតទី១៩
បក្សកុម្មុយនីស្តចិន
© រក្សាសិទ្ធិដោយ thmeythmey.com
