ជាតិ
រូបភាព៖ លោក ថេត គ្រូស សមាជិកព្រឹទ្ធសភាអាមេរិក
×![]()
ដោយ: ម៉ៅ សុផា
ភ្នំពេញ៖ ការបន្តឃុំខ្លួនឯកឧត្តម កឹម សុខា ធ្វើឲ្យរដ្ឋាភិបាលកម្ពុជា រងការព្រមានជាថ្មី ពីសហរដ្ឋអាមេរិក។ លោក Ted Cruz សមាជិកព្រឹទ្ធសភាអាមេរិក ព្រមានថា បើឯកឧត្តម កឹម សុខា មិនត្រូវបានដោះលែងទេ ការធ្វើដំណើរបស់មន្ត្រីរដ្ឋាភិបាលកម្ពុជាមួយចំនួន ទៅកាន់ទឹកដីនៃប្រទេសមហាអំណាចមួយនេះ នឹងត្រូវហាមឃាត់។ មន្ត្រីជាន់ខ្ពស់រដ្ឋាភិបាលកម្ពុជា ឆ្លើយតបថា ទោះព្រមានបែបនេះក្តី ក៏កម្ពុជា មិនបារម្ភដែរ ហើយនៅតែបន្តធ្វើអ្វី ដែលស្ថិតក្នុងដែនអធិបតេយ្យរបស់ខ្លួន។
សមាជិកព្រឹទ្ធសភាដ៏មានឥទ្ធិពលម្នាក់របស់សហរដ្ឋអាមេរិក លោក ថេត គ្រូស (Ted Cruz) ទុកពេលឲ្យរដ្ឋាភិបាលកម្ពុជា ត្រឹមថ្ងៃទី៩ ខែវិច្ឆិកា ឆ្នាំ២0១៧ ដែលជាថ្ងៃបញ្ចប់ការចុះឈ្មោះបោះឆ្នោតថ្មី ដើម្បីដោះលែងឯកឧត្តម កឹម សុខា ប្រធានគណបក្សសង្គ្រោះជាតិ ដែលកំពុងស្ថិតក្នុងពន្ធនាគារ ក្រោមការសង្ស័យរបស់តុលាការ ថាជាប់ពាក់ព័ន្ធនឹងអំពើក្បត់ជាតិ។ លោក ថេត គ្រូស ដែលជាអតីតបេក្ខជនចូលរួមប្រកួតប្រជែងយកតំណែងប្រធានាធិបតីនៃសហរដ្ឋអាមេរិកផងនោះ ព្រមានពីការដាក់ទណ្ឌកម្ម តាមរយៈការហាមឃាត់មន្ត្រីរដ្ឋាភិបាលកម្ពុជាមួយចំនួន មិនឲ្យចូលទឹកដីសហរដ្ឋអាមេរិក បើមិនដោះលែងឯកឧត្តម កឹម សុខា តាមសំណើរបស់លោក។
ការព្រមានរបស់លោក ថេត គ្រូស ធ្វើឡើងតាមរយៈលិខិតមួយ ដែលផ្ញើទៅកាន់ឯកអគ្គរាជទូតកម្ពុជាប្រចាំសហរដ្ឋអាមេរិក លោក ជុំ ប៊ុនរ៉ុង នៅថ្ងៃទី២៣ ខែតុលា ឆ្នាំ២0១៧។ ក្នុងលិខិតនោះ សមាជិកព្រឹទ្ធសភាសហរដ្ឋអាមេរិករូបនេះ បានបង្ហាញក្តីបារម្ភយ៉ាងខ្លាំងចំពោះស្ថានការណ៍នយោបាយកម្ពុជា ជាពិសេសលោក បានសង្កត់ធ្ងន់ ទៅលើការឃុំខ្លួនឯកឧត្តម កឹម សុខា។ លោក បានលើកឡើងក្នុងលិខិតទៀតថា ការបោះឆ្នោតនៅកម្ពុជា នាឆ្នាំ២០១៨ នឹងមិនមានភាពត្រឹមត្រូវ និងយុត្តិធម៌នោះទេ បើឯកឧត្តម កឹម សុខា នៅតែជាប់ឃុំ។
ក្នុងលិខិត ដែលផ្ញើទៅកាន់ឯកអគ្គរាជទូកម្ពុជាប្រចាំសហរដ្ឋអាមេរិក លោក ថេត គ្រូស បានព្រមានយ៉ាងដូច្នេះ៖«បើនាយករដ្ឋមន្ត្រីរបស់លោក [សម្តេច ហ៊ុន សែន] មិនដោះលែងឯកឧត្តម កឹម សុខា ឲ្យបានមុន ឬត្រឹមថ្ងៃទី៩ ខែវិច្ឆិកា ឆ្នាំ២០១៧ ខ្ញុំ នឹងធ្វើកិច្ចការជាមួយសហការីរបស់ខ្ញុំ ក្នុងស្ថាប័នព្រឹទ្ធសភា រួមទាំងរដ្ឋបាលរបស់លោកប្រធានាធិបតី ដូណាល់ ត្រាំ ដើម្បីរកឲ្យឃើញថា មន្ត្រីរដ្ឋាភិបាលកម្ពុជាណាខ្លះ ដែលមានទំនួលខុសត្រូវចំពោះរឿងទាំងនេះ នឹងត្រូវរារាំងមិនឲ្យធ្វើដំណើរមកកាន់សហរដ្ឋអាមេរិក»។
«ការព្រមាននេះ មិនមានបញ្ហាអ្វីទេ។ គ្រាន់តែជាការព្រមានចោល។ គ្មានអ្វីដែលត្រូវញញើតឡើយ»។ អ្នកនាំពាក្យនៃទីស្តីការគណៈរដ្ឋមន្ត្រី លោក ផៃ ស៊ីផាន បានឆ្លើយតបយ៉ាងដូច្នេះ ទៅកាន់លោក ថេត គ្រូស ហើយសង្កត់ធ្ងន់ៗថា កម្ពុជា ជាប្រទេសឯករាជ្យនិងមានអធិបតេយ្យភាព ដោយមិនស្ថិតក្រោមឱវាទរបស់បរទេសណាមួយឡើយ។
លោក ផៃ ស៊ីផាន ប្រាប់សារព័ត៌មានថ្មីៗថា ការព្រមានរបស់លោក ថេត គ្រូស មិនអាចបញ្ឈប់នីតិវិធីរបស់តុលាការកម្ពុជា ដែលកំពុងចាត់ការលើឯកឧត្តម កឹម សុខា នោះទេ។ មន្ត្រីជាន់ខ្ពស់របស់រដ្ឋាភិបាលរូបនេះ បន្តថា ការសម្រេចចិត្តរបស់លោក ថេត គ្រូស ខាងលើ មិនប៉ះពាល់ប្រយោជន៍របស់កម្ពុជាឡើយ។ ប៉ុន្តែ លោក យល់ថា ការសម្រេចចិត្តបែបនេះ ធ្វើឲ្យខូចប្រយោជន៍របស់សហរដ្ឋអាមេរិកវិញទេ ហើយក៏អាចនាំឲ្យសហរដ្ឋអាមេរិក ឯកោដែរ។
សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា ប្រកាសរួចហើយថា មិនឲ្យបរទេស ចូលមកពាក់ព័ន្ធឬលូកដៃទៅនឹងសំណុំរឿងរបស់ឯកឧត្តម កឹម សុខា ក៏ដូចជាគណបក្សសង្គ្រោះជាតិ។ ថ្មីៗនេះ សម្តេច ហ៊ុន សែន បានលើកឡើងថា ការអនុវត្តច្បាប់លើគណបក្សសង្គ្រោះជាតិ គឺមិនអាចជៀសផុតឡើយ។ ប្រធានគណបក្សប្រជាជនកម្ពុជា និយាយបែបនេះថា៖«អំពើរបស់អ្នក ត្រូវតែផ្តន្ទាទោសហើយ»។
កន្លងមក សហរដ្ឋអាមេរិក តាមរយៈស្ថានទូតរបស់ខ្លួនប្រចាំកម្ពុជា ធ្លាប់សម្តែងក្តីបារម្ភពីស្ថានការណ៍នយោបាយនៅកម្ពុជា និងស្នើឲ្យដោះលែងឯកឧត្តម កឹម សុខា ម្តងរួមមកហើយ។ សហរដ្ឋអាមេរិក ក៏ធ្លាប់ព្រមានពីការបញ្ឈប់ផ្តល់ទិដ្ឋាការរបស់ខ្លួន ដល់មន្ត្រីមួយចំនួន ដែលបម្រើការងារនៅក្នុងក្រសួងការបរទេសកម្ពុជាផងដែរ។
ក្រៅពីសហរដ្ឋអាមេរិក នៅមានសហគមន៍អន្តរជាតិផ្សេងទៀត បានចេញមកអំពាវនាវជាបន្តបន្ទាប់ ទៅកាន់រដ្ឋាភិបាលកម្ពុជា ដើម្បីសុំឲ្យផ្តល់សេរីដល់ឯកឧត្តម កឹម សុខា ឡើងវិញ។ ប៉ុន្តែ អន្តរាគមន៍របស់សហគមន៍អន្តរជាតិ មិនមានប្រសិទ្ធភាពឡើយ។ ផ្ទុយទៅវិញ សហគមន៍អន្តរជាតិទាំងនោះ ថែមទាំងរងការវាយបកពីរដ្ឋាភិបាលកម្ពុជាវិញថា ពួកគេ បានលូកដៃចូលមកក្នុងកិច្ចការផ្ទៃក្នុងរបស់កម្ពុជា៕
សមាជិកព្រឹទ្ធសភាដ៏មានឥទ្ធិពលម្នាក់របស់សហរដ្ឋអាមេរិក លោក ថេត គ្រូស (Ted Cruz) ទុកពេលឲ្យរដ្ឋាភិបាលកម្ពុជា ត្រឹមថ្ងៃទី៩ ខែវិច្ឆិកា ឆ្នាំ២0១៧ ដែលជាថ្ងៃបញ្ចប់ការចុះឈ្មោះបោះឆ្នោតថ្មី ដើម្បីដោះលែងឯកឧត្តម កឹម សុខា ប្រធានគណបក្សសង្គ្រោះជាតិ ដែលកំពុងស្ថិតក្នុងពន្ធនាគារ ក្រោមការសង្ស័យរបស់តុលាការ ថាជាប់ពាក់ព័ន្ធនឹងអំពើក្បត់ជាតិ។ លោក ថេត គ្រូស ដែលជាអតីតបេក្ខជនចូលរួមប្រកួតប្រជែងយកតំណែងប្រធានាធិបតីនៃសហរដ្ឋអាមេរិកផងនោះ ព្រមានពីការដាក់ទណ្ឌកម្ម តាមរយៈការហាមឃាត់មន្ត្រីរដ្ឋាភិបាលកម្ពុជាមួយចំនួន មិនឲ្យចូលទឹកដីសហរដ្ឋអាមេរិក បើមិនដោះលែងឯកឧត្តម កឹម សុខា តាមសំណើរបស់លោក។
ការព្រមានរបស់លោក ថេត គ្រូស ធ្វើឡើងតាមរយៈលិខិតមួយ ដែលផ្ញើទៅកាន់ឯកអគ្គរាជទូតកម្ពុជាប្រចាំសហរដ្ឋអាមេរិក លោក ជុំ ប៊ុនរ៉ុង នៅថ្ងៃទី២៣ ខែតុលា ឆ្នាំ២0១៧។ ក្នុងលិខិតនោះ សមាជិកព្រឹទ្ធសភាសហរដ្ឋអាមេរិករូបនេះ បានបង្ហាញក្តីបារម្ភយ៉ាងខ្លាំងចំពោះស្ថានការណ៍នយោបាយកម្ពុជា ជាពិសេសលោក បានសង្កត់ធ្ងន់ ទៅលើការឃុំខ្លួនឯកឧត្តម កឹម សុខា។ លោក បានលើកឡើងក្នុងលិខិតទៀតថា ការបោះឆ្នោតនៅកម្ពុជា នាឆ្នាំ២០១៨ នឹងមិនមានភាពត្រឹមត្រូវ និងយុត្តិធម៌នោះទេ បើឯកឧត្តម កឹម សុខា នៅតែជាប់ឃុំ។
ក្នុងលិខិត ដែលផ្ញើទៅកាន់ឯកអគ្គរាជទូកម្ពុជាប្រចាំសហរដ្ឋអាមេរិក លោក ថេត គ្រូស បានព្រមានយ៉ាងដូច្នេះ៖«បើនាយករដ្ឋមន្ត្រីរបស់លោក [សម្តេច ហ៊ុន សែន] មិនដោះលែងឯកឧត្តម កឹម សុខា ឲ្យបានមុន ឬត្រឹមថ្ងៃទី៩ ខែវិច្ឆិកា ឆ្នាំ២០១៧ ខ្ញុំ នឹងធ្វើកិច្ចការជាមួយសហការីរបស់ខ្ញុំ ក្នុងស្ថាប័នព្រឹទ្ធសភា រួមទាំងរដ្ឋបាលរបស់លោកប្រធានាធិបតី ដូណាល់ ត្រាំ ដើម្បីរកឲ្យឃើញថា មន្ត្រីរដ្ឋាភិបាលកម្ពុជាណាខ្លះ ដែលមានទំនួលខុសត្រូវចំពោះរឿងទាំងនេះ នឹងត្រូវរារាំងមិនឲ្យធ្វើដំណើរមកកាន់សហរដ្ឋអាមេរិក»។
«ការព្រមាននេះ មិនមានបញ្ហាអ្វីទេ។ គ្រាន់តែជាការព្រមានចោល។ គ្មានអ្វីដែលត្រូវញញើតឡើយ»។ អ្នកនាំពាក្យនៃទីស្តីការគណៈរដ្ឋមន្ត្រី លោក ផៃ ស៊ីផាន បានឆ្លើយតបយ៉ាងដូច្នេះ ទៅកាន់លោក ថេត គ្រូស ហើយសង្កត់ធ្ងន់ៗថា កម្ពុជា ជាប្រទេសឯករាជ្យនិងមានអធិបតេយ្យភាព ដោយមិនស្ថិតក្រោមឱវាទរបស់បរទេសណាមួយឡើយ។
លោក ផៃ ស៊ីផាន ប្រាប់សារព័ត៌មានថ្មីៗថា ការព្រមានរបស់លោក ថេត គ្រូស មិនអាចបញ្ឈប់នីតិវិធីរបស់តុលាការកម្ពុជា ដែលកំពុងចាត់ការលើឯកឧត្តម កឹម សុខា នោះទេ។ មន្ត្រីជាន់ខ្ពស់របស់រដ្ឋាភិបាលរូបនេះ បន្តថា ការសម្រេចចិត្តរបស់លោក ថេត គ្រូស ខាងលើ មិនប៉ះពាល់ប្រយោជន៍របស់កម្ពុជាឡើយ។ ប៉ុន្តែ លោក យល់ថា ការសម្រេចចិត្តបែបនេះ ធ្វើឲ្យខូចប្រយោជន៍របស់សហរដ្ឋអាមេរិកវិញទេ ហើយក៏អាចនាំឲ្យសហរដ្ឋអាមេរិក ឯកោដែរ។
សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា ប្រកាសរួចហើយថា មិនឲ្យបរទេស ចូលមកពាក់ព័ន្ធឬលូកដៃទៅនឹងសំណុំរឿងរបស់ឯកឧត្តម កឹម សុខា ក៏ដូចជាគណបក្សសង្គ្រោះជាតិ។ ថ្មីៗនេះ សម្តេច ហ៊ុន សែន បានលើកឡើងថា ការអនុវត្តច្បាប់លើគណបក្សសង្គ្រោះជាតិ គឺមិនអាចជៀសផុតឡើយ។ ប្រធានគណបក្សប្រជាជនកម្ពុជា និយាយបែបនេះថា៖«អំពើរបស់អ្នក ត្រូវតែផ្តន្ទាទោសហើយ»។
កន្លងមក សហរដ្ឋអាមេរិក តាមរយៈស្ថានទូតរបស់ខ្លួនប្រចាំកម្ពុជា ធ្លាប់សម្តែងក្តីបារម្ភពីស្ថានការណ៍នយោបាយនៅកម្ពុជា និងស្នើឲ្យដោះលែងឯកឧត្តម កឹម សុខា ម្តងរួមមកហើយ។ សហរដ្ឋអាមេរិក ក៏ធ្លាប់ព្រមានពីការបញ្ឈប់ផ្តល់ទិដ្ឋាការរបស់ខ្លួន ដល់មន្ត្រីមួយចំនួន ដែលបម្រើការងារនៅក្នុងក្រសួងការបរទេសកម្ពុជាផងដែរ។
ក្រៅពីសហរដ្ឋអាមេរិក នៅមានសហគមន៍អន្តរជាតិផ្សេងទៀត បានចេញមកអំពាវនាវជាបន្តបន្ទាប់ ទៅកាន់រដ្ឋាភិបាលកម្ពុជា ដើម្បីសុំឲ្យផ្តល់សេរីដល់ឯកឧត្តម កឹម សុខា ឡើងវិញ។ ប៉ុន្តែ អន្តរាគមន៍របស់សហគមន៍អន្តរជាតិ មិនមានប្រសិទ្ធភាពឡើយ។ ផ្ទុយទៅវិញ សហគមន៍អន្តរជាតិទាំងនោះ ថែមទាំងរងការវាយបកពីរដ្ឋាភិបាលកម្ពុជាវិញថា ពួកគេ បានលូកដៃចូលមកក្នុងកិច្ចការផ្ទៃក្នុងរបស់កម្ពុជា៕
Tag:
អាមេរិក
កម្ពុជា
កឹម សុខា
ផៃ ស៊ីផាន
© រក្សាសិទ្ធិដោយ thmeythmey.com
