ជាតិ
រូបភាព៖ លោក ហែម សុជាតិ មេធាវីមួយរូបរបស់ឯកឧត្តម កឹម សុខា
×![]()
ដោយ: ម៉ៅ សុផា
ភ្នំពេញ៖ សហមេធាវីទាំង៨រូប បានដាក់សំណើមួយថ្មីទៀត ទៅកាន់តុលាការកំពូល ដើម្បីសុំឲ្យដឹកឯកឧត្តម កឹម សុខា ប្រធានគណបក្សសង្គ្រោះជាតិ ដែលកំពុងជាប់ឃុំនៅពន្ធនាគារត្រពាំងផ្លុង ក្នុងខេត្តត្បូងឃ្មុំ មកចូលរួមសវនាការ ក្នុងរាជធានីភ្នំពេញ នៅថ្ងៃទី៣១ ខែតុលា ឆ្នាំ២0១៧។ លោក ហែម សុជាតិ មេធាវី១រូបរបស់ឯកឧត្តម កឹម សុខា ប្រាប់សារព័ត៌មានថ្មីៗថា សំណើខាងលើ ទើបនឹងបញ្ជូនទៅកាន់តុលាការកំពូល នៅថ្ងៃទី២៤ ខែតុលា ឆ្នាំ២0១៧នះ។
លោកមេធាវី ហែម សុជាតិ លើកឡើងថា សវនាការនៅតុលាការកំពូលនាពេលខាងមុខ ចាំបាច់ត្រូវមានវត្តមានរបស់ឯកឧត្តម កឹម សុខា ដែលជាជនត្រូវចោទ។ លោកមេធាវីរូបនេះ បញ្ជាក់យ៉ាងដូច្នេះ៖«វត្តមានរបស់គាត់ [ឯកឧត្តម កឹម សុខា] ក្នុងសវនាការ មានសារៈសំខាន់ណាស់ ដើម្បីឲ្យគាត់ បានសួរដេញដោលបានស៊ីជម្រៅ»។
ការបើកសវនាការនៅតុលាការកំពូល គឺធ្វើឡើងតាមបណ្តឹងសាទុក្ខរបស់សហមេធាវីរបស់ឯកឧត្តម កឹម សុខា។ ការបន្តដាក់បណ្តឹងសាទុក្ខ ទៅកាន់តុលាការកំពូល គឺដោយសារតែសហមេធាវី មិនសុខចិត្តនឹងសាលាឧទ្ធរណ៍ ដែលសម្រេចដូចសាលាដំបូងរាជធានីភ្នំពេញដែរ ដោយឲ្យឯកឧត្តម កឹម សុខា ជាប់ឃុំដដែល។
ម្យ៉ាងទៀត សហមេធាវី ក៏មិនអាចទទួលយកបានដែរ ដែលសាលាឧទ្ធរណ៍បើកសវនាការកន្លងមក ដោយមិនអវត្តមានរបស់ឯកឧត្តម កឹម សុខា។ អវត្តមានរបស់ឯកឧត្តម កឹម សុខា បណ្តាលឲ្យសហមេធាវី ដើរចេញពីបន្ទប់សវនាការនៃសាលាឧទ្ធរណ៍នាកាលនោះ។
សមត្ថកិច្ចនិងតុលាការ បានដាក់ឯកឧត្តម កឹម សុខា ឲ្យស្ថិតក្រោមការសង្ស័យថា ពាក់ព័ន្ធនឹងអំពើក្បត់ជាតិ ព្រោះបានឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។ សមត្ថកិច្ចនិងតុលាការ ពឹងផ្អែកលើវីដេអូឃ្លីបមួយ ដែលឯកឧត្តម កឹម សុខា បានថ្លែងសារនយោបាយទៅកាន់អ្នកគាំទ្រនៅក្រៅប្រទេស តាំងពីឆ្នាំ២០១៣មកម្ល៉េះ។ ក្នុងវីដេអូឃ្លីបនោះ ឯកឧត្តម កឹម សុខា បានលើកឡើងថា ឯកឧត្តម មានអ្នកជំនាញដែលជាជនបរទេសនៅពីក្រោយ ដើម្បីជ្រោមជ្រែងក្នុងការផ្លាស់ប្តូររដ្ឋាភិបាលកម្ពុជា។
ក្រោយវីដេអូឃ្លីបខាងលើ បានបែកធ្លាយលើបណ្តាញសង្គមហ្វេសប៊ុក សមត្ថកិច្ច ក៏បាននាំគ្នាចុះទៅចាប់ឯកឧត្តម កឹម សុខា ដល់គេហដ្ឋានតែម្តង កាលពីយប់ថ្ងៃទី២ ឈានចូលថ្ងៃទី៣ ខែតុលា ឆ្នាំ២០១៧។ ភ្លាមៗបន្ទាប់ពីចាប់ខ្លួន សមត្ថកិច្ច ក៏ដឹកឯកឧត្តម កឹម សុខា ទៅឃុំនៅពន្ធនាគារត្រពាំងផ្លុង ក្នុងខេត្តត្បូងឃ្មុំ៕
លោកមេធាវី ហែម សុជាតិ លើកឡើងថា សវនាការនៅតុលាការកំពូលនាពេលខាងមុខ ចាំបាច់ត្រូវមានវត្តមានរបស់ឯកឧត្តម កឹម សុខា ដែលជាជនត្រូវចោទ។ លោកមេធាវីរូបនេះ បញ្ជាក់យ៉ាងដូច្នេះ៖«វត្តមានរបស់គាត់ [ឯកឧត្តម កឹម សុខា] ក្នុងសវនាការ មានសារៈសំខាន់ណាស់ ដើម្បីឲ្យគាត់ បានសួរដេញដោលបានស៊ីជម្រៅ»។
ការបើកសវនាការនៅតុលាការកំពូល គឺធ្វើឡើងតាមបណ្តឹងសាទុក្ខរបស់សហមេធាវីរបស់ឯកឧត្តម កឹម សុខា។ ការបន្តដាក់បណ្តឹងសាទុក្ខ ទៅកាន់តុលាការកំពូល គឺដោយសារតែសហមេធាវី មិនសុខចិត្តនឹងសាលាឧទ្ធរណ៍ ដែលសម្រេចដូចសាលាដំបូងរាជធានីភ្នំពេញដែរ ដោយឲ្យឯកឧត្តម កឹម សុខា ជាប់ឃុំដដែល។
ម្យ៉ាងទៀត សហមេធាវី ក៏មិនអាចទទួលយកបានដែរ ដែលសាលាឧទ្ធរណ៍បើកសវនាការកន្លងមក ដោយមិនអវត្តមានរបស់ឯកឧត្តម កឹម សុខា។ អវត្តមានរបស់ឯកឧត្តម កឹម សុខា បណ្តាលឲ្យសហមេធាវី ដើរចេញពីបន្ទប់សវនាការនៃសាលាឧទ្ធរណ៍នាកាលនោះ។
សមត្ថកិច្ចនិងតុលាការ បានដាក់ឯកឧត្តម កឹម សុខា ឲ្យស្ថិតក្រោមការសង្ស័យថា ពាក់ព័ន្ធនឹងអំពើក្បត់ជាតិ ព្រោះបានឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។ សមត្ថកិច្ចនិងតុលាការ ពឹងផ្អែកលើវីដេអូឃ្លីបមួយ ដែលឯកឧត្តម កឹម សុខា បានថ្លែងសារនយោបាយទៅកាន់អ្នកគាំទ្រនៅក្រៅប្រទេស តាំងពីឆ្នាំ២០១៣មកម្ល៉េះ។ ក្នុងវីដេអូឃ្លីបនោះ ឯកឧត្តម កឹម សុខា បានលើកឡើងថា ឯកឧត្តម មានអ្នកជំនាញដែលជាជនបរទេសនៅពីក្រោយ ដើម្បីជ្រោមជ្រែងក្នុងការផ្លាស់ប្តូររដ្ឋាភិបាលកម្ពុជា។
ក្រោយវីដេអូឃ្លីបខាងលើ បានបែកធ្លាយលើបណ្តាញសង្គមហ្វេសប៊ុក សមត្ថកិច្ច ក៏បាននាំគ្នាចុះទៅចាប់ឯកឧត្តម កឹម សុខា ដល់គេហដ្ឋានតែម្តង កាលពីយប់ថ្ងៃទី២ ឈានចូលថ្ងៃទី៣ ខែតុលា ឆ្នាំ២០១៧។ ភ្លាមៗបន្ទាប់ពីចាប់ខ្លួន សមត្ថកិច្ច ក៏ដឹកឯកឧត្តម កឹម សុខា ទៅឃុំនៅពន្ធនាគារត្រពាំងផ្លុង ក្នុងខេត្តត្បូងឃ្មុំ៕
Tag:
តុលាការ
មេធាវី
កឹម សុខា
© រក្សាសិទ្ធិដោយ thmeythmey.com
