ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
អុំទូក៖ ក្រសួងសុខាភិបាលត្រៀមរថយន្តសង្គ្រោះ ៥៨គ្រឿង និងក្រុមគ្រូពេទ្យ ៨២០នាក់
01, Nov 2017 ,
8:39 pm
រូបភាព
×
ដោយ:
នាឱកាសព្រះរាជពិធីបុណ្យអុំទូក នឹងប្រព្រឹត្តទៅនៅថ្ងៃទី២-៤ វិច្ឆិកានេះ ក្រសួងសួងសុខាភិបាល បានរៀបចំឲ្យមានរថយន្តគិលានសង្គ្រោះចំនួន ៥៨គ្រឿង និងក្រុមគ្រូពេទ្យចំនួន ៨២០នាក់ ព្រមទាំងបន្ថែមក្រុមគ្រូពេទ្យមួយចំនួនធំទៀតដែលត្រូវប្រចាំការនៅតាមបណ្ដាមន្ទីរពេទ្យជាតិទាំង ៤ គឹ មន្ទីរពេទ្យកាល់ម៉ែត មន្ទីរពេទ្យអង្គឌួង មន្ទីរពេទ្យមិត្តភាពខ្មែរ-សូវៀត និងមន្ទីរពេទ្យព្រះកុសមៈ ដើម្បីផ្ដល់សេវាពិនិត្យ ព្យាបាល និងសង្គ្រោះបន្ទាន់ ហើយរាល់ការពិនិត្យព្យាបាលនៅកន្លែងតង់សុខភាព និងការជួយសង្គ្រោះបន្ទាន់ ដោយមិនមានការបង់ប្រាក់ឡើយ។
សេចក្ដីជូនដំណឹងក្រសួងសុខាភិបាល បន្តទៀតថា ដើម្បីងាយស្រួលដល់ប្រជាពលរដ្ឋក្នុងការស្វែងរកសេវាកម្ម ពិនិត្យសុខភាព ក្រសួងបាន រៀបចំក្រុមគ្រូពេទ្យចល័តជាច្រើនក្រុម ដែលមានតង់សុខភាព និងចល័តក្នុងហ្វូងប្រជាពលរដ្ឋ ព្រមទាំងតាមក្រុមទូកដែលមកពីបណ្ដាខេត្តនានា ដោយមានពាក់ឯកសណ្ឋានពេទ្យដើម្បីជួយប្រជាពលរដ្ឋដែលមានបញ្ហាសុខភាពបានទាន់ពេលវេលា។
សេក្ដីជូនដំណឹង ថ្ងៃទី៣១ ខែតុលា ឆ្នាំ២០១៧ បានស្រង់សំដីរដ្ឋមន្ត្រីក្រសួងសុខាភិបាល លោក ម៉ម ប៊ុនហេង យ៉ាងនេះថា «សូមបងប្អូនថែរក្សាអនាម័យឲ្យបានល្អ និងធានានូវសុវត្ថិភាពចំណីអាហារដើម្បីសុខភាពល្អ ក្នុងព្រះរាជពិធីបុណ្យអុំទូកនេះដែរ កុំប្រជ្រៀតគ្នាឡើយ ដើម្បីចៀសវាងបាននូវការដួលសន្លប់ជាយថាហេតុ» លោក បញ្ជាក់ថា «សូមកុំពិសារគ្រឿងស្រវឹងក្នុងពេលបើកបរ ហើយត្រូវគោរពច្បាប់ចរាចរណ៍ក្នុងពេលបើកបរដើម្បីចៀសវាងនូវគ្រោះថ្នាក់ចរាចរណ៍»។
ក្រសួងសុខាភិបាលបន្ថែមទៀតថា ក្រសួងបានក៏បានត្រៀមក្រុមគ្រូពេទ្យ និងរថយន្តគិលានសង្គ្រោះចល័ត ២៦គ្រឿង ដាក់នៅតាមគោលដៅ ២៥កន្លែង និងបានដាក់តង់ពិនិត្យសុខភាពសេវា ២៤ម៉ោង ចំនួន១២កន្លែងផ្សេងៗគ្នាដើម្បីត្រៀមជួយសង្គ្រោះ និងផ្ដល់សេវាសុខភាពជូនប្រជាពលរដ្ឋទូទៅ។ ក្នុងនោះដែរក៏មានលេខទូរស័ព្ទ លេខ១១៩ សម្រាប់ងាយស្រួលទំនាក់ទំនងរកការផ្ដល់សេវា និងជួយសង្គ្រោះបន្ទាន់បានទាន់ពេលវេលា។
សេចក្ដីជូនដំណឹងដដែលនេះ បានបន្ថែមថា ក្រសួងក៏បានចាត់ឲ្យមានក្រុមគ្រូពេទ្យ និងរថយន្តគិលានសង្គ្រោះមកពីបណ្ដារាជធានី-ខេត្ត តាមក្រុមទូកប្រណាំងនិមួយៗចំនួន ៧គ្រឿង រថយន្តគិលានសង្គ្រោះប្រចាំការនៅតាមមន្ទីរពេទ្យថ្នាក់ជាតិទាំង ៤កន្លែង និងនៅទីស្ដីការក្រសួងសុខាភិបាលចំនួន ២៥គ្រឿងផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ក្រសួងសុខាភិបាល
អុំទូក
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម