ជាតិ
នយោបាយជាតិ
ថ្នាក់ដឹកនាំជាន់ខ្ពស់ CNRP ជាង១០០នាក់ ប្រឈមអស់សិទ្ធិធ្វើនយោបាយ៥ឆ្នាំ?
×![]()
ដោយ: ម៉ៅ សុផា
ភ្នំពេញ៖ បើតាមការលើកឡើងរបស់សម្តេច ហ៊ុន សែន គណបក្សសង្គ្រោះជាតិ មិនអាចជៀសផុតពីការរំលោយចោលនោះទេ។ សម្តេច ហ៊ុន សែន ព្រមានបន្ថែមថា គ្រោះរឹតតែធ្ងន់ធ្ងរសម្រាប់គណបក្សសង្គ្រោះជាតិ គឺការបិទសិទ្ធិ មិនឲ្យថ្នាក់ដឹកនាំនៃគណបក្សនេះ ធ្វើនយោបាយរយៈពេល៥ឆ្នាំ ថែមទៀត។
ថ្នាក់ដឹកនាំប្រមាណ៣០នាក់ ក្នុងគណៈកម្មាធិការអចិន្ត្រៃយ៍ និងថ្នាក់ដឹកនាំប្រមាណ៩០នាក់ទៀត ក្នុងគណៈកម្មាធិការនាយកនៃគណបក្សសង្គ្រោះជាតិ អាចនឹងត្រូវហាមឃាត់មិនឲ្យធ្វើនយោបាយរយៈពេល៥ឆ្នាំ ក្នុងករណីគណបក្សនេះ ត្រូវបានតុលាការកំពូល រំលាយចោល នាពេលខាងមុខ។ នេះជាការលើកឡើងរបស់សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា តាមរយៈការផ្សាយផ្ទាល់លើទំព័រហ្វេសប៊ុក នៅថ្ងៃទី៤ ខែវិច្ឆិកា ឆ្នាំ២0១៧។
ប្រធានគណបក្សកាន់អំណាចរូបនេះ សង្កត់ធ្ងន់ៗយ៉ាងដូច្នេះថា៖«រឿងនេះ មិនមែនមានតែក្នុងប្រទេសកម្ពុជាទេ។ ប្រទេសច្រើនណាស់ ដែលគេធ្វើ ព្រោះបញ្ហានេះ ជាប្រព័ន្ធ។ មេធាវីរបស់យើង បានប្រុងប្រៀបខ្លួនរួចហើយ ដើម្បីទាមទារនូវអ្វីដែលចាំបាច់ត្រូវទាមទារ ទាក់ទិននឹងការរំលាយបក្សនយោបាយចោល និងការកាត់សិទ្ធិនយោបាយ នៃគណៈកម្មាធិការអចិន្ត្រៃយ៍ និងគណៈកម្មាធិការនាយក។ អ្នកទាំងឡាយ ដែលមានឈ្មោះ ក្នុងគណៈកម្មាធិការនាយក [នៃគណបក្សសង្គ្រោះជាតិ] នឹងត្រូវបាត់បង់សិទ្ធិក្នុងការធ្វើនយោបាយ រយៈពេល៥ឆ្នាំ»។
ការលើកឡើងរបស់សម្តេច ហ៊ុន សែន ស្របនឹងការទាមទាររបស់ក្រសួងមហាផ្ទៃ។ ក្រសួងមហាផ្ទៃ បានទាមទារឲ្យតុលាការកំពូល រំលាយគណបក្សសង្គ្រោះជាតិចោល ហើយហាមឃាត់ថ្នាក់ដឹកនាំនៃគណបក្សនេះ មិនឲ្យធ្វើនយោបាយរយៈពេល៥ឆ្នាំ។
មាត្រា៤៥ ត្រង់កថាខណ្ឌទី៣ នៃច្បាប់ស្តីពីគណបក្សនយោបាយ ដែលក្រែប្រែក្រោមគំនិតផ្តួចផ្តើមរបស់តំណាងរាស្ត្រគណបក្សប្រជាជនកម្ពុជា បានចែងថា៖« [….] ក្នុងករណី ដែលគណបក្សនយោបាយត្រូវបានរំលាយ តុលាការ[កំពូល] អាចសម្រេចហាមឃាត់ការធ្វើសកម្មភាពនយោបាយរបស់ថ្នាក់ដឹកនាំនៃគណបក្សនយោបាយនោះ សម្រាប់រយៈពេល ៥ឆ្នាំ»។
បច្ចុប្បន្ន សមាជិកសរុបនៅក្នុងបញ្ជីគណៈកម្មាធិការនាយកនៃគណបក្សសង្គ្រោះជាតិ មានចំនួន១២៥រូប។
តាមរយៈការផ្សាយផ្ទាល់លើទំព័រហ្វេសប៊ុក សម្តេច ហ៊ុន សែន បានបង្ហាញជំនឿសាជាថ្មីថា គណបក្សសង្គ្រោះជាតិ នឹងត្រូវរំលាយចោល មុនការកាត់ទោសឯកឧត្តម កឹម សុខា ដែលជាប្រធាន ទៅទៀត។ សម្តេច ហ៊ុន សែន បន្តអំពាវនាវឲ្យតំណាងរាស្ត្រ សមាជិកក្រុមប្រឹក្សាឃុំ សង្កាត់ និងសមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ នៃគណបក្សសង្គ្រោះជាតិ ចុះចូលជាមួយគណបក្សប្រជាជនកម្ពុជា ប្រសិនបើចង់រក្សាតំណែង។
សូមបញ្ជាក់ថា នៅថ្ងៃទី១៦ ខែវិច្ឆិកា ឆ្នាំ២0១៧ តុលាការកំពូល នឹងបើកសវនាការ ដើម្បីជំនុំជម្រះលើបណ្តឹងសុំឲ្យរំលាយគណបក្សសង្គ្រោះជាតិ ដែលប្តឹងដោយក្រសួងមហាផ្ទៃ។ គណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឫទ្ធិ និងគណបក្សយុវជនកម្ពុជារបស់លោក ពេជ្រ ស្រស់ ជាអ្នកស្នើឲ្យក្រសួងមហាផ្ទៃ ដាក់បណ្តឹងទៅកាន់តុលាការកំពូល៕
ថ្នាក់ដឹកនាំប្រមាណ៣០នាក់ ក្នុងគណៈកម្មាធិការអចិន្ត្រៃយ៍ និងថ្នាក់ដឹកនាំប្រមាណ៩០នាក់ទៀត ក្នុងគណៈកម្មាធិការនាយកនៃគណបក្សសង្គ្រោះជាតិ អាចនឹងត្រូវហាមឃាត់មិនឲ្យធ្វើនយោបាយរយៈពេល៥ឆ្នាំ ក្នុងករណីគណបក្សនេះ ត្រូវបានតុលាការកំពូល រំលាយចោល នាពេលខាងមុខ។ នេះជាការលើកឡើងរបស់សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា តាមរយៈការផ្សាយផ្ទាល់លើទំព័រហ្វេសប៊ុក នៅថ្ងៃទី៤ ខែវិច្ឆិកា ឆ្នាំ២0១៧។
ប្រធានគណបក្សកាន់អំណាចរូបនេះ សង្កត់ធ្ងន់ៗយ៉ាងដូច្នេះថា៖«រឿងនេះ មិនមែនមានតែក្នុងប្រទេសកម្ពុជាទេ។ ប្រទេសច្រើនណាស់ ដែលគេធ្វើ ព្រោះបញ្ហានេះ ជាប្រព័ន្ធ។ មេធាវីរបស់យើង បានប្រុងប្រៀបខ្លួនរួចហើយ ដើម្បីទាមទារនូវអ្វីដែលចាំបាច់ត្រូវទាមទារ ទាក់ទិននឹងការរំលាយបក្សនយោបាយចោល និងការកាត់សិទ្ធិនយោបាយ នៃគណៈកម្មាធិការអចិន្ត្រៃយ៍ និងគណៈកម្មាធិការនាយក។ អ្នកទាំងឡាយ ដែលមានឈ្មោះ ក្នុងគណៈកម្មាធិការនាយក [នៃគណបក្សសង្គ្រោះជាតិ] នឹងត្រូវបាត់បង់សិទ្ធិក្នុងការធ្វើនយោបាយ រយៈពេល៥ឆ្នាំ»។
ការលើកឡើងរបស់សម្តេច ហ៊ុន សែន ស្របនឹងការទាមទាររបស់ក្រសួងមហាផ្ទៃ។ ក្រសួងមហាផ្ទៃ បានទាមទារឲ្យតុលាការកំពូល រំលាយគណបក្សសង្គ្រោះជាតិចោល ហើយហាមឃាត់ថ្នាក់ដឹកនាំនៃគណបក្សនេះ មិនឲ្យធ្វើនយោបាយរយៈពេល៥ឆ្នាំ។
មាត្រា៤៥ ត្រង់កថាខណ្ឌទី៣ នៃច្បាប់ស្តីពីគណបក្សនយោបាយ ដែលក្រែប្រែក្រោមគំនិតផ្តួចផ្តើមរបស់តំណាងរាស្ត្រគណបក្សប្រជាជនកម្ពុជា បានចែងថា៖« [….] ក្នុងករណី ដែលគណបក្សនយោបាយត្រូវបានរំលាយ តុលាការ[កំពូល] អាចសម្រេចហាមឃាត់ការធ្វើសកម្មភាពនយោបាយរបស់ថ្នាក់ដឹកនាំនៃគណបក្សនយោបាយនោះ សម្រាប់រយៈពេល ៥ឆ្នាំ»។
បច្ចុប្បន្ន សមាជិកសរុបនៅក្នុងបញ្ជីគណៈកម្មាធិការនាយកនៃគណបក្សសង្គ្រោះជាតិ មានចំនួន១២៥រូប។
តាមរយៈការផ្សាយផ្ទាល់លើទំព័រហ្វេសប៊ុក សម្តេច ហ៊ុន សែន បានបង្ហាញជំនឿសាជាថ្មីថា គណបក្សសង្គ្រោះជាតិ នឹងត្រូវរំលាយចោល មុនការកាត់ទោសឯកឧត្តម កឹម សុខា ដែលជាប្រធាន ទៅទៀត។ សម្តេច ហ៊ុន សែន បន្តអំពាវនាវឲ្យតំណាងរាស្ត្រ សមាជិកក្រុមប្រឹក្សាឃុំ សង្កាត់ និងសមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ នៃគណបក្សសង្គ្រោះជាតិ ចុះចូលជាមួយគណបក្សប្រជាជនកម្ពុជា ប្រសិនបើចង់រក្សាតំណែង។
សូមបញ្ជាក់ថា នៅថ្ងៃទី១៦ ខែវិច្ឆិកា ឆ្នាំ២0១៧ តុលាការកំពូល នឹងបើកសវនាការ ដើម្បីជំនុំជម្រះលើបណ្តឹងសុំឲ្យរំលាយគណបក្សសង្គ្រោះជាតិ ដែលប្តឹងដោយក្រសួងមហាផ្ទៃ។ គណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឫទ្ធិ និងគណបក្សយុវជនកម្ពុជារបស់លោក ពេជ្រ ស្រស់ ជាអ្នកស្នើឲ្យក្រសួងមហាផ្ទៃ ដាក់បណ្តឹងទៅកាន់តុលាការកំពូល៕
Tag:
CNRP
CPP
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
