ជាតិ
នយោបាយជាតិ
លោក សម រង្ស៊ី ថ្លែងទៅកាន់តំណាងរាស្រ្តគណបក្សសង្គ្រោះជាតិ តាមរយៈបណ្តាញសង្គមហ្វេសប៊ុក នៅថ្ងៃទី៤ ខែវិច្ឆិកា ឆ្នាំ២0១៧។ រូបភាពពីទំព័រហ្វេសប៊ុករបស់លោក សម រង្ស៊ី
×![]()
ដោយ: ថ្មីៗ
ភ្នំពេញ៖ ខណៈសម្តេច ហ៊ុន សែន អះអាងថា គណបក្សសង្គ្រោះជាតិ នឹងត្រូវរំលាយ លោក សម រង្ស៊ី ក៏ចេញមកនិយាយថា ទៅមិនរួច។ ពេលសម្តេច ហ៊ុន សែន អំពាវនាវឲ្យសមាជិកគណបក្សសង្គ្រោះជាតិ ចុះចូលជាមួយគណបក្សប្រជាជនកម្ពុជា លោក សម រង្ស៊ី ប្រាប់វិញថា កុំទៅចុះចូល ព្រោះធ្វើឲ្យខ្លួនអស់តម្លៃ។
លោក សម រង្ស៊ី អតីតប្រធានគណបក្សសង្គ្រោះជាតិ ដែលកំពុងរស់នៅឯក្រៅប្រទេស នៅតែប្រកាសថា គណបក្សសង្គ្រោះជាតិ ដែលលោកធ្លាប់ដឹកនាំពីមុន មិនអាចត្រូវបានរំលាយនោះទេ។ លោក សម រង្ស៊ី និយាយបែបនេះថា៖«លោក ហ៊ុន សែន ថាតិចទៀត គេរំលាយគណបក្សសង្គ្រោះជាតិ។ ភរសុទ្ធបងប្អូន អត់មានរំលាយទេ។ ទៅអត់រួចទេ»។
លោក សម រង្ស៊ី យកសម្ពាធអន្តរជាតិ ធ្វើជាហេតុផល ដែលអះអាងថា តុលាការកំពូលនៅកម្ពុជា មិនអាចរំលាយគណបក្សសង្គ្រោះជាតិ។ ហើយលោក សង្កត់ធ្ងន់ថា សហគមន៍អន្តរជាតិ នៅតែទទួលស្គាល់គណបក្សសង្គ្រោះជាតិដដែល។
ការអះអាងរបស់លោក សម រង្ស៊ី ធ្វើឡើងថ្ងៃទី៤ ខែវិច្ឆិកា ឆ្នាំ២0១៧ ក្នុងឱកាសដែលលោក បានពិភាក្សាតាមរយៈការភ្ជាប់វីដេអូក្នុងហ្វេសប៊ុក ជាមួយតំណាងរាស្ត្រគណបក្សសង្គ្រោះជាតិប្រមាណ២0នាក់ ដែលបានចាកចេញពីប្រទេសកម្ពុជា ទៅរស់នៅឯបរទេសជាបណ្តោះអាសន្ន ក្រោយឯកឧត្តម កឹម សុខា ត្រូវបានចាប់ខ្លួន ដោយស្ថិតនៅក្រោមការសង្ស័យរបស់តុលាការថា ជាប់ពាក់ព័ន្ធនឹងអំពើក្បត់ជាតិ។ ហើយការប្រកាសរបស់លោក សម រង្ស៊ី ចាត់ទុកជាការឆ្លើយតបទៅនឹងសម្តេច ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ដែលបង្ហាញជំនឿជារឿយៗថា គណបក្សសង្គ្រោះជាតិ មិនអាចជៀសផុតពីការរំលាយចោល។
លោក សម រង្ស៊ី ក៏ព្យាយាមប្រើវោហារសាស្ត្រ ដើម្បីទប់ទល់នឹងការអូសទាញរបស់សម្តេច ហ៊ុន សែន ផងដែរ ដែលអំពាវនាវម្តងហើយម្តងទៀត ទៅដល់សមាជិកគណបក្សសង្គ្រោះជាតិ ឲ្យទៅចុះចូលជាមួយគណបក្សប្រជាជនកម្ពុជា។ លោក សម រង្ស៊ី ប្រាប់ដល់សមាជិកគណបក្សសង្គ្រោះជាតិថា កុំឲ្យទៅចុះចូលជាមួយគណបក្សប្រជាជនកម្ពុជា ដើម្បីតែតំណែង ព្រោះជាទង្វើ ដែលនាំឲ្យខ្លួនអស់តម្លៃ។
មិនតិចដងនោះទេ ដែលសម្តេច ហ៊ុន សែន ប្រកាសថាគណបក្សសង្គ្រោះជាតិនឹងត្រូវរំលាយ។ ហើយក៏លើសពីពីរទៅបីដងដែរ ដែលប្រធានគណបក្សកាន់អំណាចរូបនេះ អំពាវនាវឲ្យសមាជិកក្រុមប្រឹក្សាឃុំ សង្កាត់ សមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ និងសមាជិករដ្ឋសភា ឲ្យទៅចុះចូលជាមួយខ្លួន។ តាមរយៈការផ្សាយផ្ទាល់លើទំព័រហ្វេសប៊ុក នៅថ្ងៃទី៤ ខែវិច្ឆិកា ឆ្នាំ២0១៧ សម្តេច ហ៊ុន សែន បានអំពាវនាវទៅដល់សមាជិកគណបក្សសង្គ្រោះជាតិ យ៉ាងដូច្នេះ៖«ត្រូវប្រញាប់ប្រញាល់ចាកចេញ»។
នៅថ្ងៃទី១៦ ខែវិច្ឆិកា ឆ្នាំ២0១៧ ខាងមុខនេះ តុលាការកំពូល នឹងបើកសវនាការ ដើម្បីជំនុំជម្រះលើបណ្តឹងសុំឲ្យរំលាយគណបក្សសង្គ្រោះជាតិ ដែលប្តឹងដោយក្រសួងមហាផ្ទៃ។ គណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឫទ្ធិ និងគណបក្សយុវជនកម្ពុជារបស់លោក ពេជ្រ ស្រស់ ជាអ្នកស្នើឲ្យក្រសួងមហាផ្ទៃ ដាក់បណ្តឹងទៅកាន់តុលាការកំពូល។
គណបក្សទាំងពីរខាងលើ ក៏ដូចជាក្រសួងមហាផ្ទៃ សុទ្ធតែយល់ថា គណបក្សសង្គ្រោះជាតិ អាចនឹងជាប់ពាក់ព័ន្ធជាមួយឯកឧត្តម កឹម សុខា ជុំវិញការរៀបចំគម្រោង ដើម្បីផ្តួលរំលំរដ្ឋាភិបាលកម្ពុជា ដោយមានអ្នកជំនាញជាជនបរទេសនៅចាំជួយពីក្រោយខ្នង។ នេះជាមូលហេតុ ដែលស្ថាប័នទាំងបីនោះ ចង់ឲ្យតុលាការ ចាត់ការលើឯកឧត្តម កឹម សុខា ហើយថែមទាំងសុំឲ្យរំលាយគណបក្សសង្គ្រោះជាតិចោលទៀត៕
លោក សម រង្ស៊ី អតីតប្រធានគណបក្សសង្គ្រោះជាតិ ដែលកំពុងរស់នៅឯក្រៅប្រទេស នៅតែប្រកាសថា គណបក្សសង្គ្រោះជាតិ ដែលលោកធ្លាប់ដឹកនាំពីមុន មិនអាចត្រូវបានរំលាយនោះទេ។ លោក សម រង្ស៊ី និយាយបែបនេះថា៖«លោក ហ៊ុន សែន ថាតិចទៀត គេរំលាយគណបក្សសង្គ្រោះជាតិ។ ភរសុទ្ធបងប្អូន អត់មានរំលាយទេ។ ទៅអត់រួចទេ»។
លោក សម រង្ស៊ី យកសម្ពាធអន្តរជាតិ ធ្វើជាហេតុផល ដែលអះអាងថា តុលាការកំពូលនៅកម្ពុជា មិនអាចរំលាយគណបក្សសង្គ្រោះជាតិ។ ហើយលោក សង្កត់ធ្ងន់ថា សហគមន៍អន្តរជាតិ នៅតែទទួលស្គាល់គណបក្សសង្គ្រោះជាតិដដែល។
ការអះអាងរបស់លោក សម រង្ស៊ី ធ្វើឡើងថ្ងៃទី៤ ខែវិច្ឆិកា ឆ្នាំ២0១៧ ក្នុងឱកាសដែលលោក បានពិភាក្សាតាមរយៈការភ្ជាប់វីដេអូក្នុងហ្វេសប៊ុក ជាមួយតំណាងរាស្ត្រគណបក្សសង្គ្រោះជាតិប្រមាណ២0នាក់ ដែលបានចាកចេញពីប្រទេសកម្ពុជា ទៅរស់នៅឯបរទេសជាបណ្តោះអាសន្ន ក្រោយឯកឧត្តម កឹម សុខា ត្រូវបានចាប់ខ្លួន ដោយស្ថិតនៅក្រោមការសង្ស័យរបស់តុលាការថា ជាប់ពាក់ព័ន្ធនឹងអំពើក្បត់ជាតិ។ ហើយការប្រកាសរបស់លោក សម រង្ស៊ី ចាត់ទុកជាការឆ្លើយតបទៅនឹងសម្តេច ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ដែលបង្ហាញជំនឿជារឿយៗថា គណបក្សសង្គ្រោះជាតិ មិនអាចជៀសផុតពីការរំលាយចោល។
លោក សម រង្ស៊ី ក៏ព្យាយាមប្រើវោហារសាស្ត្រ ដើម្បីទប់ទល់នឹងការអូសទាញរបស់សម្តេច ហ៊ុន សែន ផងដែរ ដែលអំពាវនាវម្តងហើយម្តងទៀត ទៅដល់សមាជិកគណបក្សសង្គ្រោះជាតិ ឲ្យទៅចុះចូលជាមួយគណបក្សប្រជាជនកម្ពុជា។ លោក សម រង្ស៊ី ប្រាប់ដល់សមាជិកគណបក្សសង្គ្រោះជាតិថា កុំឲ្យទៅចុះចូលជាមួយគណបក្សប្រជាជនកម្ពុជា ដើម្បីតែតំណែង ព្រោះជាទង្វើ ដែលនាំឲ្យខ្លួនអស់តម្លៃ។
មិនតិចដងនោះទេ ដែលសម្តេច ហ៊ុន សែន ប្រកាសថាគណបក្សសង្គ្រោះជាតិនឹងត្រូវរំលាយ។ ហើយក៏លើសពីពីរទៅបីដងដែរ ដែលប្រធានគណបក្សកាន់អំណាចរូបនេះ អំពាវនាវឲ្យសមាជិកក្រុមប្រឹក្សាឃុំ សង្កាត់ សមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ និងសមាជិករដ្ឋសភា ឲ្យទៅចុះចូលជាមួយខ្លួន។ តាមរយៈការផ្សាយផ្ទាល់លើទំព័រហ្វេសប៊ុក នៅថ្ងៃទី៤ ខែវិច្ឆិកា ឆ្នាំ២0១៧ សម្តេច ហ៊ុន សែន បានអំពាវនាវទៅដល់សមាជិកគណបក្សសង្គ្រោះជាតិ យ៉ាងដូច្នេះ៖«ត្រូវប្រញាប់ប្រញាល់ចាកចេញ»។
នៅថ្ងៃទី១៦ ខែវិច្ឆិកា ឆ្នាំ២0១៧ ខាងមុខនេះ តុលាការកំពូល នឹងបើកសវនាការ ដើម្បីជំនុំជម្រះលើបណ្តឹងសុំឲ្យរំលាយគណបក្សសង្គ្រោះជាតិ ដែលប្តឹងដោយក្រសួងមហាផ្ទៃ។ គណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឫទ្ធិ និងគណបក្សយុវជនកម្ពុជារបស់លោក ពេជ្រ ស្រស់ ជាអ្នកស្នើឲ្យក្រសួងមហាផ្ទៃ ដាក់បណ្តឹងទៅកាន់តុលាការកំពូល។
គណបក្សទាំងពីរខាងលើ ក៏ដូចជាក្រសួងមហាផ្ទៃ សុទ្ធតែយល់ថា គណបក្សសង្គ្រោះជាតិ អាចនឹងជាប់ពាក់ព័ន្ធជាមួយឯកឧត្តម កឹម សុខា ជុំវិញការរៀបចំគម្រោង ដើម្បីផ្តួលរំលំរដ្ឋាភិបាលកម្ពុជា ដោយមានអ្នកជំនាញជាជនបរទេសនៅចាំជួយពីក្រោយខ្នង។ នេះជាមូលហេតុ ដែលស្ថាប័នទាំងបីនោះ ចង់ឲ្យតុលាការ ចាត់ការលើឯកឧត្តម កឹម សុខា ហើយថែមទាំងសុំឲ្យរំលាយគណបក្សសង្គ្រោះជាតិចោលទៀត៕
Tag:
CNRP
CPP
ហ៊ុន សែន
សម រង្ស៊ី
© រក្សាសិទ្ធិដោយ thmeythmey.com
