ជាតិ
កិច្ចប្រជុំគណៈកម្មាធិការអចិន្រ្តៃយ៍រដ្ឋសភាកាលពីកន្លងមក ដែលដឹកនាំដោយសម្តេច ហេង សំរិន ប្រធានរដ្ឋសភា។ រូបភាពពីរដ្ឋសភា
×![]()
ដោយ: ម៉ៅ សុផា
ភ្នំពេញ៖ ការបញ្ចូលសមាជិក២០រូបបន្ថែម ទៅក្នុងគណៈកម្មការជំនាញទាំង១០នៃរដ្ឋសភា នឹងត្រូវលើកទៅពិភាក្សាក្នុងគណៈកម្មាធិការអចិន្ត្រៃយ៍រដ្ឋសភា នៅព្រឹកថ្ងៃទី៧ ខែវិច្ឆិកា ឆ្នាំ២០១៧។ នេះជាការអះអាងរបស់លោក ឡេង ប៉េងឡុង អគ្គលេខាធិការនិងជាអ្នកនាំពាក្យរដ្ឋសភា។
លោក ឡេង ប៉េងឡុង ប្រាប់សារព័ត៌មានថ្មីៗថា គណៈកម្មការជំនាញនីមួយៗ នឹងមានសមាជិកបន្ថែមចំនួន២នាក់ទៀត។ លោក និយាយដូច្នេះថា៖«ការបន្ថែមនេះ គឺដើម្បីឲ្យការងាររដ្ឋសភា កាន់តែល្អ»។
បច្ចុប្បន្ន គណៈកម្មការជំនាញនីមួយៗ មានសមាជិក៩រូប។ ដូច្នេះ ប្រសិនបើរដ្ឋសភា អនុម័តនូវចំនួនបន្ថែមដូចខាងលើ សមាជិកគណៈកម្មការជំនាញនីមូយៗនៃរដ្ឋសភា កើនឡើងដល់១១រូប។
តំណាងរាស្ត្រ៥រូប មកពីគណបក្សសង្គ្រោះជាតិ ជាប្រធាននៃគណៈម្មការជំនាញ ហើយប្រធាន៥រូបទៀត មកពីគណបក្សប្រជាជនកម្ពុជា៕
លោក ឡេង ប៉េងឡុង ប្រាប់សារព័ត៌មានថ្មីៗថា គណៈកម្មការជំនាញនីមួយៗ នឹងមានសមាជិកបន្ថែមចំនួន២នាក់ទៀត។ លោក និយាយដូច្នេះថា៖«ការបន្ថែមនេះ គឺដើម្បីឲ្យការងាររដ្ឋសភា កាន់តែល្អ»។
បច្ចុប្បន្ន គណៈកម្មការជំនាញនីមួយៗ មានសមាជិក៩រូប។ ដូច្នេះ ប្រសិនបើរដ្ឋសភា អនុម័តនូវចំនួនបន្ថែមដូចខាងលើ សមាជិកគណៈកម្មការជំនាញនីមូយៗនៃរដ្ឋសភា កើនឡើងដល់១១រូប។
តំណាងរាស្ត្រ៥រូប មកពីគណបក្សសង្គ្រោះជាតិ ជាប្រធាននៃគណៈម្មការជំនាញ ហើយប្រធាន៥រូបទៀត មកពីគណបក្សប្រជាជនកម្ពុជា៕
Tag:
រដ្ឋសភា
បន្ថែមសមាជិក
© រក្សាសិទ្ធិដោយ thmeythmey.com
