ជាតិ
×![]()
ដោយ: ម៉ៅ សុផា
ភ្នំពេញ៖ ការរៀបចំចុះឈ្មោះបោះឆ្នោតថ្មី នឹងបិទបញ្ចប់ នៅក្រោយថ្ងៃទី៩ ខែវិច្ឆិកា ឆ្នាំ២0១៧។ ប្រភពពីគណៈកម្មាធិការជាតិរៀបចំការបោះឆ្នោត បានឲ្យដឹងថា រយៈពេល២ខែ គឺចាប់ពីថ្ងៃទី១ ខែកញ្ញា រហូតមកដល់ថ្ងៃទី៣១ ខែតុលា ឆ្នាំ២0១៧ មានអ្នកទៅចុះឈ្មោះបោះឆ្នោត តែជិត៥សែននាក់ប៉ុណ្ណោះ ដោយស្មើនឹង ២៩ភាគរយ។
ប្រជាពលរដ្ឋ ដែលគ្រប់អាយុ១៨ឆ្នាំ និងមានសិទ្ធិបោះឆ្នោត នៅសល់ជាង១លាននាក់ទៀតឯណោះ ដែលមិនទាន់ទៅចុះឈ្មោះបោះឆ្នោត។ ប៉ុន្តែ អ្នកនាំពាក្យគណៈកម្មាធិការជាតិរៀបចំការបោះឆ្នោត បានអះអាងកាលពីកន្លងមកថា ប្រជាពលរដ្ឋជាង១លាននាក់ ដែលមិនទាន់បានចុះឈ្មោះបោះឆ្នោត គឺភាគច្រើនជាអ្នកចំណាក់ស្រុកទៅធ្វើការនៅក្រៅប្រទេស។
ដើម្បីអាចចូលរួមបោះឆ្នោតជ្រើសតាំងតំណាងរាស្ត្រ នីតិកាលទី៦ ក្នុងឆ្នាំ២0១៨ ប្រជាពលរដ្ឋទាំងនោះ ត្រូវតែទៅចុះឈ្មោះ មុននឹងត្រូវបិទបញ្ចប់នៅក្រោយថ្ងៃទៅ៩ ខែវិច្ឆិកា ឆ្នាំ២0១៧។
ចំណែកឯប្រជាពលរដ្ឋជិត ៨លាននាក់ ដែលបានចុះឈ្មោះ កាលពីឆ្នាំ២0១៦ នឹងអាចទៅបោះឆ្នោតក្នុងឆ្នាំ២0១៨ តែម្តង ដោយមិនតម្រូវឲ្យចុះឈ្មោះឡើងវិញទេ។ ប៉ុន្តែពួកគេ ក៏ត្រូវតែទៅពិនិត្យឈ្មោះរបស់ខ្លួនឡើងវិញដែរ ដែលត្រូវបានបិទផ្សាយនៅតាមឃុំ-សង្កាត់ ឬក៏ចូលទៅស្វែងរកតាមគេហទំព័រ http://www.voterlist.org.kh/។
បើបូកបញ្ចូលប្រជាពលរដ្ឋជិត ៨លាននាក់ ដែលបានចុះឈ្មោះក្នុងឆ្នាំ២0១៦ (ចំនួនចាស់) ជាមួយប្រជាពលរដ្ឋជិត ៥សែននាក់ ដែលទើបនឹងចុះឈ្មោះបោះឆ្នោតក្នុង២0១៧ (ចំនួនថ្មី) ប្រជាពលរដ្ឋសរុប មានជាង ៨.៣លាននាក់ហើយ ដែលមានឈ្មោះក្នុងបញ្ជីបោះឆ្នោតបច្ចុប្បន្ន៕
ប្រជាពលរដ្ឋ ដែលគ្រប់អាយុ១៨ឆ្នាំ និងមានសិទ្ធិបោះឆ្នោត នៅសល់ជាង១លាននាក់ទៀតឯណោះ ដែលមិនទាន់ទៅចុះឈ្មោះបោះឆ្នោត។ ប៉ុន្តែ អ្នកនាំពាក្យគណៈកម្មាធិការជាតិរៀបចំការបោះឆ្នោត បានអះអាងកាលពីកន្លងមកថា ប្រជាពលរដ្ឋជាង១លាននាក់ ដែលមិនទាន់បានចុះឈ្មោះបោះឆ្នោត គឺភាគច្រើនជាអ្នកចំណាក់ស្រុកទៅធ្វើការនៅក្រៅប្រទេស។
ដើម្បីអាចចូលរួមបោះឆ្នោតជ្រើសតាំងតំណាងរាស្ត្រ នីតិកាលទី៦ ក្នុងឆ្នាំ២0១៨ ប្រជាពលរដ្ឋទាំងនោះ ត្រូវតែទៅចុះឈ្មោះ មុននឹងត្រូវបិទបញ្ចប់នៅក្រោយថ្ងៃទៅ៩ ខែវិច្ឆិកា ឆ្នាំ២0១៧។
ចំណែកឯប្រជាពលរដ្ឋជិត ៨លាននាក់ ដែលបានចុះឈ្មោះ កាលពីឆ្នាំ២0១៦ នឹងអាចទៅបោះឆ្នោតក្នុងឆ្នាំ២0១៨ តែម្តង ដោយមិនតម្រូវឲ្យចុះឈ្មោះឡើងវិញទេ។ ប៉ុន្តែពួកគេ ក៏ត្រូវតែទៅពិនិត្យឈ្មោះរបស់ខ្លួនឡើងវិញដែរ ដែលត្រូវបានបិទផ្សាយនៅតាមឃុំ-សង្កាត់ ឬក៏ចូលទៅស្វែងរកតាមគេហទំព័រ http://www.voterlist.org.kh/។
បើបូកបញ្ចូលប្រជាពលរដ្ឋជិត ៨លាននាក់ ដែលបានចុះឈ្មោះក្នុងឆ្នាំ២0១៦ (ចំនួនចាស់) ជាមួយប្រជាពលរដ្ឋជិត ៥សែននាក់ ដែលទើបនឹងចុះឈ្មោះបោះឆ្នោតក្នុង២0១៧ (ចំនួនថ្មី) ប្រជាពលរដ្ឋសរុប មានជាង ៨.៣លាននាក់ហើយ ដែលមានឈ្មោះក្នុងបញ្ជីបោះឆ្នោតបច្ចុប្បន្ន៕
Tag:
បោះឆ្នោតជាតិ
© រក្សាសិទ្ធិដោយ thmeythmey.com
