ជាតិ
សេដ្ឋកិច្ច
សម្តេច ហ៊ុន សែន៖«បើមិនចាំបាច់ ច្បាប់ស្តីពីដីកសិកម្ម ចាំឆ្នាំ២០៥០ទៅ»
× សម្តេចហ៊ុន សែន នឹងបញ្ជាឲ្យរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឲ្យផ្អាកពិភាក្សាសេចក្តីព្រាងច្បាប់ស្តីពីដីកសិកម្ម ប្រសិនបើសម្តេចយល់ថាច្បាប់នេះ មិនទាន់ចាំបាច់។ សម្តេច បញ្ជាក់៖«បើមិនមែនជាតម្រូវការទេ គ្មានការចាំបាច់ទេ កុំទៅធ្វើនាំខាតពេល....បើថាមិនចាំបាច់ ចាំខ្ញុំប្រាប់រដ្ឋមន្ត្រីថាប៉ុណ្ណឹងបានហើយ ចាំឆ្នាំ២០៥០»។ ប្រតិកម្មដូច្នេះរបស់នាយករដ្ឋមន្ត្រី គឺបន្ទាប់ពីមានការតវ៉ាពីកសិករ អំពីសេចក្តីព្រាងច្បាប់នេះ។
សម្រាប់សម្តេច ហ៊ុន សែន ក្នុងកាលៈទេសៈបច្ចុប្បន្ន ច្បាប់ដែលចាំបាច់ក្នុងវិស័យកសិកម្មកម្ពុជា គឺច្បាប់ស្តីពីការបែងចែកតំបន់ដាំដុះ ដើម្បីឲ្យប្រជាពលរដ្ឋដាំដុះប្រភេទដំណាំដែលស្របនឹងស្ថានភាពដី។ សេចក្តីព្រាងច្បាប់ស្តីពីការគ្រប់គ្រងដីកសិកម្មនេះ មាន១៣ជំពូក និង១២១មាត្រា និងត្រូវបានព្រាងចប់រួចរាល់តាំងពីឆ្នាំ២០១១ ។
តាមររដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានបញ្ជាក់ប្រាប់សារព័ត៌មានថ្មីៗនាពេលកន្លងទៅ ច្បាប់នេះមានគោលដៅជំរុញសេដ្ឋកិច្ចកម្ពុជា និងចៀសវាងឈ្មួញទិញដីទុកចោល ដែលនាំឲ្យខាតបង់ការរីកចម្រើនសេដ្ឋកិច្ច។
ខាងក្រោមនេះជាលើកឡើងរបស់លោករដ្ឋមន្ត្រីក្រសួងកសិកម្ម វេង សាខុន ជាមួយសារព័ត៌មានថ្មីៗនាពេលកន្លងមក៖
Tag:
ហ៊ុន សែន
វេង សាខុន
ដីកសិកម្ម
© រក្សាសិទ្ធិដោយ thmeythmey.com